15 อีโบเช โซ๊ง โพล้ง, เกม๊า ลี้ แม้นี่ไท้ น่าง มีคาง ไจพ้ะแด อ แว้, เมะเว๊ ลาอิ้ อ พู ปางทีเอง
เนอ อ พู เมะเว๊ อะเนอ, พี่ เก ซาอู อ ซึ้พูมู๊ง อ คู ดู ล แฌ้ นอ, ลี้ฌ้า ซาอู อ พู เมะเว๊ อีโบเช, ลี้ ค๊างฆ้าง ลู่ง เว่ง มาฮานาเอง
ฌ้อง ดาเว โซ๊ง โพล้งไคล้เดิงเท่อ, ลี้ ฌูง ซาอู อ พูแคว๊ อีโบเช โล้ แบ-อ้ะ ไจ้ะเว๊, “เกม๊า ไท้ เอะ แย้ จ แม๊ น่าง มีคาง นอ ไช้ะ, เมะเว๊ จ อางเล๊ นี่-อ้ะ, ดี๊ โพล้ง ฟีลีเตีย อ แฌ้ ล แย้ อ ท คู ไพ้ะ”
แบเด้าะ, อ แว้ ลี้ โพะ เว๊ อ ไค๊ ดี๊ ฌาง ดี๊ ย้า, ท้อง ตางโบง บาฮูรีง, ฌ้อง อะเนอ โล้ เอะ-อ้ะ ไจ้ะเว๊, “ม๊า น ไท้ ไท้ ไวะ”, ดี๊ อ เว๊ ไท้ไท้ เว๊ ล้อ
ลู่ง โพล้ง อีซาคา อ ชื้อ นอ อ กดูกแซย่ โอ ล แฌ้, เก อ้ะซา อ พู, อ เม้ง ปางทีเอง
ซาอู อ พูมืง น่าง มีคาง, พี่ เก ดาเว อ แม๊ นอ, อ เว๊ เกม๊า เว๊ เกก้ะ ปางที อ แม๊ เย้า, ปางที นอ เก ลาอิ้ โพล้ง กางลีง อ พูแคว๊
