5 แอเละนอ ได้ะ, อ เว๊ ล คลึ้ แด มื่ง-อ้า, ล คลึ้ ซีงแฌ๊ มื่ง-อ้า, ได้ะ แบ, พืงแซ ล แฌ้ อี้ง โอ ดี๊ ทซยืงทบ้ะ ฌี้เละ โพล้งเม้งโพล้งแซย่ นอ ได้ะ
“กโพล้ง พี่ อ กึทาง นี่ ดี๊ กมืง นอ, โอ แซย้ โฆะ นี้ง ล้อ ดี๊ โอฆวี้ทะ ดี๊ ทแกเซิงแกซ้ะ
เกม๊า อเว๊ เก บี่ซุ้ดี๊ คลูปลี้, พี่ อ โบงไฆวะ เก ที๊ง ปลู่ปลี้, พี่ อ ไจ นอ บี่ซุ้ดี๊ พืงแซ ล้างฆวีงไฆวะ, พี่ ล แด แบ มื่ง แบ
ทโฌ่งทพ้าง ดึ้ เกม๊า เซิงมึซ้ะมึ, ดี๊ ท พี่ เมะคลี๊ง แด มื่ง นอ, เก ท เซิงฆวี๊งซ้ะโย้
พี่ อ ฌี้เละ โพล้ง คี๊งมู๊ง ได้ะ นอ, เมะเว๊ โพล้ง พี่ ล เฌ๊ กึทาง ได้ะ แบ, ดี๊ ล แด ทอ้าทซ๊าง พี่ อ กึทาง ลู่ง มื่ง เช๊ละ อี้ง แบ
เมะเว๊ พืงแซ นอ, เฌ๊ ลูทาง ลู่ง ท ลเฌิ่งลค๊า แบ อ พ้า, ดี๊ ไท้ไฆวะ ลู่ง ทไค้ะซ๊า พ้า, ดี๊ อ เม้ง แบ ท กาไบ้ะ ทะ ลู่ง ทไค้ะซ๊า พ้า
เอ้อ, ทึเมะ อ เว๊ โอม๊า อ เนง ล ม๊า แอทาง ล โทะ เด้าะ ฌี้, แบเด้าะ ล นี่ แด แบ ท อ ฌี้ น่างเม้ง แบ, กุ้แฌ้ นอ ทึไฆวะ ลู่ง ทล่าง ล จอง ฆ่าง ล เมะแบ-อ้า?
