2​ซามูเอง 19:24 - Northern Pwo Karen Thai Bible

²⁴ ซาอู อ พูแคว๊ เมฟีโบเช เฌ๊ล้าง ตองช๊า กจุ้แฆว้ ปะ, อ เว๊ ล นี่ ไต้ ฌี้ อ คาง แบ, ล นี่ โล้งไฆวะ อ แค ชอง แบ, ล นี่ อางชืง อ ไช๊ อ ช้าง น่าง เม้ง แบ, ล โค๊ ลู่ง ล นี้ง แย๊ พี่ กจุ้แฆว้ ไจไฆวะ, ท้อง อ เฌ๊ไท้ๆ, ดี๊ ทมึทพ้า

2​ซามูเอง 19:24 교차 참조

2​ซามูเอง 12:20

ดาเว เฌ้เทิงทาง ฌางคู คู, ลี้ แม้เช๊งแม้เกล้ง อ ล้อง, ฌ้อง เท้า อ ล้อง ดี๊ ทซู, ดี๊ เปลงไฆวะ อ ไช๊ อ ช้าง, ฌ้อง ลี้ นึฆ้าง ลู่ง กแช่ยาเวอล่างโอ พ้า, โบงทางแบ้ทาง เท่อ, ฌ้อง ไท้ ลู่ง อ บลาง พ้า, โล้ โพล้ง เกม๊า แม้นี่ เอะ อ ทอาง, ฌ้อง อาง เว๊ ล้อ

2​ซามูเอง 15:30

ดาเว ลี้ทาง ลู่ง เกล้, พี่ ม ทาง ทลู่ง ไพ มื่งเทิง ไท้ะ, ลี้ ไคว่ๆ, ฌาง ไคว่ๆ, คลึไบ้ะล้าง อ คู ดี๊ ตไก้ยะ, ไจ ดี๊ อ คาง โปลิ้ปลิ้, ดี๊ซึ้พู เลาพะ พี่ โอ ดี๊-อ้ะ นอ, คลึไบ้ะล้าง อ คู ดี๊ ตไก้ยะ, ไจไคว่ๆ, ฌาง ไคว่ๆ

2​ซามูเอง 16:3

กจุ้แฆว้ ไจ้ะเว๊, “น เซงคู อ พู โอ พี่จองเล้”, ซีบา โล้ เอะ กจุ้แฆว้ ไจ้ะเว๊, “แคว่เซ้อ, อ เว๊ โอโท่ ลู่ง เยรูซเลง พ้า, อ ไจ้ะเว๊ บี่อี้ง, ‘ล นี้ง แย๊ อี้ง, โพล้ง อีซลาเอง อชื้ออชะ, ม เกม๊า ไท้ จ แพ่ อ มื่ง อ บ้าง นอ เอะ แย้’, ”

2​ซามูเอง 9:11

ฌ้อง ซีบา ไคล้ ดี๊ กจุ้แฆว้ ไจ้ะเว๊, “ ทกุ้เม้ง พี่ จ เซงคู กจุ้แฆว้ อางแบเลา เอะ อ เพล่ นอ, อ เพล่ ม แม้ เว๊ ล้อ”, เมฟีโบเช อาง แบ มี้ ลู่ง ดาเว อ คะ คู, บี่ซุ้ ดี๊ อ เก กจุ้แฆว้ อ พูแคว๊ ล แฌ้ นอ ล้อ

1​กจุ้แฆว้ 2:8

ดี๊ แคว่เซ้อ, โพล้ง เบงยามีง เมะเว๊ เกะรา อ พู ชีเมอี, พี่ อ โอ ลู่ง เฌง บาฮูรีง นอ โอ ดี๊ แน้ ปะ, อ เว๊ เก โพล้ง ชูแบไจ้ะจวี้ แย้, พี่ ล นี้ง แย๊ จ ไจ ลู่ง มาฮานาเอง พ้า อู้ง, แบเด้าะ อ เว๊ เฌ๊ ล้าง ตองช๊าฮะช๊า แย้ ลู่ง ที๊ง โจเด้ง กล้อง, อ กย้อง บี่นอ, จ อืงล้าง เท่อ ดี๊-อ้ะ, ลู่ง กแช่ยาเว อ เม้ง จ ไจ้ะ, ‘จ ม ล แม้ซี๊ง แน้ ดี๊ น้ะ แบ’

