2​ซามูเอง 17:14 - Northern Pwo Karen Thai Bible

¹⁴ อะซาโลง ดี๊ โพล้ง อีซลาเอง กุ้ แฌ้ ไจ้ะเว๊, “ฮุ้ไช โพล้ง อาคี อ ทเนฌ้าโล้ฌ้า อี้ง, ฌี้เละ อาฮีโทเฟ อ ทเนฌ้าโล้ฌ้า ได้ะ”, เมะเว๊ กแช่ยาเว ดึ้ เกม๊า เว๊ อาฮีโทเฟ, อ ทเนฌ้าโล้ฌ้า ลู่ง อ ฌี้ นอ, ล น้า เท่อ แบ, บี่ซุ้ กแช่ยาเว ม เกม๊า ทอ้าทซ๊าง, เฌ๊ แบ อะซาโลง นอ ล้อ

2​ซามูเอง 17:14 교차 참조

ทอคางไท้ะ 32:28

โพล้ง แคว๊ ล แฌ้ นอ ไจ้ะเว๊, “ท่องชู่งแย๊ โพล้ง ม กุ้ แน้ ยาคุ้ ล้าแบ, แบเด้าะ ม กุ้-ก้ะ แน้ อีซลาเอง เมะเว๊ น ดึ้ โละซ้ะ ดี๊ กแช่แยว้, ดี๊ กโพล้ง, ดี๊ น น้า เท่อ”

2​ซามูเอง 15:31

โพล้ง โล้ เอะ ดาเว เกม๊า อ ซีงแฌ๊ บี่อี้ง, “อาฮีโทเฟ นอ, โอ ลู่ง อะซาโลง อ ทช๊องมอง กไบล้ะ นอ อ แกล้ ปะ”, ดาเว ไจ้ะเว๊, “กแช่ยาเว-เอ้อ, เกม๊าเต้ อาฮีโทเฟ อ ทเนฌ้าโล้ฌ้า เท่อ นอ, เซ๊กูเฌ๊ฌ้องไฆวะ”

2​ซามูเอง 15:34

แบเด้าะ, น เมะ ไท้ นึ ไท้ เว่ง พ้า, ดี๊ ไคล้ ดี๊ อะซาโลง น เมะ ไจ้ะ, ‘กจุ้แฆว้-เอ้อ, จ ม เทว๊ ล้าง จ ซ้ะ เก เอะ น เพล่, บี่ซุ้ ดี๊ จ เก เอะ น แพ่ อ เพล่ ไยะ เย้า บี่จะเล้ นอ, จ ม เก เอะ น เพล่ บี่นอ ปะ ล้อ’, อ นอ, น ม ดึ้ เกม๊า อาฮีโทเฟ อ ทเนฌ้าโล้ฌ้า นอ, ล้างกวางไฆวะ ลู่ง จ ฌ่าง

2​ซามูเอง 16:23

ล ว๊าง แย๊ อู้ง นอ, อาฮีโทเฟ อ ทเนฌ้าโล้ฌ้า นอ, แบด้องซุ้ อ เว๊ นอ, นี่แบ ทไคล้ ดี๊ กแช่แยว้, เลา ดี๊ ดาเว ดี๊ อะซาโลง ทื๊งแบนะแบ อาฮีโทเฟ อ ทเนฌ้าโล้ฌ้า เลาพะ ล้อ

2ทกวิ้ไน 10:15

กจุ้แฆว้ ล คุ้ช๊องแน โพล้งเฌงพูฆ๊างพู แบ, เมะเว๊ ทกึทาง อ ซ้ะ บี่อี้ง นอ, เฌ๊นี่ ดี๊ กแช่แยว้, บี่ซุ้ กแช่ยาเว ม เกม๊า อลู่งอแท๊ ชิ้เทา, พี่ อ ไคล้ เว๊ เฌ๊ ดี๊ อาฮียา, โพล้ง ชีโล โล้แบ เอะ เนบ้ะ อ พู เยโรโบอาง นอ ล้อ

2ทกวิ้ไน 10:8

แบเด้าะ อ เว๊ ซม๊า กเย่ โพล้งเม้งโพล้งแซย่ อ ทเนฌ้าโล้ฌ้า เอะ-อ้ะ นอ, ฌ้อง ลี้ ก้างแก้ โละอซ้ะ เท่อ ดี๊ โพล้ง น่างบาง, พี่ อ ดู ทาง ล ว๊าง ฆ่าง ดี๊-อ้ะ, ดี๊ โอ แม้ เอะ อ เท่อ ลแพ นอ

