38 จ ล้องช่อง จ ดีง จ แด้, ดี๊ จ นี่ แม้เฌ๊ฌ้องไฆวะ อ ซื๊งเว๊ ดี๊ จ ล แกยไท้ ซ้ะ แบ, ท้อง ลู่ง อ ซื๊งเว๊ แบ ทแม้เฌ๊ฌ้องไฆวะ เลาพะ
ท่อง โพล้ง อางโมง แด เว๊ โพล้ง ซีเรีย ซยู๊ไฆวะ นอ, อ ซื๊งเว๊ซีง ซยู๊ไฆวะ ลู่ง อาบีไช อ เมะแซ พ้า, ไท้ นึฆ้างก้ะ เว่ง พ้า, ฌ้อง โยอะ โอนี่ ลู่ง ทล่าง ทดึ้ซึ้ ดี๊ โพล้ง อางโมง นอ, ฌ้อง เฌ๊ไท้ ลู่ง เยรูซเลง พ้า ไวะ
แย้ จ แม้เฌ๊ฌ้อง อ ซื๊งเว๊ เลาพะ, จ ชิ้ พล๊อง จเฌิ่ง อ ซื๊งเว๊, อ ซื๊งเว๊ เฌ้เทิงทาง ล ซี ล้าแบ อ ซื๊งเว๊ ล้างเทะเค้า ลู่ง จ คาง พ๊างละ
จ โอ ดี๊ แน้ กุ้จอง พี่ น ลี้-อ้ะ, ดี๊ จ แม้ เซงทื่งเฌ๊ฌ้อง น ดีง น แด้ เลาพะ พ้องไฆวะ ดี๊ น เมะ, ดี๊ จ ม ดึ้ เกม๊า น เม้ง ดู แซ ดู, บี่ซุ้ ดี๊ ทอดู ลแพ อ เม้ง ลู่ง ฌางคูโคล๊งคู
ดีงแด้ ซีงลแพ ไจ้ะเว๊, ‘จ ม ลี้ช่อง-อ้ะ, จ ม ล้องช่อง-อ้ะ ท่อง อ คลึ้ จ ม อางน้าง โละซ้ะ ทลู่นี่ ก้ะ นอ, จ ม แบ จ ซ้ะ, พี่ จ นี่ แม้ เอะ อ ซื๊งเว๊ ท๊อง อ แบ จ ซ้ะ จ ม ทึ้ทาง จ น้ะ, จ จูง ม แม้ เฌ๊ฌ้องไฆวะ-อ้ะ เฆาะ’
แบเด้าะ ลู่ง ท ล แพ อี้ง กุ้ อ เม้ง, โพล้ง พี่ อ เอ เฆ้อ ล แฌ้ นอ, เกม๊า ก น้า เท่อ เลา ปะ
