13 ซีโมง อ กแช่ นะ แบ เว๊ ปะ ล้อ, ท่อง อ แม้ ท ไฌ่ จูง ที๊ง ฌ้อง นอ อ เว๊ โอ เบ้า โอ เท่ง ดี๊ ฟีลิ้ ครึๆ, ล้อ, แด แบ ฟีลิ้ แม้ ท ล้ะ ท เล่ ดี๊ ปล้ะ ล้าง ท ซยื๊ง ท ซย้อง ล แพ นอ, อ เว๊ โท๊มี๊ง โท๊แม โย๊ เฆาะ ล้อ
เกม๊า แคว่ กเย่ โพล้ง กุ้ชื้อกุ้ชะ, ดี๊ เกม๊า แคว่-อ้ะ เมะ ฌี้ เกม๊า น ล้ะเซิงล้ะซ้ะ, ดี๊ เกม๊า เซิงพ่องซ้ะว้ะ เมะเว๊ ก แม้ ท ล เม้ง ลู่ง น ชู้ แค๊ ทึเมะ ม โล้ ฌี้ นอ, น ล นะ แบ
โล้ ล้าง อ ท เด้บ้ะ ฌ้อง, โยฮาง แม้ เอะ อ ไฌ่ จูง ที๊ง, ลู่ง มี่โจเด้ง กล้อง
โพล้ง ลู่ง อ ชู่ง ไท้ นะ ไท้ เว๊ ล แพ นอ, ม นี่ แบ ท อ ซยื๊ง อ ซ้ยอง แม้ ท ล้ะ ท เล่ บี่ อี้ง ซี, เมะ เว๊ ม โฌ๊ ไจ ทาง ไฆวะ ท มื้งแฆ่ ลู่ง จ เม้ง จ แซ, ดี๊ ม ไคล้ ท คว่าง ล เม้ง แด ซี ล้อ
ท คลี๊ง พี่ อ ล้าง แบ ลู่ง โล่ง คู ไล๊ คู นอ, เมะ เว๊ โพล้ง พี่ อ แน่ฌ๊า แบ ท อ ลู่ง อ แท๊, ฌ้อง ฮะ นี่ เว๊ ดี๊ ท เซิง มึ ซ้ะ มึ, แบ เด้าะ บี่ ซุ้ ล โอ ดี๊ อ ฌี่ง แบ, นะ เว๊ ล ชู่ ล ล่าง ล้อ, ท่อง แบ ท ลองดุ้-อ้ะ นอ ล ชู่ง เท่อ นะ เท่อ ล้า แบ
แพ่ เอ พูแคว๊ ฌี้ มะ ล้อ, กเย่ แพ่ แม้ เท่อ ล แพ นอ ดึ้ เน อ พูแคว๊ กุ้ อ เม้ง ล้อ, ดี๊ ม ดึ้ เน เอะ เว๊ อ ท แม้ ลู่ง อ ดู นี่ อี้ง ได้ะ นอ ล้อ, น ซื๊ง เว๊ ม โท๊โย๊ เฆาะ ล้อ
กแช่ เยซู ไคล้ ช๊า อซื๊งเว๊ ไจ้ะ เว๊, “จ แม้ ท ล้ะ ท เล่ ล เม้ง, ฌ้อง น ซื๊ง ล้ะ เซิง ล้ะ ซ้ะ
ลู่ง ท้อง ไท้ มื่ง ดืง เท่อ แบ้ แยว้ ล นี้ง เด้าะ นอ, โพล้ง เบ้า ม เลา ด๊าง เว่ง ด๊าง ทะ เฌ๊ คุ้ช๊องแน กแช่ แยว้ อ ลู่ง อ แท๊
กแช่ แยว้ เจ่ เปาโล แม้ ท ล้ะ ท เล่ ล้างช๊าง
ท่อง อ ซีงแฌ๊ ทาง เว๊ เก โพล้ง ลู่ง อ ชี๊น้าง อางท่าง ลี้ง เท่อ ลู่ง เว่งฮ๊าง ป้ะตู๊ง ฌี้ ล แฌ้ นอ โท๊โย๊ เว๊ เฆาะ, ไคะ แบ เว๊ กุ้ อ แฌ้ ล้อ พี่ อ แด เว๊ ท เก ทาง อ ซ้ะ ดี๊ อ เว๊ บี่ นอ
ท แม้ อ อี้ง นอ แบฆ้ะ น ล้อง น่าง เม้ง เอะ, เป๊งนี่ น ซ้ะ ล โต้ ล ล้อง ดี๊ กแช่ แยว้ แบ ล้อ
