6 โพล้ง พี่ อ แบ ทไคล้ล้าง อ เตา ท่อง อ ซี๊ง นอ, เกม๊า โอ ดี๊ อ พีงญาง คี๊ง แฌ้ ซ๊า แฌ้, ฌ้อง นอ แม้เตา-อ้ะ ท่อง อ ซี๊ง ซี, แม้ เตา โพล้ง ท่อง อ ซี๊ง ดี๊ พีงญาง ล แฌ้ เฆาะ ล ฌี้
โพล้ง แฌ้ ฌี้ๆ, พี่ แม้ซี๊ง โพล้ง นอ, เกม๊า แม้ซี๊งไฆวะ โพล้ง พี่ อ แม้ซี๊งเท่อ ล แฌ้ นอ, บี่ซุ้ดี๊ โพล้ง เก พีงญาง โล้ เว๊ นอ ล้อ, แบเด้าะ แม้ซี๊ง โพล้ง ดี๊ ท เก พีงญาง ล แฌ้เฆาะ นอ น่าง แฌ้ ล ฌี้
แบ เด้าะ เมะ ล ญ่อง ช๊องแน แน้ แบ นอ, ลี้ อางจ้ะ นี่ โพล้ง เมาะ ล แฌ้ คี๊ง แฌ้ เกม๊า อ เก พีงญาง, บี่ ซุ้ ไละ ฌี้ ไละ แอว้ อ ท โล้ เว๊, ‘น เมะ ด้อง โพล้ง ล เม้งๆ, นอ, อ พีงญาง แบ โอ คี๊ง แฌ้ ซ๊า แฌ้ บี่ ซุ้ ม นะ ซี’, อ นอ เก ท อ เค้อะ ลู่ง ไละ ฌี้ ไละ แอว้ โล้ เว๊ นอ ล้อ
“ก เมะ ล นี่ คุ้ช๊องแน โพล้ง อ ท ไคล้ พ้อง ล้าง อ ซ้ะ ได้ะ แบ, ดี๊ ล ซีงแฌ๊ โพล้ง อ ท ไพ้ะ ท แม ได้ะ แบ นอ, เซ๊งพ้า ท้างพ้า ล เกม๊า ก ไคล้ ล้าง อ เตา อ แต๊ ได้ะ แบ ล้อ”
อ อี้ง เก ซ๊า พ๊า ล พ๊า พี่ จ ม เฌ๊ โอ น ซื๊ง, นาง แบ ไละ ฌี้ ไละ แอว้ อ ท ไคล้ พี่ อ ไจ้ะ เว๊ “น เมะ ด้อง โพล้ง ล เม้งๆ, นอ, อ พีงญาง แบ โอ คี๊ง แฌ้ ซ๊า แฌ้ บี่ ซุ้ ม นะ ซี”
“เกม๊า พีงญาง ล แฌ้ เฆาะ นอ, เกม๊า อ ไคล้ เตา โพล้ง น่าง แฌ้ ล ฌี้, เมะ อ เก ท แม้ซี๊งแม้แช๊ อ ไฌ่ ฌี้, ทเด้เทาเด้บ้ะ อ ไฌ่ เม้งฌี้ๆ, พี่ อ แม้ แบ เว๊ นอ, แบเด้าะ พีงญาง แบ โอ คี๊ง แฌ้ ซ๊า แฌ้, ท เก พีงญาง นอ, ม เก ท พี่ ทื๊ง-อ้ะ นะ-อ้ะ ซี
พี่ โพล้ง ไจ้ะ ทอคูอแน่ นอ, อ พีงญาง เมะ ล โอ คี๊ง แฌ้ ซ๊า แฌ้ แบ นอ, ช๊องแน-อ้ะ ล ฌี้
โพล้ง พี่ ล แม้ โพะ โมเซ อ ทอางแม้เลา อ ไค๊ แบ นอ, อ พีงญาง เมะ โอ คี๊ง แฌ้ ซ๊า แฌ้ นอ, อ เว๊ ม แบ ท แม้ ซี๊ง-อ้ะ, ท ย๊างเซิง ย๊างซ้ะ แบ-อ้ะ ล โอ แบ เฆาะ
