20 แกะ แพ๊ อ โน้ง โอ คี๊ง บ้อง พี่ น แด -อ้ะ อ ไฌ่ นอ, เมะเว๊ โพล้ง มีเดีย ดี๊ โพล้ง เปอแซย อ กจุ้แฆว้
เปอแซย คุ้ ดี๊ พุ้ โอ ดี๊ อ ซื๊งเว๊ ปะ, กุ้แฌ้ โอ ดี๊ นางปด้าง ดี๊ คลื้งโมะ ท้ะ
โอ ท๊อง แน้ ลี้ก้ะ นอ, ม โอ ดี๊ บ้างมื่ง โพลทาง พือเละปี๊เละ นบ้างนมื่ง ได้ะ, ดี๊ โอ ดี๊ บ้างมื่ง ซ๊า มื่ง ล มื่ง ได้ะ, เก ท่องบ้าง, พี่ ม โพะคอง เท่อ เฆ้ง ฌางคูโคล๊งคู
เปเร้ะ นมื่งนบ้าง แบ ท อางน้างพ้ะ เอะ โพล้ง มีเดีย, ดี๊ โพล้ง เปอแซย”
ดี๊ แมะ แพ๊ นอ, เมะเว๊ โพล้ง กรี อ กจุ้แฆว้, ดี๊ อ โน้ง พ้ะดู ลู่ง เมะคลี๊ง อ เบ้าช้า นอ, เมะเว๊ กจุ้แฆว้ อ ต้องคู ล แฌ้
จ บุ้ทาง เมะ แคว่ เท่อ, ดี๊ จ แด แกะ แพ๊ ล ดื้ง, ชี๊เทิง โอ ลู่ง ที๊งกล้อง คื่อคู, อ โน้ง โอ คี๊ง บ้อง, อ โน้ง คี๊ง บ้อง นอ พ้ะโท๊, แบเด้าะ อ โน้ง ล บ้อง โท๊เละ ล บ้อง ได้ะ, ดี๊ อ โน้ง พี่ อ โท๊ นอ ซยุ้ทาง ลู่ง ไค๊
