46 โพล้ง ล ชื้อ แด อ ซ้ะ ม ล้างแช่ ล้างไฆ๊ ดี๊ ว้ะโทะ ไจทางไฆวะ ลู่ง อ ล่าง ทุ้กดื้ง ซ้ะ, พี่ อเฌิ่งอค๊า นอ
โพล้ง ม นึฆ้าง ลู่ง ไล๊ พละชวะ อ พ้า ดี๊ ฌางคู อ พ้า เกม๊า พ้องไฆวะ ดี๊ กแช่ยาเว อ ท ล้าง ยางแบซ้ะเม ดี๊ พ้องไฆวะ ดี๊ กแช่แยว้ อโฌ่งอพ้าง ลู่ง อ ฆี๊งดูแล้ดู พี่ กแช่แยว้ เฌ้เทิงทาง, ดึ้ เกม๊า ฌางคูโคล๊งคู ว้ะ เทาทื้ง นอ ล้อ
บี่ซุ้ ม นึฆ้าง โล่ง พ้า ดี๊ นึฆ้าง ไล๊เช้า เกม๊า พ้องไฆวะ ดี๊ กแช่ยาเว อ ท ล้าง ยางแบซ้ะเม ดี๊ พ้องไฆวะ ดี๊ กแช่แยว้ อโฌ่งอพ้าง ลู่ง อฆี๊งอแล้ พี่ กแช่แยว้ เฌ้เทิงทาง ดึ้ เกม๊า ฌางคูโคล๊งคู ว้ะ เทาทื้ง นอ
เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง
ทึเมะ อ เว๊ ม โอคุ้ซูง ลู่ง ทลู่ง คาราเมง อ จ้องคู ฌี้ นอ ก ม อางฆื๊ง แคว่-อ้ะ พี่ นอ, ฌ้อง พองนี่-อ้ะ ทึเมะ อ เว๊ ม ไจ โอคุ้ซูง ลู่ง ปางเล ไค๊ด้ะ, เกม๊า พ้องไฆวะ ดี๊ ก เมะ ฌี้ นอ ก ม อางแบเลา ฌู่ง พี่ นอ, ดี๊ อ ท ม ไอ-อ้ะ
อ ซื๊งเว๊ ลแพ นอ, ม อางไล ทมูงทมวี๊ง ด้องซุ้ ฌู่ง บี่ซุ้ดี๊ ทพูแฆ่ แจว้ เคว้ ลู่ง ฌางคู คู อ ซื๊งเว๊ ม ว้ะโทะว้ะตี้ ไจทางนี่ ลู่ง อ ทล่าง ทุ้กดื้งซ้ะ พี่ อเฌิ่งอค๊า อ ซื๊งเว๊ ม เซิงพ่องซ้ะว้ะ ไจทาง เฌ๊ฌูง กแช่ยาเว ก กแช่แยว้ ลู่ง กแช่แยว้ อกย้อง นอ, อ ซื๊งเว๊ ม ซ้ะเม เท่อ
พี่ มื่ง ทาง ท คู่ ล้าง เฆ๊ กเอ้ นอ, ดึ้ เกม๊า นาง ล้างไย้ะ ล้างไฆ๊, ฌ้อง อ โพ๊ นอ, ล้างดิ้ ไฆวะ, ดี๊ แคว่-อ้ะ ล ฌี้ ล้า นอ, เฌ๊ฌ้อง เลา ปะ, บี่ ซุ้ ดี๊ นอ โพล้ง ท โอ ท ช๊อง นอ, ม ล้างแม่ ไฆวะ พี่ ล โท้ แย๊ อ แม้ เท่อ อ แค๊ ปะ ล้อ
คี๊ง แฌ้ นอ เกม๊า โพล้ง ฟีลีเตีย อ ซึ้พู คุ้แคว่ เท่อ แด-อ้ะ, ดี๊ โพล้ง ฟีลีเตีย ไจ้ะเว๊, “แคว่ อู้ง เซ้อ, โพล้ง ฮีบรู ไจทาง ทพ้า พี่ อ โอคุ้ซูง เท่อ นอ เย้า”
