อาโม 3:12 - Northern Pwo Karen Thai Bible

¹² กแช่ยาเว ไจ้ะเว๊ บี่อี้ง, “โพล้ง ลื่งแกะ ย้ะโละ นี่ ไท้ แกะ อ คาง ล แพ้ คี๊งแพ้-อ้า, แน่ ล ไก้-อ้า, ลู่ง คี๊ยื่ง อ นุ้ ล้อง ซี บี่จะเล้ นอ, โพล้ง อีซลาเอง พี่ โอ ซมาเรีย พ้า, ม นี่แบ ท แม้ช้า, บี่ซุ้ดี๊ ซไบล้ะ ล่างมี๊ง นี่ ล ไก้-อ้า, นี่แบ ล่างมี๊ง อเบลอเช่-อ้า, บี่นอ ล้อ”

อาโม 3:12 교차 참조

1​กจุ้แฆว้ 20:30

พี่ อ ล้างลื๊อก้ะ ลแพ นอ, ไจคุ้ซูง นึฆ้าง เว่ง อาเฟะ พ้า, ดี๊ เว่ง อ กางแป ล้างแพล้ แบ ซี๊ง โพล้ง ลแพ นอ, คี๊ง ไซ เนว๊ ม๊า แฌ้ เบงฮาดะ ไจคุ้ซูง นึฆ้าง ทล่าง พ้า แย๊โค๊ ล เช้า ลู่ง เว่ง พ้า

1​กจุ้แฆว้ 20:34

ดี๊ เบงฮาดะ โล้ เอะ อาฮะ ไจ้ะเว๊, “เว่ง ล จอง แบ ล จอง, พี่ จ แพ่ ดึ้นี่ก้ะ น แพ่ อ เท่อ นอ, จ เกม๊า ไท้ เอะ แน้, น ม ไต้ทาง ทล่าง แม้เละแม้แค้ เท่อ, ลู่ง เว่ง ดามากา พ้า ซี, บี่ซุ้ดี๊ จ แพ่ แม้ เว๊ ลู่ง ซมาเรีย พ้า”, ฌ้อง อาฮะ ไจ้ะ เอะ-อ้ะ, “จ ม เกม๊า น ไท้ ซี, บี่ซุ้ดี๊ น ทอืงล้าง ซ้ะ อี้ง”, อ เว๊ แม้ ทเอิ้งล้าง โละซ้ะ ดี๊-อ้ะ, ฌ้อง ทูแพล่ ไท้ เว๊

1​กจุ้แฆว้ 22:25

มีคายา ไคล้ช๊า-อ้ะ ไจ้ะเว๊, “แคว่เซ้อ, น ม แด-อ้ะ ลู่ง ล นี้ง แย๊ น ลี้ฆ้าง โอคุ้ซูง ทล่าง พ้า แย๊โค๊ ล เช้า โฆะ”

2​กจุ้แฆว้ 16:9

กจุ้แฆว้ ค่าง อะซีเรีย ช๊องแน อาฮ้ะ, กจุ้แฆว้ ค่าง อะซีเรีย เฌ๊ทาง ดี๊ ซึ้พูมู๊ง ลี้ ลู่ง เว่ง ดามากา พ้า, ดี๊ ดึ้ซึ้ เว๊ นี่ชึ, เลา ดี๊ พองนี่ โพล้งเฌงพูฆ๊างพู เว่ง พ้า นอ, ลี้ เก ทอฆ่อง ลู่ง เว่ง คี, ดี๊ แม้ซี๊ง เรซีง เฆาะ

เอซเทอ 1:6

โอ ดี๊ ตไก้ยะ กางเทะ เท่อ, พี่ แม้ เว๊ ดี๊ ลูง เบ้ แอว้, ดี๊ อ เปย้า, จ้าเชิ่ง เว๊ ดี๊ เน่ ลึ้ซ๊า, พี่ บล้ะฆึ เว๊ ดี๊ จี้ ทกโวง ลู่ง เฌเทิง โล่งบาง คู, เลา ดี๊ ล่างมี๊ง นอ แม้ เว๊ ดี๊ ท๊อง ดี๊ จี้, ฌางคูคู นอ โล๊ล้าง บ้า บล้าล้าง โล่งโฌ้, โล่งบาง, ทแมล่ โฌ่งแอว้, ดี๊ โล่ง อ ซี่ง ตบลึ้ เม้ง

