ดานีเอง 4:14 - Northern Pwo Karen Thai Bible

¹⁴ อ เว๊ แม้ เซ๊ พ้ะดู อ ลู่ง, ดี๊ ไคล้ ไจ้ะเว๊, ‘เคาไฆวะ เซง มื่งเทิง อี้ง, ดี๊ กล้างไฆวะ อ ได้, ดิ้ไฆวะ อ แล, ฌ้อง เกม๊า อ แซ ลีงแล่ไฆวะ อ ซ้ะ, เกม๊า ทพูแฆ่ เม้ง ไจแดไฆวะ อ มื่งเทิง เช๊ละ, ดี๊ เกม๊า ทู ยู้งแดไฆวะ อ ได้

ดานีเอง 4:14 교차 참조

โยบา 24:20

อ้อง พ้า ม ซ้ะนาง-อ้ะ โลง ม อาง-อ้ะ ลู่ง อ อวีง อ ช๊า โพล้ง ล โอ นางแบ เว๊ อเม้งอแซ น่าง แฌ้ ล้าแบ ทอ้าทซ๊าง นอ, แค่ล้าง บี่ซุ้ดี๊ เซงมื่งเทิง ล้อ

เยเรมี 27:5

อ อี้ง นอ, เมะเว๊ เฆ้อ ล้อ, พี่ นี่ ไต้ล้าง ฌางคูโคล๊งคู, เลา ดี๊ กโพล้ง ดี๊ ทพูแฆ่ พี่ โอ ฌางคูโคล๊งคู ดี๊ กดู้งกยาง กซยื๊งกซย้อง ดูทึ, ดี๊ ก จูง พี่ เยา ฆ้าง อ ซ้ะ, ดี๊ ก ม เกม๊า เอะ โพล้งเล้ นอ ซี, ท๊อง ก แคว่ -อ้ะ อเกิ้งอด้าง ล้อ

เยเรมี 51:6

“เกม๊า ไจแดไฆวะ บาบีโลง เกม๊า กุ้แฌ้ แม้พ้องพลิ้ ล้าง อ ซ้ะ แดเทา เกม๊า น แบ ทแม้ เฌ๊ฌ้องไฆวะ ดี๊ อ ทไพ้ะทแม เด้บ้ะ อกย้อง ล ฌี้ เมะเว๊ อ อี้ง เก กแช่ยาเว อช๊าอโท่ แม้แกไท้ เท่อ เก ท พี่ กแช่แยว้ แม้ช๊าไท้ เว๊

เยเรมี 51:9

ก ซื๊งเว๊ ก นี่ แม้ก้องแย่ บาบีโลง, แบเด้าะ อ เว๊ ล ก้องแย่ แบ ญ๊องไฆวะ-อ้ะ แดเทา, ดี๊ เกม๊า ก ลี้ ล แฌ้ๆ, ลี้ ลู่ง อ กแช่ อที๊งอค่าง เมะเว๊ ทต้ะเซ๊ง-อ้ะ นอ, นี่ ลี้ทาง ท้อง ทมุ้คู ดี๊ แบ ท โชะทาง ท๊องซุ้ ดี๊ ทเอิง

เอเซเคียง 31:10

“อกย้องบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง, เป๊งนี่ อ โท๊ น้ะ, ดี๊ โชะทาง คี๊งจุ้ โอ ท๊องซุ้ ทเอิง, ดี๊ อเซิงอซ้ะ นอ, ทื่งดูล้างซ้ะ ลู่ง อ ท พ้ะโท๊ อกย้อง

ดานีเอง 2:21

กแช่แยว้ เปลงไฆวะ ท อช๊าอโท่ ดี๊ ท อว๊างอแค๊ เท้าไฆวะ กเย่ กจุ้แฆว้ ดี๊ ต๊างทางไท้ เว๊ อ ซ๊าง กแช่แยว้ เกล๊าง ทโกงซีมองแบ เอะ โพล้งซีงแฌ๊แน่ฌ๊าเท่อแอ ดี๊ เกล๊าง ทซีงแฌ๊ เอะ โพล้งไพ่โพล้งแซย๊

ดานีเอง 3:4

โพล้ง คุ้ โล้ล้าง เท่อ นอ, โล้ล้าง เท่อ เซ๊ พ้ะดู ไจ้ะเว๊, “กจุ้แฆว้ โอ ดี๊ ท อางแม้เลา ท้อง โพล้ง กุ้ที๊งกุ้ค่าง กุ้ชื้อกุ้ชะ กุ้ คว่าง

ดานีเอง 4:12

อ แล ฌี้ มะ ดี๊ อ แซ นอ, แอฌี่งแอฌ้อง ดี๊ ทอาง พี่ เกล๊าง เอะ ท พี่ อ โอม๊า กุ้เม้ง นอ, เฌ๊นี่ ลู่ง เซง มื่งเทิง นอ ล้อ ทพูแฆ่ ลู่ง ทเคแกล้ เปิ่งโอเปิ่งช๊อง ลู่ง อ ซยืง เช๊ละ ทู ลู่ง ทพุ้พ๊าง นอ, เปิ่งโอเปิ่งช๊อง เว๊ อ ได้ ล้อง ดี๊ ท พี่ อ โอม๊า กุ้เม้ง นอ, ลื่งล้าง อ ซ้ะ โอ ดี๊-อ้ะ

