38 กจุ้แฆว้ ไคล้ช๊า-อ้ะ ไจ้ะเว๊, “คีงฮาง ม ลี้ ค๊างฆ้าง ดี๊ แย้, แย้ จ ม แม้ ทฌี้ เอะ-อ้ะ, ท๊อง น แด-อ้ะ เกิ้ง แม้ นอ, ทกุ้เม้ง พี่ น เอดุ้ จ แม้ เอะ แน้ นอ, จ ซ้ะมึ พี่ ม แม้ เอะ แน้ ล้อ”
เกม๊าเต้ น เพล่ ไท้, บี่ซุ้ ม ไท้ ซี๊ง ลู่ง กแช่ อ เว่ง พ้า, เบ้า ดี๊ จ มู่ จ แพ่ อ แซวคู พ้า, อ อี้ง นอ, เมะเว๊ น เพล่ คีงฮาง, เกม๊า อ เว๊ ลี้ โพะ จ เซงคู กจุ้แฆว้ อ ไค๊, เกม๊า น แม้ เอะ-อ้ะ, ท๊อง น แคว่-อ้ะ เกิ้ง แม้ นอ”
ฌ้อง โพล้งเฌงพูฆ๊างพู เลาพะ นอ, ค๊างฆ้าง ที๊ง โจเด้ง กล้อง, ดี๊ กจุ้แฆว้ นอ ลี้ค๊างฆ้าง ไวะ, กจุ้แฆว้ นอ น๊าม๊า บาซีงไล อ บุ้แพ้, ดี๊ ชูฌี้ เอะ เว๊ อ เท่อ, อ เว๊ ไท้ ไท้ ลู่ง อ กแช่ อ ล่างโอล่างช๊อง นอ ล้อ
เกม๊า เต้ น เนโพลทาง ทย๊างซ้ะ แบ บาซีงไล, โพล้ง กีเลอา ล แฌ้ นอ อ พู ลแพ นอ ไช้ะ, เกม๊า อ ซื๊งเว๊ โอ ลู่ง โพล้ง พี่ อ อาง เท่อ ลู่ง น คะ คู ลแพ นอ อ โป้ง พ้า, เมะเว๊ พี่ จ ซยู๊ คุ้ซูงไฆวะ น วี่ โจ้ อะซาโลง อ แค๊ อู้ง นอ, อ ซื๊งเว๊ซีง แม้ช้า แย้ ดี๊ ทย๊างเซิงย๊างซ้ะ
ดี๊ อ ซื๊งเว๊ นอ, ลี้ โอ ลู่ง เกรูคีงฮาง เบ้า ดี๊ เบเลเฮง, โอทาง อ ซ้ะ ม ลี้ ลู่ง อีไย้ะ
