12 ดี๊ แอเละนอ ได้ะ, จ พูแคว๊-เอ้อ, เกม๊า ฮะนี่ ท โล้ซีงแฌ๊ ไช้ะ, พี่ ม แม้ทาง ไละ แอ นอ อ ทึ ล โอ แบ, ดี๊ ไฌ่ เท่อ แอ นอ ไปว้ะน่างไปว้ะซ้ะ ไพ้ะ แย ล้อ
อ เว๊ ไคล้ อางด้องล้าง เท่อ ซ๊า ม๊า ทีง ปะ, ดี๊ อ แท๊ ซ้ะอวีง โอ ล ม๊า เย่ โพลง
อไฌ่บี่อี้ง, พี่ โอ ดี๊ ทโกงทมอง แอทาง นอ, โอ ดี๊ ทน้ะทโน๊ง แอทาง ดี๊ กโพล้ง พี่ แม้ แอทาง ท ซีงแฌ๊แน่ฌ๊า นอ, แม้ แอทาง ท อึ้เซิงก้ะซ้ะ ล้อ
แบเด้าะ พี่ กวิ้ ล้าง เว๊ ล แพ อี้ง นอ บี่ ซุ้ น ซื๊ง ม ทื๊ง ม นะ กแช่ เยซู เก คริ้ เก กแช่ แยว้ อ พูแคว๊ ล แฌ้ ล้อ, ดี๊ น ซี๊ง เมะ ทื๊ง ไท้ นะ ไท้ อ เว๊ นอ น ม โอ ดี๊ ท ม๊า นอ ล้อ
กแช่ เยซู แม้ เท่อ อ แฌ้แพ แอ เม้ง แอ ฌ้อง, โพล้ง เมะ กวิ้ ล้าง ลู่ง ไละ พ้า ล เม้ง ล จอง ล เม้ง ล จอง กุ้ อ เม้ง นอ, จ เก้อะเร้อะ เมะ อางกี ไละ ล แพ นอ, ฌางคู คู ด๊าง เบง แย๊ ฌี้ ล โท่ ล้า แบ นอ ล้อ
ท กวิ้ ล้าง ลู่ง ไละ ฌี้ ไละ แอว้ พ้า ล เม้งๆ, นอ, น ซื๊ง ไฌ่ แบ แคว่ แบ-อ้ะ ครึๆ, ล้อ, อ ไฌ่ บี่ โย้ นอ, น ช๊องมอง ลู่ง ไละ ฌี้ ไละ แอว้ พ้า นอ, น ม แด แบ ท ม๊า ล้างชู้ ล้างแกย, เต้ๆ, นอ, ไละ ฌี้ ไละ แอว้ ล แพ นอ โล้ ล้าง เท่อ แบฆ้ะ ดี๊ แย้
