4 โพล้ง โพะคอง เท่อ อ ซ้ะ เมะ เฌ๊ทาง ดี๊ แน้ นอ, เฌ้เทิง ไจแดไฆวะ น ล่าง ล ฌี้ อไฌ่บี่อี้ง, ซ้ะโกย้ซ้ะเคลง นอ, แม้ โอโท๊ ทะ ทไพ้ะทแม พ้ะดู ซี
โพล้ง พี่ อ ซ้ะคู่ นอ, ดึ้ เกทาง ท ติ้โละไอโละ แบเด้าะ โพล้ง พี่ ซ้ะทาง โกย้ นอ, แม้ โอโท๊ไฆวะ ท คิ้คุ้ไวะวะ
ท โก้งเซิงโก้งซ้ะ นอ แบซีง ลู่ง ม ทึ้นี่ โพล้ง โพะคอง เท่อ ซี ดี๊ พลี้ ลู่ง อเพาอช๊า นอ แบซีงลู่ง ม ดึ้ เกม๊า ซ้ะ ล้างเพาล้างแช่ ซี
โอ ดี๊ ท ออ้าอซ๊าง น้ะ พี่ จ แด เว๊ ลู่ง มื่ง เช๊ละ อี้ง, ด้องซุ้ เว๊ เก ทไพ้ะทแม พี่ เฌ๊นี่ ดี๊ โพล้ง โอ ดี๊ อดู้งอยาง
ปชื่ง ไจทาง พ้องไฆวะ ดี๊ กจุ้แฆว้ อเมะอแน๊ ล ฌี้, พี่ ท กึทาง อ ซ้ะ ล ฌี้ แบ โอ ทาง นอ ลือ เท่อ ล ฌี้, เมะเว๊ กจุ้แฆว้ นอ แม้ ท เม้งฌี้ๆ, ท๊อง แบ อ ซ้ะ ล้อ
