24 ฌ้อง โพล้ง ลแพ นอ, ลี้ทาง ลู่ง ทลู่งทจ้อง คู, เฌ๊ ท้อง ทลู่ง เอชาโค คางไท้ะ, ฌ้อง แคว่ฌูงดุ้ เท่อ พี่ นอ
แคว่-อ้ะ, ที๊งล่างค่างพ้า โอ ดี๊ ทอางทโอ้ กู้งๆ, ล๊าๆ-อ้า, เซง ดู แว แซย่ โอ ชี่-อ้า, เกม๊า น ซื๊ง ซ้ะ ชอง ซ้ะ น้า, ดี๊ แม้นี่ โย๊ ทแซ ลู่ง เว่ง พ้า นอ เฌ๊ไท้ โชะ-อ้ะ ล น้าง ปะ”, (ล ว๊าง แย๊ นอ เก ทอแค๊ พี่ ซไบ้ะ แซ เม๊งทาง อ วี่งคู ล ว๊าง)
พี่ อ ซื๊งเว๊ ลี้ทาง ทลู่ง เอชาโค คางไท้ะ, ดี๊ แด แบ ที๊งล่างค่างพ้า เย้า นอ, อ ซื๊งเว๊ แม้ล้างท่อง โพล้ง อีซลาเอง อ ซ้ะ, พี่ ม ลี้ นึฆ้าง ลู่ง ที๊งล่างค่างพ้า พี่ กแช่ยาเว เกล๊าง เอะ-อ้ะ นอ ล้อ
ท ล ไฌ่ อี้ง นอ, จ แด ฆึ-อ้ะ ฌี้ ปะ, จ อางลึ นี่ โพล้ง ล ชี๊งคี๊ง แฌ้, ลู่ง นซุ้นแกล้ ชื้อ แฌ้ๆ
อ ซื๊งเว๊ ซีง ลแพ, แม้นี่ ทแซ ลู่ง ที๊งล่างค่างพ้า นอ, เฌ๊ไท้ โชะ เอะ เฆ้อ, ดี้ เฌ๊ไท้ โล้โค แบ เฆ้อ ไจ้ะเว๊, ‘ทล่าง พี่ กแช่ยาเว ก กแช่แยว้, เกล๊าง เอะ เฆ้อ นอ, เก ที๊งล่างค่างพ้า ลู่ง อ ฌี้ ล้อ’
