15 พี่ จ เฌ๊ ไคล้ ท ล ไฌ่ อี้ง เอะ จ เซงคู กจุ้แฆว้ นอ, เมะเว๊ พื่งวี่มื่งแคว๊ แม้ เกม๊า จ ซ้ะเม เท่อ, ดี๊ น เพล่ มืง ช๊องมอง เว๊ บี่อี้ง, ‘จ ม ไคล้ ดี๊ กจุ้แฆว้, แบซีงลู่ง กจุ้แฆว้ ม แม้ โพะ อ เพล่ มืง, อ ทอางท่าง อ ไค๊’
โพล้ง เฆ้อ โย้ นอ, ก แบ ซี๊ง เต้ๆ, ล้อ, เก แบด้องซุ้ ที๊ง พี่ อ ล้างคึ้ ฌางคู คู, ม แม้นี่ อางกีซยองไท้-อ้ะ เด้าะ ล ซี แบ, กแช่แยว้ ล แม้เฌ๊ฌ้อง ทม๊า แบ, แบเด้าะ, อางฆื๊ง ช๊องมอง นี่เกล้, บี่ซุ้ ล ญ๊องไฆวะโพล้ง พี่ แบ ทโฌ๊ไจไฆวะ แด แน้ นอ แบ
เมะเว๊ กจุ้แฆว้ ม ช๊องแน เว๊, ดี๊ ม แม้ช้า อ เพล่ มืง, พ้องไฆวะ ดี๊ โพล้ง, พี่ ม แม้เฌ๊ฌ้องไฆวะ เลา ดี๊ แย้ ดี๊ จ พู ปะ, ล เกม๊า เว๊, อ นี่แบ กแช่แยว้ อคองอแซย๊ ล้าแบ, ลแพ นอ อ จูง พ้า
พี่ ทอ้าทน้ะ เฌ๊โชะ ทซี๊ง เพลเพล้าเด้า นอ กแช่แยว้ แม้ไฌ๊ซ้ะ โพล้ง, พี่ อ ทไพ้ะทแม ล โอ แบ นอ, อ ทเซงทื่งเฌ๊ฌ้อง
