ทแม้ 23:12
33 교차 참조
นี่ โอซยอง ดี๊ อ น๊างพื่งวี่, ดี๊ อ เพล่ดูแม้เท่อบลางพ้า นึฆ้าง ชูล้าง อ ซ้ะ, ดี๊ อืงล้าง ซ้ะ พี่ ม แม้โพะ กแช่แยว้ อ ทอางแม้เลา อ ไค๊, พี่ อางกีล้าง เว๊ ดี๊ อ เพล่ โมเซ, ดี๊ พี่ ม แฌแซกต้าง เว๊, ดี๊ แม้โพะ ทอดูทึโท๊ทึ ก กแช่ยาเว อ ทซองทซ๊าง อ ไค๊, ดี๊ แม้โพะ กแช่แยว้ อ ทอางกีล้าง ดี๊ ทอเค้อะอต้าง อ ไค๊
แบเด้าะ จ เก บี่ซุ้ดี๊ แกะพู พี่ อ เน้ ฌี้ ล ดื้ง พี่ แบ ท ลี้ฌ้า แม้ซี๊งแม้แช๊ จ ล ซีงแฌ๊ แบ เฆาะ, พี่ จ กแช่ แด เว๊ แบ อ ซื๊งเว๊ อ ท ช๊องมองเว้ทแม้ ดึ้ แย้, ลู่ง อ ไจ้ะเว๊ บี่อี้ง “เกม๊า ก แม้เฌ๊ฌ้องไฆวะ เซง มื่งเทิง ดี๊ อซูงอแซ ปะ เกม๊า ก แม้ไฆวะ-อ้ะ ลู่ง โพล้ง โอม๊า อล่างอเกล้ บี่ซุ้ อ เว๊ อเม้งอแซ, ม ล เก ท นางแบทางไท้ ล้า แบ เฆาะ”
กแช่ยาเว ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, ‘แน้ ดี๊ น แม๊ นี่ โล้ ล้างที๊ง เท่อ ดี๊ น นุ้, ดี๊ นี่ แม้ล้าง ดี๊ จูง, ลู่ง น ไจ้ะ บี่อี้ง, “ก ม แม้ ชิ้เทาไท้ ท อืงล้าง, พี่ ก นี่ อืงล้าง เว้-อ้ะ นอ เต้ๆ, ล้อ, เมะเว๊ เช้า ทน๊าม๊า เทว๊ เอะ ท กแช่ มืง ลู่ง มุ้คู, ดี๊ ลู๊งล้าง ทโอ้ลื่งทางเท่อ เทว๊ เอะ ท กแช่ มืง”, พี่ น นี่ อืงล้าง เว้ เท่อ นอ, แม้ชิ้เทาไท้ ทอืงล้าง แดเทา
แบเด้าะ พี่ กแช่ เยซู คริ้ ฮะ นี่ ก เตา ก แต๊ ท้อง อ แบ ซี๊ง ลู่ง ก ฌ่าง นอ, อ เว๊ เกม๊า ก พ้อง ก พลิ้ ดี๊ ก เตา ก แต๊, เป๊งนี่ ลู่ง ก ล ชู่ง ทอางแม้เลา แบ, อ ไฌ่ บี่ อี้ง, ไละ ฌี้ ไละ แอว้ โล้ เว๊ “โพล้ง พี่ ล แฌ้ เล้ ลู่ง โพล้ง แม้ ซี๊ง-อ้ะ ฌ้อง จ้า ล้างเช้ เว๊ ลู่ง เซง คี๊ง, อ นอ อ เว๊ แบ กแช่ แยว้ อ ท แม้ เตา แม้ แต๊ ล้อ”
พี่ ก โล้ ล้าง ท ฌี้ อ ไฌ่ เอะ โพล้ง ล เมะ เก ยู แบ นอ, อซื๊งเว๊ แม้ ไทะทะ เฆ้อ, เท่อ พี่ ก โล้ ล้าง นอ ม แม้ช้า โพล้ง ล เมะ เก ยู แบ พ้อง พลิ้ ซี, โพล้ง ยู แม้ เท่อ อี้ง นอ แม้ แอ ทาง อ ท เด้บ้ะ ครึๆ, ลู่ง อ พ้อง ไฆวะ ฌี้ แม้ เว๊ ครึๆ, แบเด้าะ ลู่ง ไค๊ ทึ อี้ง กแช่ แยว้ อ ท ซ้ะทาง เฌ๊ ท้อง อซื๊งเว๊ เย้า
ล พ๊า แย๊ นอ โยชูวา ชูล้าง อ ซ้ะ ไจ้ะเว๊ โพล้ง พี่ แฌ้ เล้, เมะ เฌาโละ ไต้ทาง ไท้ เว่ง เยรีโค นอ เกม๊า โพล้ง ล แฌ้ นอ, แบ ทชูอ้า ลู่ง กแช่ยาเว อ เมะแซ พ้า โพล้ง พี่ แฌ้ เล้, เมะ ช๊างล้าง เว่ง อี้ง อ เทิง อ ดุ้ นอ, เกม๊า โพล้ง ล แฌ้ นอ อ พู วี่แซย่ ซี๊ง โพล้ง พี่ แฌ้ เล้, เมะ แม้ทาง ไต้ทาง เว่ง อี้ง อ ป้ะตู๊ง นอ, เกม๊า โพล้ง ล แฌ้ นอ อ พู ซแด้ ซี๊ง
โพล้ง อีซลาเอง ลือ ค๊างพะ เท่อ, แบฆ้ะ ดี๊ เท่อ พี่ แบ แม้ เฌ๊ฌ้อง เทว๊-อ้ะ นอ, เมะเว๊ อาคาง พี่ เก คามี อ พู, คามี นอ เก ซะดี อ พู, ซะดี นอ เก เซรา อ พู, เก โพล้ง ยูดา อ ชื้อ, อาคาง ล แฌ้ อี้ง นอ, แม้นี่ เท่อ พี่ แบ แม้ เฌ๊ฌ้อง เทว๊-อ้ะ นอ ล น้าง แม้ เก อ กแช่ อ เท่อ, อ กย้อง บี่นอ กแช่ยาเว อ ทซ้ะทาง ซยุ้ทาง แบ โพล้ง อีซลาเอง
แบเด้าะ โพล้ง อีซลาเอง แบ โอ ดี๊ ทน้ะทโน๊ง ล นี้ง แย๊ นอ, เมะเว๊ ซาอู เกม๊า ซึ้พู ซีง ชูล้าง อ ซ้ะ บี่อี้ง, “ล นี้ง แย๊ อี้ง โพล้ง พี่ แฌ้ เล้?, เมะ อาง เท่อ ลู่ง มื่ง ล แฌล้าง ได้ะ แบ, ลู่ง ก ล แม้แกไท้ แบ ก ดีง ก แด้ ได้ะ แบ นอ, เกม๊า โพล้ง ล แฌ้ นอ แบ ทชูอ้า”, อกย้องบี่นอ, ซึ้พู เลาพะ นอ ล นี่ อาง แบ ทอาง น่าง เม้ง แบ เฆาะ
광고