ดานีเอง 8:10 - Northern Pwo Karen Thai Bible

¹⁰ อ โน้ง ซยุ้ทาง พ้ะดู ท้อง กเย่ เท่อ พี่ อ โอ ลู่ง มุ้คู ลแพ นอ, ดี๊ เว่งว๊าง ล้าง กเย่ เท่อ พี่ อ โอ ลู่ง มุ้คู, เมะเว๊ แซย แบ ล โพลงๆ, เฌ๊ล้าง ลู่ง ฌางคู คู ฌ้อง ไย่เละค๊างพะ เว๊

ดานีเอง 8:10 교차 참조

อีซยา 14:13

แน้ ล้อ, น ไคล้ ลู่ง น ซ้ะพ้า บี่อี้ง ‘จ ม ลี้ทาง ลู่ง ทมุ้คู จ ม ต๊างทาง จ ล่าง ชี๊น้าง ลู่ง กแช่แยว้ อ แซย ลแพ นอ อ เช๊คู จ ม ชี๊น้าง ลู่ง ทแพโซง อ ล่าง ทลู่ง คู ลู่ง มื่งเค๊ง อ ไย้ ทึ

เยเรมี 48:26

“เกม๊า อ เว๊ ม้า เท่อ, เป๊งนี่ อ เว๊ ชีอูงพู๊ ทาง อ ซ้ะ ดี๊ กแช่ยาเว, อกย้องบี่นอ, โมอา ม แบ เลว๊ อ ซ้ะ, โอ อ กแช่ อ ปยุ้ พ้า, ดี๊ อ เว๊ ม แบ ทไคล้ ไฌ๊ซ้ะ ปะ

ดานีเอง 11:28

ฌ้อง กจุ้แฆว้ ลู่ง มื่งเค๊ง นอ, ม ไท้ไท้ ลู่ง เด้า ลู่ง เว่ง, ล พ๊าฆ่าง ดี๊ คองแซย้ แอฌี่งแอฌ้อง, แบเด้าะ อเซิงอซ้ะ นอ ช๊องมอง อ้า แบ ทเอิ้งล้าง พี่ อฌี้อแอว้, อ เว๊ ม แม้ล้าง เท่อ ท๊อง แบ อ ซ้ะ, ดี๊ ไท้ไท้ ลู่ง อ กแช่ อ เว่ง พ้า

ดานีเอง 11:30

เมะเว๊ เว่ง คิ้ทีง อ ซึ้พูมู๊ง คลี๊ง นอ, ม เฌ๊ ดึ้ซึ้ โละซ้ะ ดี๊-อ้ะ, อ เว๊ ม ซ้ะเม เท่อ ดี๊ ไท้ไท้ ไวะ, ดี๊ ม ซ้ะทาง พ้ะดู ดี๊ ทเอิ้งล้าง ลู่ง อฌี้อแอว้, ดี๊ แม้ล้าง ทไพ้ะทแม้, อ เว๊ ม แกยไท้ อ ซ้ะ ควี๊งคูแกยแน่ ดี๊ โพล้ง ล แพ นอ, พี่ อ ญ๊องไฆวะ ทเอิ้งล้าง ลู่ง อฌี้อแอว้

ดานีเอง 7:7

ท่อง อ ช๊าง นอ, ลู่ง ทแดเว้ พ้า มแน้แค๊ นอ, จ แด ทพูแฆ่ ลี่ง ดื้ง ล ดื้ง, อ โน้ง โอ อ บ้อง ล ชี๊ง, อดู้งอลู่ ล้าง ซ้ะเม ดี๊ อชองอไคล๊ ดู มะ, อ เว๊ โอ ดี๊ อ แซว๊ ท้ะ พ้ะดู, อ อาง เท่อ ดี๊ บุ้แค่ เท่อ เก ลไก้ลโค๊, ดี๊ ท๊าเท่งไฆวะ ท พี่ อ อาง เว๊ ล้างลื๊อก้ะ นอ, อ เว๊ ล้างช๊าง โละซ้ะ ดี๊ ทพูแฆ่ อ แฌ้แพ เลาพะ, พี่ โอ วี่ง-อ้ะ นอ ล้อ

ดานีเอง 8:7

จ แด อ เฌ๊ฆ้าง เบ้า แกะ แพ๊, อ ซ้ะทาง ดี๊ ลี้ฆ้าง ไคว้ะ แกะ แพ๊, แม้ แค่ไฆวะ เว๊ อ โน้ง คี๊ง บ้อง นอ, ดี๊ แกะ แพ๊ นอ อไฌ่อแบ้ ดึ้-อ้ะ ล โอ แบ, อ เว๊ เว่งว๊าง ล้าง แกะ แพ๊ ลู่ง ฌางคู คู, ดี๊ ไย่ล้าง เว๊, ดี๊ โพล้ง ล โอ แม้ช้า แกะ แพ๊ เกม๊า พ้องไฆวะ ดี๊ อดู้งอยาง ซี น่างแฌ้ แบ

ท​เน​โพล​ทาง 12:4

ฌู่ง พ้ะดู อ มี่ นอ เป้ แซย ลู่ง มุ้คู เกม๊า อ ล้างเทะ ฌางคู คู, ซ๊า โป้ง นอ ล้างเทะ ไฆวะ ล โป้ง, ฌู่ง พ้ะดู นอ ชี๊เทิง ลู่ง กมืง พี่ อ พู เบ้า ม โอ เย้า ล แฌ้ นอ อ เมะแซ พ้า, บี่ ซุ้ อ พู เมะ โอ นอ ม อาง เว๊ อ เท่อ