2ทกวิ้ไน 25:16

พี่ อ เว๊ ไคล้ เท่อ อ แค๊ นอ, กจุ้แฆว้ ไคล้ ดี๊-อ้ะ ไจ้ะเว๊, “จ ต๊างทาง แน้, ม๊า น เก โพล้งเนฌ้าโล้ฌ้า เท่อ โบ่?, โอโท่ไฆวะ ไคล้ ล้า ล ฌี้, แม้ทเล้ น ม แบ ทแม้ซี๊ง เด้าะ?”, โม นอ โอโท่ ไฆวะ เว๊, แบเด้าะ โล้ เอะ เว๊ บี่อี้ง, “จ ซีงแฌ๊-อ้ะ กแช่แยว้ อางกีล้าง อ ซ้ะ ม แม้เฌ๊ฌ้อง แน้, เป๊งนี่ ลู่ง น แม้ เท่อ บี่อี้ง, ดี๊ น ล คุ้ช๊องแน จ ทเนฌ้าโล้ฌ้า น่าง เม้ง แบ

2ทกวิ้ไน 25:20

แบเด้าะ อามาซียา ล คุ้ช๊องแน เว๊ แบ, เมะเว๊ เฌ๊นี่ ดี๊ กแช่แยว้, บี่ซุ้ ม อางกีล้าง อ ซื๊งเว๊ ลู่ง เยโฮอะ จูง พ้า, เป๊งนี่ อ ซื๊งเว๊ อางฆื๊งนี่ ทกโช้งกแช่ ลู่ง ค่าง เอโดง พ้า

เนฮะมี 4:15

โอก้ะ ลู่งไค๊, ท่อง กดีงกแด้ แน่ฌ๊า เว๊ ก ซีงแฌ๊ ท อ ไฌ่ เย้า, ดี๊ กแช่แยว้ นี่ แม้เฌ๊ฌ้องไฆวะ อ ซื๊งเว๊ อ ทไพ้ะทแม้ นอ, เฆ้อ ซีงลแพ ล แฌ้ๆ, นอ, ก เฌ๊ ลู่ง กางแป ลู่ง ก ทแม้ ล่าง นอ กุ้แฌ้

โยบา 12:17

กแช่แยว้ ดึ้เกม๊า โพล้งเนฌ้าโล้ฌ้า เท่อ นอ, ลี้ โบลงโกง โปล้ปลิ้ ดี๊ ดึ้เกม๊า โพล้งต้ะเซ๊งเท่อ นอ, เก โพล้ง เซ๊กูเฌ๊ฌ้อง

ทอางปฆ้า 9:15

โพล้ง กุ้ที๊งกุ้ค่าง นอ, ล้างจูง ลู่ง ทพ้า, พี่ อ กแช่ เคิงนี่ เว้ เว๊ นอ ดี๊ อ คาง แบบล้ะ ดี๊ ทฆี, พี่ อ กแช่ ดุ้ล้าง คุ้ซูง เว๊ นอ ล้อ

ทอางปฆ้า 9:16

กแช่ยาเว เนโพลทาง อ ซ้ะ, เกม๊า โพล้ง ซีงแฌ๊-อ้ะ, พี่ อ ต้ะเซ๊ง เท่อ นอ โพล้งอ้าโพล้งซ๊าง แบ ทดุ้ทเช, ดี๊ ทไพ้ะทแม้, พี่ เฌ๊นี่ ดี๊ อ กแช่ อ จูงล่างคางคู นอฮิ้กาโยง เซ่-ลา

ทไจทางไฆวะ 9:16

แบเด้าะ พี่ จ เกม๊า น โอม๊า ได้ะ อี้ง นอ, บี่ซุ้ น ม แด จ ดู้ง จ ยาง, ดี๊ จ เม้ง จ แซ ม แบ ทโล้ล้าง-อ้ะ เฆ้ง ฌางคูโคล๊งคู นอ ล้อ

ทอางด้อง 19:21

กโพล้ง อ ซ้ะ พ้า นอ โอ ดี๊ ทช๊องมองเว้ทแม้ แอฌี่งแอฌ้อง แบเด้าะ กแช่ยาเว อ ท แบซ้ะ นอ, ม โอเฌิ่งโอค๊า ซี