ดานีเอง 4:23

ดี๊ พี่ น แคว่ ทมุ้คูพู พี่ อฌี้อแอว้, เฌ๊ล้าง นี่ ลู่ง มุ้คู, ดี๊ น ไคล้ บี่อี้ง, ‘เคาล้างไฆวะ เซง มื่งเทิง อี้ง, ดี๊ แม้เฌ๊ฌ้องไฆวะ-อ้ะ, แบเด้าะ ทูแพล่ เกม๊า อ ทุ้ อ ฌี่ง โอท๊าง ฌางคู พ้า, จ้าทะ-อ้ะ ดี๊ ท้ะ ดี๊ ท่องบ้าง, เกม๊า อ โอ นางบาง อซุ้อแกล้ ลู่ง ทเคแกล้, เกม๊า อ แบโจ ดี๊ ปช้างที๊ง เฌ๊นี่ ลู่ง มุ้คู, เกม๊า อ โอซยอง ดี๊ ทพูแฆ่ ลู่ง ไชะคูแน้พ้า, ดี๊ ทูแพล่ เกม๊า อ โอ บี่ นอ ท่อง อ ชิ้ทาง เนว๊ ว๊าง’

ดานีเอง 4:29

โอก้ะ ลู่ง ไค๊ ชี๊งคี๊ง แล้ เด้าะ, กจุ้แฆว้ ไจ ดุ้ ลู่ง บลาง อ คู ท้ะ ล คะ นอ ลู่ง บาบีโลง พ้า

ดานีเอง 5:20

แบเด้าะ ท่อง น แพ่ อ ซ้ะ ชองทาง นอ, อเซิงอซ้ะ ล้างเล๊เก้, แม้เท่อไพ้ะเท่อ ดี๊ ท อางกีดูซ้ะ, กแช่แยว้ เท้าไฆวะ-อ้ะ ลู่ง อ ล่างชี๊น้าง โพะคอง เท่อ, ดี๊ แม้นี่ก้ะ เว๊ อฆี๊งอแล้ ล้อ

ดานีเอง 5:21

กแช่แยว้ โฌ๊ไจไฆวะ เนบูคาเนซา ลู่ง กโพล้ง อซุ้อแกล้ พ้า, ดี๊ ดึ้ เกม๊า เว๊ อ ซ้ะ เก บี่ซุ้ดี๊ ทพูแฆ่ เม้ง อ ซ้ะ, ดี๊ เกม๊า เว๊ อ โอ ดี๊ แลว้เม้ง, เกม๊า เว๊ อ อาง นาง บี่ซุ้ดี๊ งู้, ดี๊ อล้องอย่าง นอ, แบโจ ดี๊ ปช้างที๊ง เฌ๊นี่ ลู่ง มุ้คู, ท้อง ลู่ง ม นางแบ เว๊ กแช่แยว้ ดูทึโท๊ทึ นอ, โพะคอง กโพล้ง อมื่งอบ้าง, ดี๊ ต๊างทาง โพล้ง พี่ อ เว๊ ม ต๊างทาง เว๊ เกม๊า โพะคอง เท่อ

ม้ะทู 3:10

ค๊องเนง อี้ง, แกว้ ช๊าง ล้าง เว้ อ ซ้ะ ลู่ง เซง คางไท้ะ เย้า, เซง กุ้ อ เทิง อ แซ เมะ ล ฌี้ แบ, ม แบ ท เคา ล้าง ไฆวะ-อ้ะ, ฌ้อง ไควะ ล้าง-อ้ะ มี อ้า พ้า

ม้ะทู 7:19

เซง กุ้ อ เทิง พี่ อ แซ เมะ เก ทาง ล ฌี้ แบ นอ, ม แบ ท เคา ล้าง ไฆวะ ไควะ ล้าง-อ้ะ มี อ้า พ้า

ลูกา 3:9

ค๊องเนง อี้ง แกว้ ช๊าง ล้าง เว้ อ ซ้ะ ลู่ง เซง คางไท้ะ เย้า, เซง กุ้ อ เทิง อ แซ เมะ ล ฌี้ แบ นอ, ม แบ ท เคา ล้าง ไฆ วะ-อ้ะ, ฌ้อง ไควะ ล้าง-อ้ะ มี อ้า พ้า”

ท​เน​โพล​ทาง 10:3

อ เว๊ กุ้ เท่อ อ ลู่ง เซ๊ แบ ด้อง คี๊ยื่ง อ ลู่ง, ท่อง อ เว๊ กุ้ ทาง เท่อ ฌ้อง นอ ล๊าง เนว๊ บ้อง อ ลู่ง เซ๊ ทาง ปะ

ท​เน​โพล​ทาง 18:2

อ เว๊ กุ้ เท่อ ดี๊ อ ลู่ง เซ๊ พ้ะดู ไจ้ะ เว๊, “เว่ง พ้ะดู บาบีโลง ล้างฆ่อง เย้า, ล้างฆ่อง เย้า, เก ทาง ก้ะ ท มื้ง ท แฆ่ อ ล่าง, เก ท มื้งแฆ่ อ้า กุ้ เม้ง อ ล่าง โอ, ดี๊ เก ทู พี่ อ อาง ท อืง ท แกล ล แพ นอ อ ล่าง โอ ล่าง ช๊อง