47 โพล้ง อีซลาเอง ลี้ฆ้าง แม้นี่ก้ะ เว๊ อ ที๊งล่างค่างพ้า, ดี๊ โอะ กจุ้แฆว้ เว่ง บาชาง อ ที๊งล่างค่างพ้า ปะ, โพล้ง อาโมไร อ กจุ้แฆว้ คี๊ง แฌ้, พี่ โอ มื่งทาง ล โค๊, ลู่ง ที๊ง โจเด้ง กล้อง อู้ง โค๊แพ้ อู้ง
ดี๊ แอเละ อ นอ ได้ะ, กแช่แยว้ อางกีล้าง บ้างมื่ง ดี๊ โพล้ง กุ้ที๊งกุ้ค่าง เอะ-อ้ะ, ดี๊ อางน้าง เอะ-อ้ะ บี่ซุ้ดี๊ ค่างช๊า โอ นอ, อ เว๊ ยึนี่ ก้ะ ซีโฮง กจุ้แฆว้ เว่ง เฮโบง อ ที๊งล่างค่างพ้า, ดี๊ โอะ กจุ้แฆว้ เว่ง บาชาง อ ที๊งล่างค่างพ้า
พี่ อ เว๊ แม้น้า โพล้ง อาโมไร อ กจุ้แฆว้ ซีโฮง พี่ อ โอ ลู่ง เฮชาโบง พ้า, ดี๊ แม้น้า บาชาง อ กจุ้แฆว้ โอะ พี่ โอ อะทาโร พ้า, ลู่ง เอเดรอีพ้องไค๊ไฆวะ ฌ้อง นอ
จ เจ่ เทิ่งดี้ น๊างมู๊ง ลี้ วี่ง ลู่ง น เมะแซ พ้า เกม๊า อ โฌ๊ไจไฆวะ โพล้ง อาโมไร อ กจุ้แฆว้ คี๊ง แฌ้ นอ ลู่ง น ซื๊ง เมะแซ พ้า, พี่ ทแม้ อ ซ้ะ บี่อี้ง นอ ล เมะ ลู่ง น น้ะ ดี๊ น คลีง อ กย้อง แบ