ทอางด้อง 21:30

ทโกงซีมองแบ เมะ ฌี้, ท แนซีโน้งซี เมะ ฌี้ ทโล้แบซีงแฌ๊ เมะ ฌี้, ม แม้น้า กแช่ยาเว ลซีแบ

อีซยา 8:10

เกม๊า ช๊องมอง ซกุ้ เว้ทแม้ แบเด้าะ นอ ล เกทางเกโท๊ แบ เกม๊า ก้างแก้ โละซ้ะ, แบเด้าะ ม โอเฌิ่งโอค๊า ล ซี แบ เมะเว๊ กแช่แยว้ โอ ดี๊ เฆ้อ

ท​ฌางล้างย้าล้าง 3:37

โพล้งเล้ ม ไคล้ เท่อ, ฌ้อง ท ล เม้ง นอ กึทาง เว๊ โอ เว๊ ที่ พี่ ทอดูทึโท๊ทึกแช่, อางแบเลา เกม๊า อ กึทาง อ ซ้ะ นอ ล้อ?

อาโม 9:3

ทึเมะ อ เว๊ ม โอคุ้ซูง ลู่ง ทลู่ง คาราเมง อ จ้องคู ฌี้ นอ ก ม อางฆื๊ง แคว่-อ้ะ พี่ นอ, ฌ้อง พองนี่-อ้ะ ทึเมะ อ เว๊ ม ไจ โอคุ้ซูง ลู่ง ปางเล ไค๊ด้ะ, เกม๊า พ้องไฆวะ ดี๊ ก เมะ ฌี้ นอ ก ม อางแบเลา ฌู่ง พี่ นอ, ดี๊ อ ท ม ไอ-อ้ะ

ลูกา 16:8

โพล้ง ยู่แคว่ เท่อ ล โต้ ล ล้อง แบ ล แฌ้ นอ, อ เซงคู อางปฆ้า-อ้ะ, พี่ อ เว๊ แม้ เท่อ ลู่ง อ ไพ่ อ แซย๊, อ ไฌ่ บี่ อี้ง, โพล้ง ฌางคู โคล๊ง คู โย้ ลู่ง อ แม้ ซกุ้ ไพ้ะ ซกุ้ เท่อ นอ, แม้ อ ซ้ะ แซย๊ นี่ โพล้ง พี่ อ โอ ท พ้าง พ้า”

1​โคเรง 3:19

อ ไฌ่ บี่ โย้, เท่อ ลู่ง โพล้ง ฌางคู คู ทื๊ง เว๊ เก ท โกง ซี มอง แบ นอ, กแช่ แยว้ แด เว๊ เก ท เฌ๊ฌ้อง, บี่ ซุ้ ไละ ฌี้ ไละ แอว้ โล้ เว๊ “โพล้ง พี่ อ ท โกง ซี มอง แบ โอ นอ, กแช่ แยว้ พองนี่-อ้ะ ดี๊ อ ท ไพ่ ท แซย๊ แด เว๊ ล้อ”

โล้​ล้างที๊ง​ทอางแม้เลา 2:30

แบเด้าะ ซีโฮง, กจุ้แฆว้ เฮโบง นอ, ล ญ่อง เกม๊า ก ลี้ แพ๊ฆ้าง อ ค่างช๊า แบ, เมะเว๊ กแช่ยาเว น กแช่แยว้ ดึ้ เกม๊า ซีโฮง อ ซ้ะ ล้างเล๊เก้, ดี๊ แม้ชอง อ ซ้ะ, บี่ซุ้ ม อางกีล้าง-อ้ะ, ลู่ง น จูง พ้า, ด้องซุ้ พี่ ท เกทาง อ ซ้ะ กุ้ มื่งนี้ง อี้ง ล้อ

โยชูวา 11:20

เมะเว๊ กแช่ยาเว ล้อ, ดึ้ เกม๊า อ ซื๊งเว๊ อ ซ้ะ ชองโฆะ ดึ้ซีงดึ้ซึ้ ดี๊ โพล้ง อีซลาเอง, บี่ซุ้ ม แม้ เฌ๊ฌ้องไฆวะ อ ซื๊งเว๊, เมะเว๊ ล นี่แบ ทย๊างซ้ะ แบ, บี่ซุ้ ม แม้ เฌ๊ฌ้องไฆวะ อ ซื๊งเว๊ เฆาะ, เกทาง อ ซ้ะ ด้องซุ้ กแช่ยาเว โล้ เว้ เอะ โมเซ เย้า นอ ล้อ