10 ฌ้อง เกม๊า น แม้ บี่ซุ้ดี๊ อ ซื๊งเว๊ โล้ ล้างที๊ง เอะ แน้, ลู่ง ทล่าง พี่ กแช่ยาเว ม อางลึนี่ เว๊ นอ, ดี๊ เกม๊า น ปโล่ ล้างซ้ะ, พี่ ม แม้โพะ ทกุ้เม้ง อ ไค๊, พี่ อ ซื๊งเว๊ เนฌ้าโล้ฌ้า แน้ นอ
ดี๊ ซอง โพล้ง อีซลาเอง, เกม๊า อ ซีงแฌ๊ ทอเค้อะอต้าง กุ้ อ เม้ง, พี่ กแช่ยาเว โล้ เอะ อซื๊งเว๊ เฌ๊ เว๊ ดี๊ โมเซ นอ”
เกม๊า น แม้โพะ ทอางแม้เลา อ ไค๊, พี่ อ ซื๊งเว๊ เนฌ้าโล้ฌ้า แน้, ดี๊ แม้ โพะ ทต้ะเซ๊ง อ ไค๊, พี่ อ ซื๊งเว๊ นี่ อางแบเลา แน้ นอ, แกยไฆวะ น ซ้ะ ดี๊ ทต้ะเซ๊ง, พี่ อ เว๊ โล้ ล้างที๊ง เอะ แน้ นอ ล ฌี้, ลู่ง อ ฆุ้ โค๊ ฌี้, อ จี โค๊ ฌี้
เกม๊า ลี้ฌูง โพล้งลื่งเท่ออคู ลแพ นอ, โพล้ง เลวี, ดี๊ ลี้ฌูง โพล้งต้ะเซ๊งเท่อ, พี่ โอ แม้ เท่อ คระ ล ชู้ แย๊ นอ, เกม๊า น ก้างแก้ เท่อ ดี๊ อซื๊งเว๊, ดี๊ อ ซื๊งเว๊ ม โล้ ล้างที๊ง เท่อ, เกม๊า น ซีงแฌ๊ แบฆ้ะ ดี๊ ทต้ะเซ๊ง
