31 เมะ บาซีงไล โพล้ง กีเลอา นอ, เฌ๊ล้างนี่ ลู่ง โรเกลีง, ดี๊ ลี้ ดี๊ กจุ้แฆว้ ท้อง ลู่ง ที๊ง โจเด้ง กล้อง, บี่ซุ้ ม ลี้ โซ๊ง เว๊ ค๊าง ฆ้าง ที๊ง โจเด้ง กล้อง
เมฟีโบเช ไคล้ ดี๊ กจุ้แฆว้ ไจ้ะเว๊, “พี่ จ เซงคู กจุ้แฆว้ เฌ๊ ไท้ แบ ไท้, ลู่ง บลาง พ้า ดี๊ ทมึทพ้า บี่อี้ง เย้า นอ, เกม๊า ซีบา แม้ นี่ก้ะ เว๊ ท่อง อ เลา แดเทา”
เกม๊า เต้ น เนโพลทาง ทย๊างซ้ะ แบ บาซีงไล, โพล้ง กีเลอา ล แฌ้ นอ อ พู ลแพ นอ ไช้ะ, เกม๊า อ ซื๊งเว๊ โอ ลู่ง โพล้ง พี่ อ อาง เท่อ ลู่ง น คะ คู ลแพ นอ อ โป้ง พ้า, เมะเว๊ พี่ จ ซยู๊ คุ้ซูงไฆวะ น วี่ โจ้ อะซาโลง อ แค๊ อู้ง นอ, อ ซื๊งเว๊ซีง แม้ช้า แย้ ดี๊ ทย๊างเซิงย๊างซ้ะ
ดี๊ เฌ๊นี่ ลู่ง โพล้งลื่งเท่ออคู อชื้ออชะ ปะ, เมะเว๊ โฮบายา อชื้ออชะ, ฮะโคะ อชื้ออชะ, ดี๊ บาซีงไล อชื้ออชะ, (พี่ นี่ อ แม๊ ดี๊ บาซีงไล อ พูมืง, โพล้ง กีเลอา นี่ แบ อ เม้ง บี่ซุ้ดี๊ นอ)
เฌ๊นี่ ลู่ง โพล้งลื่งเท่ออคู ซีงลแพ นอ ปะ, เมะเว๊ โฮบายา อชื้ออชะ, ฮะโคะ อชื้ออชะ, บาซีงไล อชื้ออชะ, (อ เว๊ อ แม๊ โอ ล แฌ้, เก บาซีงไล โพล้ง กีเลอา อ พูมืง, อ เว๊ นี่ แบ อ เม้ง บี่ซุ้ดี๊ นอ ล้อ)
