21 น่าง เซรูยา อ พู เมะเว๊ อาบีไช ไคล้ช๊า-อ้ะ ไจ้ะเว๊, “พี่ ชีเมอี แม้เท่อ บี่อี้ง นอ, ล เกิ้ง ท้อง ลู่ง อ แบ ซี๊ง แบ-อ้า?, เมะเว๊ อ เว๊ ชูแบไจ้ะจวี้ โพล้ง พี่ กแช่ยาเว เท้าไน เว๊”
ดาเว ลี้ ลู่ง เกล้ เลา ดี๊ อ ซึ้พู, ชีเมอี ลี้ ลู่ง ทลู่ง คางไท้ะ กแท้โละซ้ะ ดี๊-อ้ะ, ลี้ไคว่ๆ, ชูอ้า ดาเว ไคว่ๆ, บี่นอ, แม้นี่ โล่งไควะ เว๊, ดี๊ แม้นี่ ฌางคู มูง พ๊า ดุ้ เว๊
พี่ กจุ้แฆว้ ดาเว ลี้ ลู่ง ตางโบง บาฮูรีง พ้า นอ, โพล้ง แคว๊ โอ ล แฌ้, เก โพล้ง ลู่ง ซาอู อชื้ออชะ ล ดอง นอ อ แกล้, อ เม้ง ชีเมอี เก เกะรา อ พู, อ เว๊ นอ เฌ๊ทาง ไจ ไคว่ๆ, ชูอ้า เท่อ ไคว่ๆ
น่าง เซรูยา อ พู เมะเว๊, อาบีไช โล้ เอะ กจุ้แฆว้ ไจ้ะเว๊, “แม้ทเล้?, เกม๊า ทวีง ซี๊ง ล ดื้ง อี้ง เฌ๊ ชูอ้า จ เซงคู กจุ้แฆว้, เกม๊า จ ลี้ ค๊างฆ้าง กล้างเทะ อ โคะ เซ้อ”
จ กแช่แยว้-เอ้อ, เกม๊าเต้ แคว่ เฆ้อ ซีงลแพ อ นางปด้าง เกม๊าเต้ แคว่ โพล้ง อ เมะ พี่ น เท้าไน-อ้ะ
“ชูอ้า กแช่แยว้ ล ฌี้, ดี๊ โละซ้ะ เอ้งไฌ้ แบ น โพล้งเฌงพูฆ๊างพู อคูอแน่ นอ ล ฌี้
ก ทม๊า กแช่, เมะเว๊ กจุ้แฆว้ พี่ กแช่ยาเว เท้าไน เว๊ นอ ล้างเทะ ลู่ง อ ซื๊งเว๊ ซีง ล แพ, อ ซลา พ้า เย้า เมะเว๊ กแช่แยว้ พี่ ก ไคล้ แบฆ้ะ ดี๊-อ้ะ บี่อี้ง “ลู่ง อ กดื้งแล้ อ ซยืง เช๊ละ ก ม โอม๊าโอว้ะ ลู่ง โพล้ง กุ้ชื้อกุ้ชะ อซุ้อแกล้ ซี
ดาเว ไคล้ ดี๊ อ ซกุ้ นอ ไจ้ะเว๊, “เกม๊า กแช่ยาเว เอ เว๊ ล ฌี้, พี่ จ แม้ เท่อ บี่อี้ง เอะ จ เซงคู, ลู่ง อ เก โพล้ง พี่ กแช่ยาเว เท้าไน เว๊, เมะเว๊ พี่ จ ม เยาฆ้าง จ จูง ดึ้ โละซ้ะ ดี๊-อ้ะ, อ เว๊ เก โพล้ง พี่ กแช่ยาเว เท้าไน เว๊”
แบเด้าะ ดาเว โล้ เอะ อาบีไช ไจ้ะเว๊, “แม้เฌ๊ฌ้อง-อ้ะ ล ฌี้ เฆาะ, อ ไฌ่ บี่อี้ง โพล้ง โอ ล แฌ้ ชี่-อ้า, เมะ เยาฆ้าง อ จูง, แม้ แบ โพล้ง พี่ กแช่ยาเว เท้าไน เว๊, ฌ้อง อ ทไพ้ะทแม ล โอ แบ นอ”
