15 อ เว๊ กึทาง นี่ ลู่ง มู่ อ ฌู่โพ๊ง พ้า โอ โบลงโกง บี่จะเล้ นอ, อ เว๊ ม ไท้ไท้ ได้ะ บี่ซุ้ดี๊ นอ ปะ ล้อ, ดี๊ อ เว๊ ม แม้นี่ ทเม้งเล้, พี่ เก อ ทไพ้ะทแม้ น้ะ อซูงอแซ, ไท้โชะ เว๊ ล ซี น่างเม้ง แบ ล้อ
อ เว๊ ไคล้ บี่อี้ง, “ จ เฌ๊นี่ ลู่ง มู่ อ อ้อง พ้า โปล้ปลิ้, ดี๊ จ ม ไท้ๆ, โปล้ปลิ้, กแช่ยาเว เกล๊าง เว๊, ดี๊ กแช่ยาเว แม้นี่ไฆวะ เว๊, อางปฆ้าทาง กแช่ยาเว อ เม้ง”
“โพล้ง โอ ดี๊ ทโกงซีมองแบ ม ไคล้ช๊า เท่อ ดี๊ ทซีงแฌ๊ อซูงอแซ ล โอ แบ ดี๊ ชวี๊งล้าง ลี้ง ลู่ง มื่งทาง ล โค๊, ท่อง ฆวี้ อล้องอย่าง นอ เกิ้ง ชี่-อ้า?
เมะเว๊ พี่ อ ซี๊ง โฆะ นอ, อเว๊ ม แม้นี่ ไท้โชะ เท่อ ล ซี น่างเม้ง แบ อฆี๊งอแล้ ม ล ลี้ล้าง ดี๊-อ้ะ แบ
ดี๊ คองแซย้ นอ, เฌ๊ฌ้องไฆวะ ลู่ง ท โพะเละแม้แค้ พี่ ล ฌี้ แบ, ทึเมะ อ เว๊ นี่ พูแคว๊ ล แฌ้ ฌี้ นอ, อ เว๊ อ ท ล โอ บึ้ อ จูง น่างเม้ง แบ
กแช่ยาเว โอบ้าโอคว่าง ดี๊ ยูดา ดี๊ ม แม้เตาแม้แต๊ ยาคุ้ บี่ซุ้ดี๊ อ ทไพ้ะทแม้ ดี๊ ม แม้แกไท้ เว๊ บี่ซุ้ดี๊ อ ทแม้ นอ ล้อ
แบ เด้าะ กแช่ แยว้ ไจ้ะ เอะ-อ้ะ, ‘โพล้ง เฌ๊ฌ้อง-เอ้อ, ล แน้ แย๊ โย้ น ม ซี๊ง ไฆวะ ล้อ, น คอง น แซย้ พี่ น อางกี ซยอง เว้-อ้ะ นอ ม เกก้ะ โพล้ง เล้ เว๊’, ”
ก กึ ทาง โบลงโกง, ก ม ไท้ โบลงโกง