เอซเทอ 7:8

ท่อง กจุ้แฆว้ โอ โซ๊ง เซง พ้า ไท้ นอ, เฌ๊ ลู่ง ทล่าง พี่ โอ้ ไซ้ะ ซไบ้ะ แซ ที๊ง อ ล่าง, ฮามาง แบ้ล้าง เท่อ, ลู่ง ทล่าง พี่ น่าง เอซเทอ ชี๊น้าง โอ เว๊ นอ ได้ะ, กจุ้แฆว้ ไจ้ะเว๊, “อ เว๊ ม ลู่ น่าง เอซเทอ ลู่ง จ เมะแซ พ้า, ลู่ง จ เด้า พ้า-อ้า?”, ท่อง กจุ้แฆว้ ไคล้ทาง นอ, อ ซื๊ง ซีงลแพ เฌ๊ คลึไบ้ะ ทะ ฮามาง อ เมะ

ทอางปฆ้า 132:3

“แย้ จ ล ไท้ นึฆ้าง เด้า พ้า-อ้า ไท้ฆ้าง มี๊ง-อ้า แบ

อีซยา 17:7

ล นี้ง แย๊ นอ, โพล้ง ม ควี๊งคูแกยแน่ ดี๊ อ กแช่แยว้ พี่ ไต้ล้าง เท่อ, ดี๊ อ เมะคลี๊ง ม แคว่ อีซลาเอง อ กแช่แยว้ พี่ อฌี้อแอว้

อีซยา 31:4

เมะเว๊ กแช่ยาเว ไคล้ ดี๊ แย้ บี่อี้ง ไจ้ะเว๊ “บี่ซุ้ดี๊ คี๊ยื่ง-อ้า, คี๊ยื่ง แพ๊-อ้า, พี่ เคิ่ง เท่อ โอ ลู่ง อ แชอาง เช๊คู ดี๊ ท่อง อ เว๊ กุ้ นี่ โพล้ง ลื่งแกะ ล มู๊ง เฌ๊ ดึ้-อ้ะ นอ อ เว๊ ล ซ้ะเมซ้ะไพล้ อ ซื๊งเว๊ ลแพ นอ, อ ลู่ง กุ้ซย้ะ เท่อ แบ ดี๊ ล เซิงไพ่ซ้ะว้ะ ดี๊ อ ซื๊งเว๊ อ ลู่ง เซ๊ ตทูงล้างคล้าง นอ แบ ทบี่นอ, กแช่ยาเว ซึ้คู ดูทึชองทึ ม เฌ๊ล้าง บี่ซุ้ ดึ้ซึ้ ลู่ง ทลู่ง ซีโยง คู ดี๊ อ ท จ้องม๊อง คู

อีซยา 8:4

เมะเว๊ ซลื๊อ พืงแซ นอ ม ซีงแฌ๊ กุ้ เท่อ, ‘มู่ แพ่’, ซี นอ, ดามากา อคองอแซย้, ดี๊ เท่อ พี่ ลู่นี่ก้ะ-อ้ะ ลู่ง ซามารียา นอ ม แบ ท ไท้โชะ ลู่ง อะซีเรีย อ กจุ้แฆว้ อ เมะแซ พ้า”

อาโม 6:4

“ท เซงทื่งเฌ๊ฌ้อง แบ โพล้ง พี่ อ มี๊งน้าง ล่างมี๊ง กช๊างเม คู ดี๊ โพล้ง พี่ จองเละ อ ซ้ะ โอ ลู่ง คะ มี๊งน้าง คู ดี๊ อาง แกะพู พี่ นี่ แบ ลู่ง แกะ น๊างมู๊ง พ้า ดี๊ งู้พู ลู่ง งู้ อ ร้อง พ้า

อาโม 9:8

อี้งเซ้อ, ทอดูทึโท๊ทึกแช่ยาเว, อ เมะคลี๊ง แคว่ เจ้ท๊าง บ้างมื่ง พี่ อ ท เด้เทาเด้บ้ะ ตาง ดี๊ ก ม แม้ เฌ๊ฌ้องไฆวะ-อ้ะ ลู่ง ฌางคูโคล๊งคู แบเด้าะ ก ล แม้ เฌ๊ฌ้องไฆวะ ยาคุ้ อชื้ออชะ, ท่อง อ เลาเทาเช๊งเทา แบ” กแช่ยาเว โล้ เว๊ บี่อี้ง ล้อ