12 พืงแซ แคว๊ ล แฌ้ นอ โพล้ง ไท้ ฌ้า เว๊ ท้อง อ เด้า, พี่ อ เว๊ ม๊า ได้ะ นอ โพล้ง อ เซิง มึ ซ้ะ มึ กุ้ อ แฌ้ ล้อ
น ซื๊ง กแช่แยว้ ไจ้ะเว๊ บี่อี้ง “เกม๊า แม้ชองทาง ซ้ะ, เกม๊า แม้ชองทาง กพูกลี้ง อ ซ้ะ
ฌ้อง เปาโล ไท้ ทาง ไท้ อ ล่าง, ท่อง อ ช๊าง บุ้แค่ กู อาง ซยอง เว๊ ดี๊ อ ฌุ้พาง ล มู๊ง นอ, อางโล๊ไท้ ซกุ้ เท่อ มึ มะ ไยะ มะ ท้อง ท พ้าง ทาง, ฌ้อง เปาโล ไท้ ไวะ
ก ไท้ ทาง วี่ง กบ้าง ที๊ง คู, ลี้ ลู่ง เฌง อาโซ, ก ม ลี้ ฮะ นี่ เปาโล พี่ นอ ด้อง ซุ้ อ กแช่ โล้ แบ เฆ้อ แม้ บี่ นอ, อ เว๊ ม ลี้ ดี๊ อ คาง ท๊อง นอ ล้อ
เมะ กแช่ แยว้ ล้อ, พี่ อ แม้ ชอง ทาง ก ซ้ะ ลู่ง ก แบ น้ะ แบ โน๊ง กุ้ อ เม้ง, ดี๊ ก ม เจ่ ท ล เม้ง ฆ่าง อี้ง, แม้ ชอง ทาง โพล้ง พี่ อ โอ ดี๊ ท น้ะ ท โน๊ง ล เม้ง แบ ล เม้ง ล แพ นอ อ ซ้ะ
จ เกม๊า อ ลี้ โล้ เอะ น ซื๊ง เฆ้อ กุ้ อ แฌ้ ก แม้ ซ้ะ บี่ จะ เล้, บี่ ซุ้ อ เว๊ ม แม้ ชอง ทาง น เซิง น ซ้ะ
ฌ้อง ก โซ๊ง ก ด๊างพื่งวี่ ทีโมเท, พี่ อ แม้ ซกุ้ กแช่ แยว้ อ เท่อ ดี๊ เฆ้อ, ลู่ง ท โล้ ล้าง ท ฌี้ อ ไฌ่ แบฆ้ะ ดี๊ กแช่ เยซู คริ้, ก โซ๊ง-อ้ะ เกม๊า อ แม้ ชอง ทาง น ซื๊ง เซิง ซื๊ง ซ้ะ, ดี๊ แม้ เฌิ่ง ทาง ค๊า ทาง น ซื๊ง ท ชู่ง ท นะ
ท บี่ นอ, แม้ มึ แม้ พ้า โละ น ซื๊ง ซ้ะ ดี๊ ท ไคล้ ล แพ อี้ง ไช้ะ
ท บี่ นอ, เกม๊า ก แม้ ชอง ทาง โละ ก ซ้ะ ดี๊ แม้ช้า โละ ซ้ะ, บี่ ซุ้ น ซื๊ง แม้-อ้ะ เย้า นอ ล้อ
ก ด๊างพื่งวี่ ซีง-เอ้อ, ก อวีงซ้ะชู้ น ซื๊ง เกม๊า น โล้ เอะ โพล้ง เกิง ล แพ นอ อ เท่อ, เกม๊า น แม้ ชอง ทาง โพล้ง พี่ อ ซ้ะ ล้างท่อง, แม้ช้า โพล้ง ลู่ง อ ไฌ่ แช่ แบ้ แช่, ดี๊ น แบ เอ้า เซิง เอ้า ซ้ะ ดี๊ โพล้ง กุ้ อ แฌ้
จ ชูแพ อางท่าง เท่อ ดี๊ ก กแช่ เยซู คริ้ ดี๊ ก แพ่ กแช่ แยว้ ลู่ง อ เอ เฆ้อ, ดี๊ เกม๊า ก โอ ดี๊ เซิง ชอง ซ้ะ ชอง ล้างชู้ ล้างแกย, โอ ดี๊ ท มื้งแล่ เฌิ่งๆ, ค๊าๆ, ลู่ง อ เว๊ อ โก้ง อ โบ้ง อ บลึ้ อ บลาง อ กย้อง
