2 เกม๊า จ ทซองทซ๊าง ล้างช้าง ด้องซุ้ ทเฌ๊ช้า ล้าง ดี๊ เกม๊า จ ทลื่งทไคล้ คะจ้าง ล้าง อ ซ้ะ ด้องซุ้ ปช้างที๊ง ด้องซุ้ ท กมวี๊ง ล้าง ลู่ง นาง บางไพละ คู ด้องซุ้ ทเฌ๊ช้าล้าง พ้ะดู ลู่ง ทดุ้ทแล คู
แบด้อง ทโฌ่งทาง พี่ มื่ง เฌ๊ทาง อ แค๊ เมะเว๊ มโฌ้โค๊ พี่ ท เอิง ล โอ แบ เก ทพ้าง ลู่ง ทช้า อ ล่างไค๊, พี่ ดึ้ เกม๊า นาง เมทาง ลู่ง ฌางคู คู
กแช่แยว้ ชู๊ง ที๊ง, โพะ เว๊ อ กีงเท๊ ล่าง, โจ ฌี้ มะ ดี๊ เกม๊า กีงเท๊อี ล้างด้ะ เกม๊า ฌางคู เพาเล้า ดี๊ ทเฌ๊ช้า ดี๊ ชูฌี้ชูแอว้ เว๊ อ ทซูงทแซ
เกม๊า น เก บี่ซุ้ดี๊ ทเฌ๊ช้า, พี่ ล้างแบ ลู่ง นาง, พี่ ไร้ะ-อ้ะ เย้า นอ อ คู บี่ซุ้ดี๊ ทเฌ๊ช้า, พี่ ช้าล้าง แบโจ ฌางคูโคล๊งคู
เมะเว๊ จ เกล๊าง เอะ แน้ ทอางด้อง ลู่ง อ ฌี้ ญ๊องไฆวะ จ ทซองทซ๊าง ล ฌี้
ก ม เก เอะ อีซลาเอง บี่ซุ้ดี๊ ปช้างที๊ง อ เว๊ ม เซิงฆวี๊งซ้ะโย้, พ้ะ ด้องซุ้ ลีงลี้ โพ๊ อ เว๊ ม เช้ล้าง อ ฌี่ง, บี่ซุ้ดี๊ เซง มื่งเทิง ลู่ง เลบาโนง
เอฟาอีง-เอ้อ, ก ม แม้ ทเม้งเล้ ดี๊ แน้ ฌี้? ยูดา-เอ้อ, ก ม แม้ ทเม้งเล้ ดี๊ แน้? น ทเอทกวี้ง นอ, บี่ซุ้ดี๊ ทเอิง ลู่ง โฌ้โค๊ บี่ซุ้ดี๊ ปช้างที๊ง พี่ ล้างแม่ไฆวะ ลู่ง โฌ้ ล้างคึ
ค๊องเนงอี้ง, เกม๊า น คุ้ช๊องแน กแช่ยาเว อลู่งอแท๊ น โล้ เท่อ บี่อี้ง, ‘โล้ล้าง กแช่แยว้ อลู่งอแท๊ ไคล้เตาไคล้แต๊ อีซลาเอง ล ฌี้ ดี๊ ซอง เท่อ ไคล้เตาไคล้แต๊ อีซฮะ อชื้ออชะ ล ฌี้’
อ ซื๊งเว๊ ลแพ นอ ม โพะคอง ค่าง อะซีเรีย ดี๊ น้ะ ดี๊ โพะคอง ค่าง นีงโร้ะ ลู่ง กเย่ เกล้ นึฆ้าง เว่ง ดี๊ อ เว๊ ม แม้พ้องพลิ้ เฆ้อ, เกม๊า พ้องไฆวะ ดี๊ โพล้ง อะซีเรีย พี่ อ ซื๊งเว๊ เฌ๊ ค๊างพะ ฆ้าง ก ที๊งล่างค่างพ้า ดี๊ ไย่เละค๊างพะ ก ค่างช๊า พ้า
ฌ้อง ยาคุ้ อ โพล้ง พี่ โอ ล้างลื๊อ ก้ะ นอ ม โอ ลู่ง โพล้ง กุ้ชื้อกุ้ชะ แอฌี่งแอฌ้อง อซุ้อแกล้ พ้า บี่ซุ้ดี๊ ปช้างที๊ง เฌ๊นี่ ดี๊ กแช่ยาเว บี่ซุ้ดี๊ ทเฌ๊ช้า พี่ ล้างแบ นางคู พี่ ล โอคุ้แท๊ กโพล้ง-อ้า กโพล้ง อ พู ลแพ นอ-อ้า แบ
เกม๊า อางท่างนี่ ทเฌ๊ช้า ดี๊ กแช่ยาเว ลู่ง ทเฌ๊ช้า ฌี้ อว๊างอแค๊ เบ้า ม เลา อางท่างนี่ ดี๊ กแช่ยาเว พี่ อ ไต้ ทเอิง ลี้งเฌ๊ กแช่แยว้ พี่ อ เกล๊าง ทเฌ๊ช้า เอะ กโพล้ง ดี๊ เกล๊าง ทดุ้ทแล นาง ลู่ง ไชะคูแน้พ้า เอะ โพล้ง กุ้แฌ้
ฌางคู พี่ อ โจ ดี๊ ที๊ง ท เฌ๊ช้า แอ พ๊า ดี๊ เกม๊า ท พู ท ลี้ง เก ทาง พี่ ม ล้างเปิ่ง ลู่ง โพล้ง เซิง เท่อ พล้ะ เท่อ อ ฌ่าง, อ นอ, กแช่ แยว้ ไป๊ป้อง แบ-อ้ะ ล้อ
