19 ทโกงซีมองแบ เกม๊า ไฌ่ เกม๊า แบ้ เอะ โพล้ง, พี่ โอ ดี๊ ทโกงซีมองแบ, แอเละ โพล้ง โพะคอง โพล้ง อ แฌ้ ล ชี๊ง, พี่ โอ เว่ง พ้า นอ ได้ะ
โพล้ง โอ ดี๊ ทโกงซีมองแบ, ทาง นึฆ้าง โพล้ง โอ ดี๊ อไฌ่อแบ้ อ เว่ง พ้า ดี๊ แม้ ล้างฆ่อง ทล่าง อเฌิ่งอค๊า, พี่ อ เว๊ อางกีล้างซ้ะ นอ ล้อ
โพล้ง โอ ดี๊ ทโกงซีมองแบ นอ, โอ ดี๊ อดู้งอยาง แอ ดี๊ โพล้ง โอ ดี๊ ทซีงแฌ๊ นอ, อไฌ่อแบ้ โอ แอทาง
แย้ จ โอ ดี๊ ท โล้ฌ้าละฌ้า ดี๊ ทโกงซีมองแบ แย้ อี้ง ล้อ, เก ทซีงแฌ๊แน่ฌ๊า กุ้ เม้ง, จ โอ ดี๊ ไฌ่แบ้
โพล้ง น่างบางซ้ะบาง คูซยางแน่ยะ, โอ ดี๊ ทโกงซีมองแบ นอ, ฌี้เละ กจุ้แฆว้ ซ้ะแซย่ เซ๊กูเฌ๊ฌ้อง, พี่ ล ฮะนี่ ท โล้ฌ้าละฌ้า ล้า แบ
เมะเว๊ ทโกงซีมองแบ นอ, เก ทด้างทะ บี่ซุ้ดี๊ จี้ พี่ เก ทด้างทะ นอ ล้อ แบเด้าะ ท แนซี อ ทล้างเปิ่ง นอ, เมะเว๊ ทโกงซีมองแบ เกล๊าง ทม๊า เอะ โพล้ง, พี่ เก ทโกงซีมองแบ อ กแช่ นอ ล้อ
