เอซเทอ 1:19 - Northern Pwo Karen Thai Bible

¹⁹ ทบี่นอ, เมะ เก ท พี่ แบ กจุ้แฆว้ อ ซ้ะ นอ, เกม๊า โอ ดี๊ ทอางแม้เลา เฌ๊นี่ ดี๊ กจุ้แฆว้, ดี๊ เกม๊า กวิ้ล้างไน ลู่ง โพล้ง เปอแซย, ดี๊ โพล้ง มีเดีย อ ทอางกีล้าง พ้า, ด้องซุ้ พี่ ม เท้าไฆวะไท้ ลซีแบ บี่อี้ง, น่าง วาที ม ลี้ฆ้าง โอ กจุ้แฆว้ ได้ะ ล ซี ล้า แบ, ดี๊ เกม๊า กจุ้แฆว้ เกล๊าง โพล้ง อ แฌ้แพ, พี่ ฌี้เละ น่าง วาที นอ, เกก้ะ ทอดู ล โค๊

เอซเทอ 1:19 교차 참조

1​กจุ้แฆว้ 3:28

ท่อง โพล้ง อีซลาเอง กุ้ แฌ้ ซีงแฌ๊ ทต้ะเซ๊ง อ ไฌ่, พี่ กจุ้แฆว้ ไคล้ล้าง เว๊ นอ, อ ซื๊งเว๊ซีง ล แฌ้ๆ, นอ, ยางแบซ้ะเม กจุ้แฆว้, เมะเว๊ อ ซื๊ง แด เว๊ กแช่แยว้ อ ทโกงซีมองแบ โอ ดี๊-อ้ะ, พี่ ม ต้ะเซ๊ง เท่อ เกม๊า ทอเกิ้งอแบ

เอซเทอ 1:18

ล นี้ง แย๊ อี้ง, กมืง พี่ เก ทอดูอแซย่ ลู่ง เปอแซย ดี๊ มีเดีย, พี่ แน่ฌ๊า น่าง วาที อ ทแม้ อ ไฌ่ นอ, ม อางโล๊ไท้ เอะ กจุ้แฆว้ อ ทอดูอแซย่ กุ้ แฌ้ คุ้ช๊องแน, ดี๊ ม เกทาง ทดึ้เดว ดี๊ ทซ้ะทาง แอฌ้อง

เอซเทอ 1:21

ทโล้ อี้ง นอ, เก เท่อ พี่ แบ กจุ้แฆว้ อ ซ้ะ, ดี๊ แบ ทอดูอแซย่ อ ซ้ะ, กจุ้แฆว้ แม้โพะ เมมูคาง อ ทโล้ อี้ง อ ไค๊ ล้อ

เอซเทอ 2:1

ลู่ง ทกึทาง อ ซ้ะ ลแพ อี้ง พ้องไค๊ไฆวะ, พี่ กจุ้แฆว้ อาฮ้ะซูเอระ อ ทซ้ะทาง ล้างซยืง เย้า นอ, อ เว๊ นางแบทางไท้ น่าง วาที ดี๊ เท่อ พี่ อ แม้ เว๊, ดี๊ ไละ อางแบเลา เท่อ, พี่ อ กแช่ กวิ้ทาง เว๊ แบฆ้ะ ดี๊ น่าง วาที

เอซเทอ 3:9

เมะ แบ กจุ้แฆว้ อ ซ้ะ นอ, เกม๊า กวิ้ทางไละ อางแบเลา เท่อ, เกม๊า แม้เฌ๊ฌ้องไฆวะ อ ซื๊งเว๊ ลแพ นอ, ดี๊ จ ม เทว๊ จี้ ล ไซ ตะลาง ชวี๊งล้าง ลู่ง โพล้ง ยู่แคว่ กจุ้แฆว้ อ ทไพ้ะทแม้ นอ อ จูงพ้า, บี่ซุ้ ม อางกีล้าง เว๊ ลู่ง กจุ้แฆว้ อ ทล่าง อางกีซยอง เท่อ นอ อ พ้า”

เอซเทอ 8:5

อ เว๊ โล้แบ เว๊ ไจ้ะเว๊, “เมะ เก เท่อ พี่ แบ กจุ้แฆว้ อ ซ้ะ, ดี๊ แย้ จ เมะ เก เท่อ พี่ อ แบเมะล้างซ้ะ ลู่ง น เมะแซ พ้า, ท ล เม้ง นอ เมะ แบเมาะ เกิ้งด้าง ลู่ง น เมะแซ พ้า, ดี๊ แย้ จ เมะ เก เท่อ พี่ อ แบเมะล้าง ซ้ะ ลู่ง น เมะแซ พ้า นอ, เกม๊าเต้ โอ ดี๊ ทกวิ้ทางไละ, อางแบเลา เกม๊า เปลงไฆวะ ทไคล้ ลู่ง ไละกวิ้ยื่ง พ้า, พี่ ฮางเมดาทา อ พู ฮามาง โพล้ง อาก้ะ ช๊องมองทาง เว๊ ดี๊ กวิ้ทาง เว๊, บี่ซุ้ ม แม้ เฌ๊ฌ้อง โพล้ง ยู, พี่ โอ กจุ้แฆว้ อ เว่งดูคล๊องโท๊ พ้า เลาพะ ลแพ นอ

เอซเทอ 8:8

เกม๊า น ซื๊ง เว๊ กวิ้ เท่อ, แบฆ้ะ ดี๊ โพล้ง ยู ลแพ นอ อ ไฌ่, ท๊อง น แคว่-อ้ะ ฌี้ ลู่ง กจุ้แฆว้ อเม้งอแซ พ้า, ดี๊ แม้ไน ทเอิ้งล้าง ดี๊ กจุ้แฆว้ อ จูงไซ้ะ พี่ โอ ดี๊ อดู้งอยาง, เมะเว๊ ไละอางแบเลา เท่อ, พี่ กวิ้ทาง ลู่ง กจุ้แฆว้ อเม้งอแซ พ้า, ดี๊ แม้ไน ทเอิ้งล้าง ดี๊ กจุ้แฆว้ อ จูงไซ้ะ พี่ โอ ดี๊ อดู้งอยาง นอ, ม เปลงไท้ ลซีแบ”

ดานีเอง 6:17

ฌ้อง นอ โพล้ง แม้นี่ โล่ง ล โพลง, เฌ๊ กาไบ้ะ ทะ ไล๊ อ พ้า คูทุ้, กจุ้แฆว้ นอ แม้ไนล้าง อ เท่อ, ดี๊ อ กดูกแซย่ อเม้งอแซ อ ท แม้ไน, บี่ซุ้ โพล้ง ม ล โอ เฌ๊ เปลงไฆวะ ดานีเอง อ ท กึทาง ดี๊-อ้ะ นอ ล ซี น่างแฌ้ แบ

1ซามูเอง 15:28

ซามูเอง โล้ เอะ-อ้ะ ไจ้ะเว๊, “ล นี้ง แย๊ อี้ง, กแช่ยาเว ซย๊างยะไฆวะ โพล้ง อีซลาเอง อ มื่ง อ บ้าง แด แน้ เย้า, ดี๊ คลุ้ล้างก้ะ เอะ โพล้ง อ แฌ้แพ พี่ อ ฌี้เละ แน้