13 แบเด้าะ โพล้ง อ แฌ้แพ แบ ล น้างๆ, ดึ้เดว เว๊, ไจ้ะ เว๊ แด, “อซื๊งเว๊ซีง ม้า ไซ้ะ อ ซ๊าง เม่อ”
แคว่เซ้อ, จ เซิง จ ซ้ะ บี่ซุ้ดี๊ ซไบ้ะแซที๊ง, พี่ อ ล่าง ซูงทางไช่ทาง ล โอ แบ บี่ซุ้ดี๊ ซไบ้ะแซที๊ง อ โทง ทไพ้ะ อ ซ๊าง, พี่ เบ้า ม เท้พ้ะ ทาง นอ เย้า
ดี๊ เกม๊า น แคทะ บี่ซุ้ดี๊ ไซ้ะ ซไบ้ะแซ ที๊ง ลู่ง อ ฌี้ ทึ เกม๊า ไซ้ะ ซไบ้ะแซ ที๊ง แยว้ล้าง ลี้ฌูง โพล้ง พี่ จ เอ-อ้ะ แยว้ล้าง โพะ นุ้เฌะ ไท้ะ ดี๊ แซว๊ อเช้าอช้า
ทลู่ง คู อี้ง นอ, กแช่ยาเว ซึ้คู ดูทึชองทึ ม ลื่งอาง โพล้ง กุ้ชื้อกุ้ชะ เมะเว๊ ทลื่งอาง ดี๊ ท พี่ อบองอซู, ดี๊ ไซ้ะ ซไบ้ะแซ ที๊ง พี่ อ ล้างด้ะ เย้า ดี๊ ท อบองอซู พี่ อ ฆีง พ้า โอ ดี๊ อซูอไย้, ดี๊ ไซ้ะ ซไบ้ะแซ ที๊ง ล้างด้ะ พี่ คะจ้าง เย้า
ฌ้อง เอฟาอีง ม เก บี่ซุ้ดี๊ โพล้ง แคว๊ ไฌ่ชองแบ้ชอง ดี๊ อ ซื๊งเว๊ อเซิงอซ้ะ ม ซ้ะอวีงซ้ะโทะ, บี่ซุ้ดี๊ นี่ โอ้ ไซ้ะ ซไบ้ะแซ ที๊ง อ เว๊ อ พู อ ลี้ง ม แด แบ เว๊, ดี๊ เซิงมึซ้ะมึ ดี๊ อ เว๊ อ ซ้ะ ม มึ ดี๊ กแช่ยาเว ดูมะ
กแช่ยาเว ซึ้คู ดูทึชองทึ ม ยู่แคว่แฌแซกต้างทะ อ ซื๊งเว๊ ดี๊ อ เว๊ ม แม้ เซงทื่งเฌ๊ฌ้อง, ดี๊ ไย่ล้าง โพล้ง ค้ะโก๊ง ซี ดี๊ ม โอ้ เว๊ อ ซวีง ด้องซุ้ ไซ้ะ ซไบ้ะแซ ที๊ง ดี๊ มกึ้มฆวี้ บี่ซุ้ดี๊ โท๊กีง แบโจแบอืง บี่ซุ้ดี๊ ทลื่งล่าง อ โนง
เอ้อ นอ, ฌี้ มะ ดี๊ ฌี้ แอว้ เต้ๆ บืงซ้ะ ม ดึ้ เกม๊า โพล้ง น่างบางซ้ะบาง ดูทางโท๊ทาง ดี๊ ไซ้ะ ซไบ้ะแซ ที๊ง, ม ดึ้ เกม๊า มืงน้าง ดูทางโท๊ทาง ล้อ
กแคว๊ ล มู๊ง แย๊ นอ ล ม้า ไซ้ะ บี่ ซุ้ น ซื๊ง ช๊องมอง นอ แบ, อ อี้ง เมาะ ควี๊ง โมง ลู่ง โฌ้ ล โค๊ ล้อ
โพล้ง แบ้ แยว้ เมะ เฌ๊ โอ ซยอง กุ้ อ แฌ้, ฌ้อง โพล้ง กุ้ อ แฌ้ ไคล้ ท คว่าง ล เม้ง แด, โพล้ง พี่ อ ท ชู่ง ท นะ ล ล้างเท่ง ได้ะ แบ, ดี๊ โพล้ง ล แบ้ แยว้ แบ เมะ เฌ๊ ฆ้าง ลู่ง ท แบ้ ล่าง นอ, อซื๊งเว๊ ม ช๊องมอง เว๊ น ซื๊ง พลื่ง, ล เมะ แบ-อ้า
ม้า ไซ้ะ ล ฌี้, อ นอ ม แม้ เฌ๊ฌ้อง น ซื๊ง ล้อ, แบเด้าะ เกม๊า วีง ฌี้ แล้ แอว้ โอ ล๊า โอ ฆวี้ ลู่ง น ซื๊ง ซ้ะ พ้า
เอลี ไคล้ ดี๊-อ้ะ ไจ้ะเว๊, “น ม ม้า เท่อ เด้าะ ชี่ไยะเล้?, เกม๊า น ซวางทางไท้ แดเทา”
