1 พี่ ก ลี้ ท้อง ค๊องซู๊ง คู เย้า นอ, ก ซีงแฌ๊-อ้ะ เก้าะ ล เบง นอ อ เม้ง เก้าะ มองตา
ท่อง อซื๊งเว๊ ลี้ ค๊าง เก้าะ ล เบง นอ ท้อง ลู่ง เว่ง ปาโฟ, แด กแคว๊ ซี ท อูง ท โป้ ล แฌ้, อ เว๊ เก โพล้ง ยู อ เม้ง บาเยซู, เก โม กไบล้ะ กแบล
ท่อง เปาโล แด ท แด เว้ ฌ้อง ล ทีง ฆ่าง นอ ก ฆี๊ ทาง นี่ เว้ ก ฆ้า ก โฆ่ ม ลี้ ลู่ง มาซีโดเนีย อ ค่าง, ก ซีงแฌ๊ เย้า กแช่ แยว้ เกม๊า ก ลี้ โล้ ล้าง ละ ล้าง เอะ โพล้ง ท ฌี้ อ ไฌ่ พี่ นอ ล้อ
พี่ ทอดูอแซย่ เกม๊า ก ทาง กบ้าง ที๊ง คู ลี้ ลู่ง อี้งตาลี อ ค่าง นอ, เกม๊า ซึ้คู ล แฌ้ อ เม้ง ยูลีโอะ โอ คุ้ เปาโล ดี๊ โพล้ง แบซุ้ อ แฌ้แพ, ยูลีโอะ นอ เก ซึ้คู ล แฌ้ โอ ลู่ง ซีซา อ ซึ้พู ล มู๊ง นอ อ แกล้
แบเด้าะ พี่ ลี้ง อูง แบ เฆ้อ นอ ก ม พะท๊าง ลู่ง เก้าะคู ล จอง ปะ ล้อ”
ท่อง ท พ้าง ทาง นอ กบ้าง ที๊ง อ เพล่ ซีง แคว่ จู้ ฆ้าง ปางเล พ้าไท้ะ, ล ซีงแฌ๊ เว๊ แบ เมะ พี่ จอง เล้, แบเด้าะ แด จู้ ท ล่าง มึ ลู่ง ปางเล พ้าไท้ะ ล จอง, แม้ เมะ ซี นอ ม เกม๊า กบ้าง ที๊ง ลี้ ฆ้าง พะท๊าง พี่ นอ ล้อ
เมะ โพล้ง อ แฌ้แพ นอ แบ พอง เซงเป ฌี้, เซงกึ้ ฌี้, ลี้ ฆ้าง ค๊องซู๊ง คู ปะ, ท บี่ นอ ก ลี้ ท้อง แพร้ กุ้ อ แฌ้ ล้อ
