40 เปโต เกม๊า โพล้ง กุ้ อ แฌ้ ไจ ไฆวะ, ท่อง อ ช๊าง นอ อ เว๊ ไคล้ะ ล้าง อ คาง ชูแพ เท่อ, ฌ้อง แกย อ ซ้ะ แคว่ ตจู นอ, โล้ แบ-อ้ะ ไจ้ะ เว๊, “น่าง ทาบีทา-เอ้อ, เฌ้เทิง ทาง เซ้อ”, ต้ะ อ เว๊ จาง ทาง อ เมะ, ท่อง อ แด แบ เปโต นอ เฌ้เทิง ชี๊น้าง ไวะ
ดี๊ อีซยา โม ไคล้คิ้กแช่แยว้ อลู่งอแท๊ ชูแพ เท่อ กุ้ทาง กแช่ยาเว, ดี๊ กแช่แยว้ ลี้ฌ้า กดื้งแล้, พี่ อ ลี้ พะไฆวะ ลู่ง อาฮ้ะ อ นาลีกา ท คู่ ล้าง พ้า นอ, เฌ๊ไท้ อ แค๊ ล ชี๊ง
พี่ น ชูแพ เท่อ นอ, ไท้ นึ ฆ้าง ลู่ง เด้า พ้า แย๊ โค๊ อู้ ล แฌ้ ล้อ, ฌ้อง กาไบ้ะ เกล้ พ้าแย๊, ชูแพ เท่อ ดี๊ น แพ่ แยว้, พี่ โพล้ง ล แด-อ้ะ แบ นอ, พี่ น แม้ กโช้ เท่อ ล เม้งๆ, นอ, น แพ่ แยว้ แด เว๊, ฌ้อง ม เกล๊าง แน้ ท อ บลึ้ อ บลาง นอ ล้อ
แบ เด้าะ ท่อง อ เกม๊า โพล้ง ไจ ทาง ไฆวะ ฌ้อง เย้า นอ, กแช่ เยซู ลี้ ฆ้าง พอง พืงแซ มืง ล แฌ้ นอ อ จูง, ฌ้อง อ เว๊ เฌ้เทิง ม๊า ทาง ไท้
ท่อง กแช่ เยซู แด แบ โพล้ง เฌ๊ ลู่ง อ โอ แอ ทาง แอ ทาง นอ, อ เว๊ โละซ้ะ ท มื้งแฆ่ ล ดื้ง นอ ไจ้ะ เว๊, “ท เซ๊กู เฌ๊ฌ้อง โน้ง อ้า แน่ อ้า ล ดื้ง นอ-เอ้อ, จ อางแม้เลา แน้, ไจ ทาง ไฆวะ ลู่ง พืงแซ อ ล้อง นอ ไวะ, ท่อง อี้ง ชู่ง แย๊ ล โค๊ นอ เฌ๊ ทาง ไท้ อ ล้อง น่าง ชุ้ น่าง พ๊า ล้า ล ฌี้”
ฌ้อง กแช่ เยซู ไจ พ้ะ ไฆวะ ดี๊ อซื๊งเว๊ อ ช้างชื้ง เมาะ ล ชู้ ไควะ, อ เว๊ ไคล้ะ ล้าง อ คาง ชูแพ เท่อ
แบ เด้าะ กแช่ เยซู พอง เว๊ อ จูง ไจ้ะ เว๊, “พู-เอ้อ, เฌ้เทิง ทาง แด เทา”
พี่ เปาโล ไคล้ เท่อ ฌ้อง นอ, ไคล้ะ ล้าง อ คาง ชูแพ เท่อ ดี๊ อซื๊งเว๊ กุ้ อ แฌ้ เปราะ
แบเด้าะ ท้อง มื่ง นี้ง พี่ ก แบ ลี้ นอ, อซื๊งเว๊ซีง เลา ดี๊ พู ดี๊ แม๊ ลี้ โซ๊ง เฆ้อ ท้อง ลู่ง เฌง ฆ้อง, ก ไคล้ะ ล้าง คาง ลู่ง มิ้ คู ปางเล พ้าไท้ะ, ก ชูแพ เท่อ เปราะ, ฌ้อง ก ไจ พ้ะ โละ ก ซ้ะ
ปูลีโย อ แพ่ อ โฌ่งพ๊อง แช๊ ล๊อง ชู่งโฌะ มี๊งน้าง ไชวะ, เปาโล ลี้ ฆ้าง ฌู เว๊ ชูแพ เท่อ, ฌ้อง อางกี ล้าง อ จูง ลู่ง อ ล้อง แม้ แบล เว๊ ล้อ
ฌ้อง ไคล้ะ ล้าง อ คาง, กุ้ ซย้ะ ทาง เท่อ อ ลู่ง ซ๊อง ทาง พ้ะดู เฆาะ ไจ้ะ เว๊ “กแช่-เอ้อ, ทื๊ง นี่ นะ นี่ โพล้ง ล แพ อี้ง อ ท เด้เทา เด้บ้ะ โย้ ล ฌี้” ไจ้ะ เว๊ บี่ นอ ฌ้อง ซี๊ง เว๊ ล้อ
