20 เต้ๆ, เฆาะ ล้อ, โพล้งแบกแช่แยว้อซ้ะ ล โอ น่างแฌ้ แบ ลู่ง ฌางคูโคล๊งคู อี้ง, พี่ แม้ ที่ ท อ ฌี้ ดี๊ ล แม้ ทเด้บ้ะ น่างพ๊า แบ
“อ ซื๊งเว๊ซีง เมะ แม้ ทเด้บ้ะ แบ แน้, (เมะเว๊ กโพล้ง ล โอ น่าง แฌ้ แบ พี่ ล แม้ ทเด้บ้ะ แบ), ฌ้อง น ซ้ะทาง ดี๊ อ ซื๊งเว๊, ดี๊ น อางกีล้าง-อ้ะ ดี๊ อดีงอแด้, พี่ พองนี่ เว๊ ไท้ เก ทอฆ่อง ลู่ง ดีงแด้ อ ที๊งล่างค่าง พ้า นอ, เมะ ไย้ ฌี้ เบ้า ฌี้
“อ ซื๊งเว๊ เมะ แม้ ทเด้บ้ะ แบ แน้, (เมะเว๊ กโพล้ง ล แม้ ทเด้บ้ะ แบ ล โอ น่าง แฌ้ แบ), ดี๊ น ซ้ะทาง ดี๊ อ ซื๊งเว๊, ดี๊ น อางกีล้าง เว๊ ลู่ง อดีงอแด้ อ จูง พ้า, พี่ พองนี่ อ ซื๊งเว๊ ลี้ เก ทอฆ่อง ลู่ง ที๊งล่างค่างพ้า ล จอง, พี่ โอ เบ้า ฌี้ ไย้ เมะ ฌี้
“แคว่เซ้อ, ท ล ไฌ่ อี้ง นอ นไพ้ะนแม, แย้ จ ม ไคล้ช๊า แน้ กแช่แยว้ ดูเละ โท๊เละ กโพล้ง
จ กแช่ยาเว-เอ้อ, น เมะ กวิ้ล้างไน ทอ้าทซ๊าง นอ ทอดูทึโท๊ทึ จ กแช่แยว้-เอ้อ, โพล้งเล้ ม ชี๊เทิง โอ ซี?
โพล้งเซ๊กูเฌ๊ฌ้อง ไคล้ ลู่ง อ ซ้ะพ้า บี่อี้ง “กแช่แยว้ ลโอแบ” อซื๊งเว๊ ลแพ นอ อ้าทางซ๊างทาง, แม้ เท่อ พี่ อ ล้างแช๊เมะไฌ๊ซ้ะ แม้ ทอฌี้ ล โอ น่างแฌ้ แบ
อซื๊งเว๊ ลแพ นอ เฌ๊พลุ้ไฆวะ เลา, อ้าทางซ๊างทาง บี่ซุ้ โละซ้ะ เลาพะ แม้ ทอฌี้ ล โอ น่างแฌ้ แบ ล โอ น่างแฌ้ แบเฆาะ
เกม๊าเต้ ต้ะเซ๊ง น เพล่ ล ฌี้ เมะเว๊ ทโอม๊า ล โอ น่างเม้ง แบ, แบกแช่แยว้อซ้ะ ลู่ง กแช่แยว้ อ เมะแซ พ้า
โพล้งเล้ ม ไคล้ บี่อี้งซี, “จ แม้เช๊งแม้เกล้ง จเซิงจซ้ะ เย้า จฌี้จแอว้ พ้องไฆวะ ดี๊ ทเด้บ้ะ เย้า”
เฆ้อ กุ้แฌ้ เฌ๊พลุ้ไฆวะ เกล้ บี่ซุ้ดี๊ แกะ ล แฌ้ๆ, แกยไฆวะ อ ซ้ะ ลู่ง อ กแช่ อเกล้อพ้า แด เว๊ ดี๊ กแช่ยาเว อางกีล้าง ก ท เด้เทาเด้บ้ะ ลู่ง อ เว๊ อล้องอย่าง คู ล้อ
เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง
เกม๊า โพล้งลื่งเท่ออคู แคว่ที๊ง-อ้ะ, อ ไพ้ะ ทางแอว้ นอ, เมะ เก แอว้เปย้า นอ, อ นอ เก ทช๊างฆวี๊ง พี่ อ พู๊ทาง ลู่ง อ ไพ้ะ แกล้, อ เว๊ เช๊งเกล้ง ล้อ
อ ไฌ่ บี่ อี้ง โพล้ง กุ้ อ แฌ้ แม้ ท เด้บ้ะ, ล คลึ้ นี่ กแช่ แยว้ อ ฆี๊ง อ แล้ แบ
ก เว๊ แด กุ้ อ แฌ้ โย้ นอ, ก แม้ เท่อ ล แบๆ, แอ เม้ง แอ มยู๊ ล้อ, โพล้ง พี่ อ ไคล้ เท่อ ลู่ง อ แบ กุ้ พ๊า นอ, เมะ โพล้ง ลู่ง อ ฌี้ อ แอว้ เมาน่าง, อ เว๊ แคแน ล้าง อ กแช่ อ ซ้ะ เก เลา ปะ นอ ล้อ
โยนาทาง เฌ้เทิงทาง ไจแดไฆวะ คะ, ดี๊ ทซ้ะทาง พ้ะดู, ล นี่ อาง มี้ โอ้ ที๊ง ลู่ง มื่ง คี๊ง นี้ง พ้า ล แล้ แย๊ นอ แบ, เป๊งนี่ อ ซ้ะ เฌ๊ฌ้อง แบฆ้ะ ดี๊ ดาเว อ ไฌ่, เมะเว๊ อ แพ่ นอ, ไจ้ะอ้าไจ้ะซ๊าง ดึ้เดวทื่งแช้ ดาเว
