37 เกม๊าเต้ น เพล่ ไท้, บี่ซุ้ ม ไท้ ซี๊ง ลู่ง กแช่ อ เว่ง พ้า, เบ้า ดี๊ จ มู่ จ แพ่ อ แซวคู พ้า, อ อี้ง นอ, เมะเว๊ น เพล่ คีงฮาง, เกม๊า อ เว๊ ลี้ โพะ จ เซงคู กจุ้แฆว้ อ ไค๊, เกม๊า น แม้ เอะ-อ้ะ, ท๊อง น แคว่-อ้ะ เกิ้ง แม้ นอ”
ท่อง แพ่ ซี๊ง, ไท้ โอ ดี๊ แพ่ อ พี๊ง อ พู๊ง ลู่ง แย๊ อู้ง เย้า นอ, โชะทางไฆวะ แพ่ อ จู, ลี้ เคิงล้างบ้า ลู่ง แพ่ อ พี๊ง อ พู๊ง ลู่ง แย๊ อู้ง อ แซวคู พ้า ไช้ะ”, โยซิ้ เอิ้งล้าง-อ้ะ ไจ้ะเว๊, “จ ม แม้โพะ แพ่ อ ท อางแบเลา อ ไค๊ ล้อ”
อีซลาเอง โล้ เอะ โยซิ้ ไจ้ะเว๊, “อี้งเซ้อ, แพ่ ม ซี๊ง, แบเด้าะ กแช่แยว้ ม โอ ดี๊ น ซื๊ง, ม ไท้ฌ้าไท้ น ซื๊ง ลู่ง น พี๊ง น พู๊ง ลู่ง แย๊ อู้ง อ ที๊งล่างค่างพ้า
เมะเว๊ กเย่ อ พู นอ, ลี้โชะ อ แพ่ อ จู ลู่ง ค่าง คานาอาง พ้า, ฌ้อง เคิงล้างบ้า เว๊ ลู่ง ไล๊ พ้า, พี่ โอ ไชะ อ เม้ง มาเปะลา พ้า นอ, เก ไชะ พี่ อาบราฮาง ฆวี้นี่ เว๊ ดี๊ เอโฟรง โพล้ง ฮีไท เก อ แซวคูพ้า, โอ ลู่ง มางเร อ เมะแซ พ้า นอ ล้อ
น เพล่ ม ลี้ โพะ กจุ้แฆว้ อ ไค๊, ค๊างฆ้าง ที๊ง โจเด้ง กล้อง ล ปี๊ เด้าะ, แม้ทเล้?, กจุ้แฆว้ ม แม้ช๊าไท้ แย้ ดี๊ รางวาง บี่อี้ง นอ
กจุ้แฆว้ ไคล้ช๊า-อ้ะ ไจ้ะเว๊, “คีงฮาง ม ลี้ ค๊างฆ้าง ดี๊ แย้, แย้ จ ม แม้ ทฌี้ เอะ-อ้ะ, ท๊อง น แด-อ้ะ เกิ้ง แม้ นอ, ทกุ้เม้ง พี่ น เอดุ้ จ แม้ เอะ แน้ นอ, จ ซ้ะมึ พี่ ม แม้ เอะ แน้ ล้อ”
กจุ้แฆว้ ลี้ค๊างฆ้าง ลู่ง กีลากาง, ดี๊ คีงฮาง ลี้ ค๊างฆ้าง โพะ อ ไค๊ ปะ, โพล้งเฌงพูฆ๊างพู ยูดา เลาพะ, ดี๊ โพล้งเฌงพูฆ๊างพู อีซลาเอง พุ้พ๊าง นอ, ลี้ฌ้า กจุ้แฆว้ ค๊างฌะฆ้าง นอ ล้อ
แบเด้าะ แน้ น เฌ๊ไท้ ดี๊ น อาง ทอาง, ดี๊ โอ้ ที๊ง ลู่ง ทล่าง พี่ กแช่แยว้ โล้ เอะ แน้ ไจ้ะเว๊, “อาง ทอาง ดี๊ โอ้ ที๊ง ล ฌี้”, เป๊งนี่ อ นอ, น จู ลี้ ล ท้อง ลู่ง ทพ้า, พี่ โพล้ง เคิงล้างบ้า น พี๊ง น พู๊ง ลู่ง แย๊ อู้ง อ ล่าง พ้า แบ’, ”
เกม๊า เต้ น เนโพลทาง ทย๊างซ้ะ แบ บาซีงไล, โพล้ง กีเลอา ล แฌ้ นอ อ พู ลแพ นอ ไช้ะ, เกม๊า อ ซื๊งเว๊ โอ ลู่ง โพล้ง พี่ อ อาง เท่อ ลู่ง น คะ คู ลแพ นอ อ โป้ง พ้า, เมะเว๊ พี่ จ ซยู๊ คุ้ซูงไฆวะ น วี่ โจ้ อะซาโลง อ แค๊ อู้ง นอ, อ ซื๊งเว๊ซีง แม้ช้า แย้ ดี๊ ทย๊างเซิงย๊างซ้ะ
นาทาง อ พู เมะเว๊ อาซารียา นอ, เก โพล้งโพะคองเว่ง อคูอแน่, นาทาง อ พู เมะเว๊ ซาบุ้ นอ, เก โพล้งลื่งเท่ออคู, ดี๊ เก กจุ้แฆว้ อ ฌุ้พาง
ดี๊ อ ซื๊งเว๊ นอ, ลี้ โอ ลู่ง เกรูคีงฮาง เบ้า ดี๊ เบเลเฮง, โอทาง อ ซ้ะ ม ลี้ ลู่ง อีไย้ะ
เมะ ยี๊ แด นอ ท้อง อ ช๊า อ โท่ เย้า, พี่ จ แบ เทว๊ ล้าง จ ซ้ะ บี่ ซุ้ เก ท ลื่ง ทาง กแช่ แยว้, ท้อง อ ช๊า อ โท่ จ แบ ไท้ เย้า
“แคว่เซ้อ, จ เบ้า ม ซี๊ง เย้า น ซื๊ง ซีงแฌ๊ ลู่ง น เซิง พ้า ซ้ะ พ้า เย้า บี่อี้ง, ทอฌี้ กุ้ อ เม้ง พี่ กแช่ยาเว น กแช่แยว้ เอิ้งล้าง เอะ น ซื๊ง นอ, ม ล้างเทะ ล้างท่องไฆวะ ล โอ น่าง เม้ง แบ, ฌ้องทางเกทาง เว๊ กุ้ อ เม้ง ล้อ, ทล้างเทะ ล้างท่องไฆวะ ล โอ น่าง เม้ง แบ
อ ไฌ่ บี่ อี้ง, จ ซีงแฌ๊-อ้ะ ล ไยะ ล้า แบ จ ม ซี๊ง ไฆวะ, บี่ ซุ้ กแช่ เยซู คริ้ โล้ แบ เอะ แย้ ล้างที๊ง เย้า
