12 “แบเด้าะ น ซื๊งเว๊ ซีง ลแพ, ดึ้ เกม๊า โพล้ง นาซี ลแพ นอ, โอ้ ไซ้ะ ซไบ้ะแซ ที๊ง ดี๊ อางแบเลา โมไคล้คิ้กแช่แยว้ ลแพ นอ บี่อี้ง, ‘น ล แบ โล้ล้าง กแช่แยว้ อลู่งอแท๊ แบ เฆาะ’
อ ซื๊งเว๊ ไคล้ ดี๊ โพล้งโล้เว้พ้ะเว้เท่อ บี่อี้ง, “แด เท่อ ล ฌี้” ดี๊ ไคล้ ดี๊ โมไคล้คิ้ แยว้ บี่อี้ง, “โล้เว้พ้ะเว้ เอะ เฆ้อ ท พี่ อ แบเมาะ ล ฌี้ เกม๊า ไคล้ ดี๊ เฆ้อ ที่ เท่อ พี่ อพุ้อพลี๊ เกม๊า โล้เว้พ้ะเว้ ทอางโล๊
อกย้องบี่นอ, กแช่ยาเว ไจ้ะเว๊ บี่อี้ง, แบฆ้ะ ดี๊ โพล้ง ลู่ง ตางโบง อานาโทะ, พี่ ม แม้ซี๊ง แน้, ดี๊ ไจ้ะ เอะ แน้ บี่อี้ง, “โล้ล้าง ท อลู่งอแท๊ ลู่ง กแช่ยาเว อเม้งอแซ ล ฌี้, บี่ซุ้ น ม แบ ซี๊ง ดี๊ เฆ้อ ก จูง แบ”
ฌ้อง จ อางกีล้าง ไซ้ะ ซไบ้ะ แซ อ ก้อง, ดี๊ โท๊กีง ตบลึ้ เบง ลู่ง โพล้ง เรค้ะ ล ดอง นอ อ เมะแซ พ้า, ดี๊ จ ไคล้ ดี๊ อ ซื๊งเว๊ บี่อี้ง, “โอ้ ไซ้ะ ซไบ้ะ แซ ที๊ง”
เฌ๊ โล้ล้าง กแช่แยว้ อลู่งอแท๊ ลู่ง เบเอง ล้า ล ฌี้ เฆาะ, เมะเว๊ อ อี้ง เก กจุ้แฆว้ อ ทแบ้แยว้ล่างลู่งอฌี้, ดี๊ เก บ้างมื่ง อ เว่งฮ๊าง”
ค๊องเนงอี้ง, เกม๊า น คุ้ช๊องแน กแช่ยาเว อลู่งอแท๊ น โล้ เท่อ บี่อี้ง, ‘โล้ล้าง กแช่แยว้ อลู่งอแท๊ ไคล้เตาไคล้แต๊ อีซลาเอง ล ฌี้ ดี๊ ซอง เท่อ ไคล้เตาไคล้แต๊ อีซฮะ อชื้ออชะ ล ฌี้’
อ ซื๊งเว๊ ซองเท่อ ไจ้ะเว๊, “ซองเท่อซ๊างเท่อ ล ฌี้ เกม๊า โพล้ง ซองเท่อ อ ไฌ่ ลแพ อี้ง น่างแฌ้ ล ฌี้ ท ล้าง ฌางแช้ฌางเด ล เฌ๊ไท้ไท้ ล้า แบ”
“เกม๊า น โล้ เอะ โพล้ง อีซลาเอง นอ บี่อี้ง, โพล้ง แคว๊ ฌี้ โพล้ง อ มืง ฌี้, พี่ อืงล้าง เว้ อ ซ้ะ ล้างช๊าง ม เก โพล้ง นาซี เมะเว๊ โอเจไฆวะ เทว๊ ล้าง อ ซ้ะ ดี๊ กแช่ยาเว นอ
เกม๊า โพล้ง ล แฌ้ นอ ดืง โอ้ ซไบ้ะ แซ ที๊ง, ดี๊ ไซ้ะ, อ เว๊ ล แบ โอ้ ที๊งไช พี่ โพล้ง แม้นี่ เว๊ ดี๊ ซไบ้ะ แซ ที๊ง ฌี้, ไซ้ะ ฌี้ นอ, อ เว๊ ล แบ โอ้ ซไบ้ะ แซ ที๊ง ดี๊ อาง ซไบ้ะ แซ อ เม๊ง ฌี้ ไฆ๊ ฌี้ น่างเม้ง แบ
