10 อี้งเซ้อ, โอ ดี๊ จูง เฌ๊ ต้อง แบ แย้, ดึ้ เกม๊า จ จูง ดี๊ จ คางมโล่ง ว้ะโทะ
ฌ้อง กแช่ยาเว เยาฆ้าง อ จูง, ทุ้แบ จ นุ้, ดี๊ กแช่ยาเว ไคล้ ดี๊ แย้ บี่อี้ง “อี้งเซ้อ, ก แม้นี่ ก ทไคล้, ชวี๊งล้าง น นุ้ พ้า
อี้งเซ้อ, โพล้ง โอ ล แฌ้ บี่ซุ้ดี๊ กโพล้ง, เฌ๊ ต้องแบ จ นุ้เฌะ, ฌ้อง จ อ้างทาง นุ้ ไคล้, จ ไคล้ ดี๊ โพล้ง พี่ อ ชี๊เทิง โอ ลู่ง จ เมะแซ พ้า บี่อี้ง, “จคูจแน่-เอ้อ, ลู่ง ทแดเว้ อกย้องนอ, ทแช๊ทคลี กึทาง ดี๊ แย้, ฌ้อง จไฌ่จแบ้ เลาไฆวะ เว๊
โพล้ง พี่ โอ ดี๊ เค่งฌ้าง ด้องซุ้ กโพล้ง นอ, นี่ ต้องแบ แย้ ล พ๊า เด้าะ, ดี๊ เกม๊า แย้ ไฌ่แบ้
พี่ อ เว๊ ไคล้ ดี๊ แย้ นอ, จ ซย๊องล้าง เมะ ท้อง ล้าง ฌางคูคู, ดี๊ ซ้ะนาง จ ซ้ะ ไชวะ, แบเด้าะ อ เว๊ พองแบต้องแบ แย้ เกม๊า จ ชี๊เทิงทาง
พี่ จ ชูแพอางท่าง เท่อ อ แค๊ นอ, กแคว๊ พี่ อ เม้ง กาบีเอง พี่ จ แด -อ้ะ ลู่ง ทแดเว้ พ้า อ ต้องคู ล พ๊า นอ, เฌ๊ฆ้าง ยู้ง เบ้า ดี๊ แย้ เพล มะ, ลู่ง อช๊าอโท่ เทว๊ ทลื่งทาง ลู่ง มแฌล้าง โค๊
พี่ จ แด แบ อ เว๊ นอ จ คะด้ะ ล้าง จ ซ้ะ ลู่ง อ คางไท้ะ แบ ด้อง จ ซี๊ง เย้า, แบ เด้าะ อ เว๊ ทุ้ แบ แย้ ดี๊ อ จูง ฆุ้ ล โค๊ ฌ้อง ไจ้ะ เว๊, “ซ้ะเม ล ฌี้, แย้ จ เก ท อ วี่งคู ดี๊ ท อ ไค๊ ทึ ล้อ
