18 จ ไคล้ ลู่ง ซ้ะ พ้า แบฆ้ะ ดี๊ กเย่ กโพล้ง บี่อี้ง, กแช่แยว้ แม้แคว่ดุ้ อ ซื๊งเว๊, บี่ซุ้ ม เนโพลทาง เว๊ บี่อี้ง, อ ซื๊งเว๊ เก ที่ ทพูแฆ่ เฆาะ ล้อ
ฌ้อง โพล้ง พี่ อ ล้าง แช๊เมะไฌ๊ซ้ะ, ดี๊ อ อ้าทางซ๊างทาง โพล้ง พี่ โอ้ ทอ้าทซ๊าง บี่ซุ้ดี๊ อ โอ้ ที๊ง นอ มเช๊งมเกล้ง แซย้เละ อ นอ ชี่-แอ เล้?
น ม เกม๊า จ โอ ลู่ง ทไพ้ะทแม ล โค๊ นอ ได้ะ-อ้า? น ม ไจ้ะ จไพ้ะจแม, บี่ซุ้ น ม เก เท่อ ลู่ง อ แบ ล โค๊-อ้า?
กโพล้ง ทึเมะ อ ทโอทช๊อง ฌี้ นอ, โอเฌิ่งโอค๊า ลซีแบ อเว๊ เซงทื่งเฌ๊ฌ้อง บี่ซุ้ดี๊ ทพูทแฆ่ นอ ล้อ
ด้องซุ้ แกะ, อซื๊งเว๊ แบ ทอางกีล้าง เอะ พลื่งค่าง ทซี๊ง อ กแช่ ม เก โพล้ง ลื่ง เอะ อ แกะ โพล้งโต้โพล้งล้อง อดู้งอยาง ม โอ ดูเละโท๊เละ อซื๊งเว๊ ซีงลแพ ลู่ง โฌ้โค๊ ดี๊ อเค่งอฌ้าง ม ล้างอืงไฆวะ เลาพะ พลื่งค่าง ม เก อเด้าอล่าง
จ นี่ แม้ ทเด้บ้ะ แบ กแช่แยว้, แบ กแช่แยว้ ล แฌ้ ล้อ ดี๊ นี่ แม้ ทอ้าทซ๊าง, ลู่ง กแช่แยว้ อ เมะแซ พ้า ทบี่นอ, กแช่แยว้ อเกิ้งอแบ ลู่ง ทต้ะเซ๊ง พ้า ดี๊ ลู่ง ทต้ะเซ๊ง พ้า นอ, ล โอ ดี๊ ทอางโกไจ้ะแบ น่างเม้ง แบ
จ เซ๊กูเฌ๊ฌ้อง, ดี๊ ล ซีงแฌ๊แน่ฌ๊า เท่อ แบ จ แม้ จ ซ้ะ ดี๊ กแช่แยว้, บี่ซุ้ดี๊ ทพูแฆ่
ล เมะ บี่ นอ แบ เฆาะ, ทึ เมะ โพล้ง กุ้ อ แฌ้ คีงอูง เท่อ ฌี้ๆ, เมะ กแช่ แยว้ นอ ไคล้ ท อ ที๊ง อ โต้ ล้อ, บี่ ซุ้ ไละ ฌี้ ไละ แอว้ ไจ้ะ เว๊ “พ๊า ฌี้ พ๊า ฌี้ พี่ น ไคล้ เท่อ นอ อ ที๊ง อ โต้ โพล ทาง ดี๊ น น้า โพล้ง พี่ อ ไคล้ แน้ ล แพ นอ ล้อ”
พี่ อ เว๊ เอ้า อ ซ้ะ บี่ นอ, บี่ ซุ้ ม เนโพล ทาง อ ฆี๊ง อ แล้ อ โฌ่ง อ พ้าง, พี่ อ ล๊า อ ฆวี้ เอะ โพล้ง พี่ กแช่ แยว้ ย๊างเซิง ย๊างซ้ะ แบ เว๊, ดี๊ แด้ เว้ เว๊ เย้า ม เกม๊า อ นี่ แบ ฆึ อ ฆี๊ง อ แล้ อ โฌ่ง อ พ้าง
ทอางกี ล้าง ลู่ง โพล้ง กุ้ แฌ้ อ ฌ่าง นอ โอ บี่ อี้ง, เมะ เว๊ แบ ซี๊ง ล พ๊า ล้อ, ฌ้อง ม แบ กแช่ แยว้ อ ท ต้ะเซ๊ง
บี่ ซุ้ ดี๊ ไละ ฌี้ ไละ แอว้ โล้ เว้ เว๊ “กโพล้ง กุ้ แฌ้ เก บี่ ซุ้ นาง อ ฆี๊ง อ แล้ กุ้ อ เม้ง นอ, เก บี่ ซุ้ ท โพ๊ นาง ซี๊ง ไฆวะ ฌ้อง อ โพ๊ ล้าง ไฆวะ ล้อ
แบเด้าะ โพล้ง ล แพ นอ, เก บี่ ซุ้ ท พูแฆ่ พี่ อ ท โกง ท มอง ล โอ แบ, แม้ เท่อ ท๊อง อ กแช่ อ ซ้ะ, ดี๊ กึ ทาง บี่ ซุ้ ม แบ ท พองนี่ แม้ ซี๊ง-อ้ะ, โพล้ง ล แพ นอ ไจ้ะ อ้า เท่อ พี่ อ แน เว๊ ล ซี แบ, อซื๊งเว๊ ม แบ ท แม้ ซี๊ง-อ้ะ บี่ ซุ้ ท พูแฆ่ นอ ล้อ
