26 ลู่ง ไค๊ ล นี้ง เด้าะ นอ โมเซ แด โพล้ง อีซลาเอง คี๊ง แฌ้ มิ้ โละ อ ซ้ะ, ต้ะ โมเซ เฌา เกม๊า อซื๊งเว๊ โอ ฆู๊ง โอ พุ้, ไจ้ะ เอะ เว๊, ‘แคว๊ โจ้ ซีง-เอ้อ, น เก ด๊างพื่งวี่ โละ ซ้ะ ล้อ, แบ ท เล้ น ซื๊ง มิ้ โละ ซ้ะ’
อาบราง ไคล้ ดี๊ โล้ะ ไจ้ะเว๊, “เกม๊า เฆ้อ ดี๊ โพล้ง ลื่ง ก ทพูแฆ่ นอ, ติ้โละไอโละ อ ซ้ะ ล ฌี้, เมะเว๊ ก เก น๊างมื่งน๊างแคว๊ เท่งๆ, โละซ้ะ ล้อ
ฌ้อง โยซิ้ ลี้ โซ๊ง อ พื่ง อ วี่ ไวะ, พี่ อ ซื๊งเว๊ ม ไท้ นอ, โยซิ้ อางแบเลา อซื๊งเว๊ ไจ้ะเว๊, “ติ้โละไอโละซ้ะ ลู่ง เกล้ ล ฌี้”
แคว่เซ้อ, เก เท่อ อ ฌี้ ดี๊ เซิงมึซ้ะมึ ชี่แอเล้ พี่ น๊างพู่งวี่ โอซยอง โละซ้ะ เก ทฆู๊งทพุ้, ซ้ะ ลโพลงฆ่าง
น๊างพื่งวี่ พี่ ล แบ โละซ้ะ แบ นอ, มฆู๊งมพุ้ โละซ้ะ แก น้ะเละ ท แม้นี่ก้ะ เว่ง พี่ อเฌิ่งอค๊า นอ ได้ะ ดี๊ ท ติ้โละไอโละ, เก บี่ซุ้ดี๊ ทล่างทุ้กดื้งซ้ะ, อ ป้ะตู๊ง อ เจ้ นอ ล้อ
ท่อง อ ช๊าง, กแช่ เยซู เกม๊า อ พู อ ลี้ง ทาง คลี๊ง คู ลี้ วี่ง-อ้ะ, ค๊างฌะ ฆ้าง ปางเล แว่โค๊แพ้, เมะ กแช่ เยซู นอ เกม๊า โพล้ง ล มู๊ง นอ ไท้
ช๊องมอง เว๊ โพล้ง อีซลาเอง แน เว๊ ม ซี เย้า, ลู่ง กแช่ แยว้ ม เจ่ อ เว๊ แม้ พ้อง พลิ้ อซื๊งเว๊ นอ, แบเด้าะ อ เท่อ แน เว๊ ล ซี แบ
พี่ น ซื๊ง โอ ลู่ง กแช่ เยซู คริ้ อ ซุ้ นอ น ชอง ทาง ไคล๊ ทาง, กแช่ เยซู คริ้ อ ท เอ ท กวี้ง แม้ มึ ทาง น ซื๊ง ซ้ะ, น นึ ฆึ ดี๊ วีง ฌี้ แล้ แอว้, น ย๊างเซิง ย๊างซ้ะ ดี๊ เซิง ฌี้ ซ้ะ ช้า โละ ซ้ะ
แม้ เท่อ พี่ ม แคว่ ล้าง ที่ น กแช่ อ ฌ่าง พ้า ล แฌ้ ล ฌี้, ดี๊ ไจ้ะ ล้าง น ซ้ะ เก ทอดู อ โท๊ ล ฌี้, แบเด้าะ น ซื๊ง แบ ชาง ล้าง ซ้ะ, น ล แบ ช๊องมอง น ฌี้ นี่ โพล้ง อ แฌ้แพ แบ