ทไจทางไฆวะ 19:10

กแช่ยาเว ไคล้ ดี๊ โมเซ ไจ้ะเว๊, “ม๊า น ลี้ฌูง โพล้งเฌงพูฆ๊างพู นอ, เกม๊า อ อางกี ฌี้ ล้าง อ ซ้ะ เมะ ฌี้ เมะ แอว้, ล นี้ง แย๊ อี้ง ดี๊ ลู่ง โฌ้ ล นี้ง, ดี๊ เกม๊า อ ซื๊งเว๊ อางชืง อ ไช๊ อ ช้าง เมะ เกล้ง

อีซยา 15:2

เว่ง ดีโบง ลี้ทาง ลู่ง เว่งฮ๊าง ลี้ ลู่ง ทล่างซยื๊งซย้องพ้ะโท๊, บี่ซุ้ ฌางชูฌางช้าง เท่อ โมอา ฌางล้างย้าล้าง แบฆ้ะ ดี๊ เว่ง เนโบ ดี๊ เว่ง เมเดบา คูฆีง กุ้ โพลง นอ โต้งโล้ง ดี๊ กุ้แฌ้ อ นุ้ชองแคพ้าง แบ ท โล้งไฆวะ

เยเรมี 41:5

กแคว๊ โอ อ แฌ้ โฆะชี๊ง, เฌ๊นี่ ลู่ง เว่ง เชเคง, ดี๊ เว่ง ชิ้โล, ดี๊ เว่ง ซมาเรีย, อ ซื๊งเว๊ โล้งไฆวะ นุ้ชองแคพ้าง, ดี๊ ไช๊ยะ ช้างเทะ, ดี๊ อล้องอย่าง โอ ดี๊ ทเก้าเฌะ อ โฆ้ง ล่าง, เฌ๊โชะ ทลื่งทาง ทซูงทแซ ดี๊ กางยาง เฌ๊ เทว๊ เว๊ ลู่ง กแช่ยาเว อ เว่งฮ๊าง

ม้ะทู 6:16

พี่ น ซื๊ง โก้ง อาง มี้ อ แค๊ นอ, แม้ น เมะอึ้ แน๊ฆึ บี่ ซุ้ โพล้ง เมะ โต้ ซ้ะ ไก ล แพ นอ แม้ เว๊ ล ฌี้, อซื๊งเว๊ แม้ ดุ้ อ เมะ บี่ ซุ้ อ ล้างบย้ะ ดี๊ มี้, บี่ ซุ้ โพล้ง ม ซีงแฌ๊ เว๊ อ โก้ง อาง มี้, ยี๊ จ โล้ เอะ น ซื๊ง โต้ๆ, ล้อ, อซื๊งเว๊ซีง ล แพ นอ, นี่ แบ ท อ บลึ้ อ บลาง แด อ กแช่ เว๊ เย้า

โรมา 12:15

ซ้ะอวีง ซ้ะโทะ ฆึ ดี๊ โพล้ง พี่ อ โอ ดี๊ ท ซ้ะอวีง ซ้ะโทะ, ฌาง ฆึ ดี๊ โพล้ง พี่ อ ฌาง

ฮีบรู 13:3

นาง แบ โพล้ง พี่ อ โอ ลู่ง พ้อง พ้า ล แพ นอ ไช้ะ, ช๊องมอง-อ้ะ บี่ ซุ้ น ซื๊ง แบซุ้ ฆึ ดี๊-อ้ะ ปะ, นาง แบ โพล้ง พี่ อ แบ ท แม้ น้ะ แม้ โน๊ง-อ้ะ ล แพ นอ ไช้ะ, ช๊องมอง-อ้ะ บี่ ซุ้ น ซื๊ง แบ น้ะ แบ โน๊ง ฆึ ดี๊-อ้ะ ปะ