2​กจุ้แฆว้ 8:9 - Northern Pwo Karen Thai Bible

⁹ ฮาซาเอง ลี้ฌูง เว๊, ลี้โชะ ดี๊ ทเกล๊าง ปะ, เมะเว๊ ทอฌี้ กุ้ อ เม้ง ลู่ง เว่ง ดามากา พ้า, ต้างทาง เว๊ ดี๊ เอ้า ลี่ง ชี๊ง ดื้ง, พี่ อ เว๊ เฌ๊ ชี๊เทิง ลู่ง เอลีชา อ เมะแซ พ้า นอ ไจ้ะเว๊, “น พู เมะเว๊ เบงฮาดะ กจุ้แฆว้ ค่าง ซีเรีย, เจ่ทาง แย้ เกม๊า จ เฌ๊ฌูง แน้ ไจ้ะเว๊, ‘แย้ จ ม ก้องแย่ไท้ ชี่-อ้า?’, ”

2​กจุ้แฆว้ 8:9 교차 참조

1​กจุ้แฆว้ 14:3

เกม๊า น แม้นี่ กู อ ลอง ล ชี๊ง, กู พี่ อ ช๊า ล น้าง, ดี๊ นี๊ จ้าง ฆวี้ ม๊อง ล โพลง ลี้ฌูง-อ้ะ, อ เว๊ ม โล้ แน้ ทเม้งเล้ ม กึทาง ดี๊ พืงแซ นอ”

1​กจุ้แฆว้ 15:18

อาซา แม้นี่ จี้ ดี๊ ท๊อง เลาพะ, พี่ อ ล้างลื๊อก้ะ ลู่ง กแช่ยาเวอล่างโอ, อ ทล่างอางกีซยองเท่อ นอ อ พ้า, ดี๊ ลู่ง กจุ้แฆว้ อ บลาง อ ทล่างอางกีซยองเท่อ นอ อ พ้า, คลุ้ล้างก้ะ เว๊ อ กดูกแซย่ อ จูง พ้า, ดี๊ กจุ้แฆว้ อาซา เจ่ทาง โพล้ง ลี้ฌูง ทารีงโมง อ พู, เมะเว๊ เบงฮาดะ, ทารีงโมง นอ, เก เฮซีโอง กจุ้แฆว้ ค่าง ซีเรีย นอ อ พู, เฮซีโอง นอ โอ ลู่ง เว่ง ดามากา พ้า, เกม๊า โล้ เอะ เว๊ บี่อี้ง

1​กจุ้แฆว้ 19:15

กแช่ยาเว ไคล้ ดี๊-อ้ะ ไจ้ะเว๊, “ไท้ แดเทา, ไท้ ลู่ง น กแช่ อ เกล้ ท้อง ลู่ง แพะคูทเคแกล้ ดามากา พ้า อู้ง, ดี๊ น ลี้ เมะ ท้อง เย้า นอ, ม๊า น เท้าไน ฮาซาเอง เก กจุ้แฆว้ โพะคอง โพล้ง ซีเรีย

2​กจุ้แฆว้ 1:2

อาฮ้ะยา ล้างเทะ ลู่ง ป้อง พ้า ท้ะ ล คะ, พี่ โอ ดี๊ ทฆี ลู่ง อ กแช่ อ ล่าง ล เช้า, ลู่ง เว่ง ซมาเรีย พ้า, ดี๊ ช๊องไก้, อ เว๊ เจ่ทาง กเย่ โพล้งไคล้เดิงเท่อ อางแบเลา เว๊ ไจ้ะเว๊, “เกม๊า ลี้ อางจ้ะ บาอางเซบู โพล้ง เอโครง อ ทกโช้งกแช่ นอ บี่อี้ง จ ม ก้องแย่ไฆวะ ดี๊ จ ทเจ้าทแช๊ อี้ง ได้ะ-อ้า? ”

2​กจุ้แฆว้ 13:14

พี่ เอลีชา ช๊องไก้ ดี๊ ทแช๊ พี่ อ เว๊ แบ ซี๊ง นอ, เยโฮอะ กจุ้แฆว้ ค่าง อีซลาเอง ลี้ล้างฌูง-อ้ะ, ดี๊ ฌาง ลู่ง อ เว๊ อ เมะแซ พ้า ไจ้ะเว๊, “จ แพ่-เอ้อ, จ แพ่-เอ้อ, เลาะ ดึ้ซึ้ เท่อ ลู่ง ค่าง อีซลาเอง พ้า, ดี๊ ซึ้พู เทา กซี”

2​กจุ้แฆว้ 16:7

อาฮ้ะ โซ๊ง โพล้งไคล้เดิงเท่อ ลี้ โอ ทีละปีเลเซอ, กจุ้แฆว้ ค่าง อะซีเรีย เกม๊า โล้ เอะ เว๊ บี่อี้ง, “แย้ จ เก น เพล่, ดี๊ เก น พู, เกม๊า น เฌ๊ทาง แม้ช้า แย้, พ้องไฆวะ ดี๊ กจุ้แฆว้ ค่าง ซีเรีย อ จูง, ดี๊ กจุ้แฆว้ ค่าง อีซลาเอง อ จูง, พี่ อ เฌ้เทิงทาง ดึ้ซึ้ แย้”

2​กจุ้แฆว้ 5:13

แบเด้าะ อ กดูกแซย่ ลแพ นอ, เฌ๊ฆ้าง เบ้า ดี๊-อ้ะ, ดี๊ โล้ เอะ-อ้ะ ไจ้ะเว๊, “จ แพ่-เอ้อ, โมไคล้คิ้กแช่แยว้ เมะ อางแบเลา แน้ เกม๊า น แม้ เท่อ ลู่ง อ ดู ล เม้ง นอ, น ม ล แม้แบ-อ้า?, เมะ บี่นอ, พี่ โมไคล้คิ้กแช่แยว้ โล้ เอะ แน้ ไจ้ะเว๊, ‘ลี้ อางซฌ้ะ-อ้ะ, ดี๊ เช๊ง เกล้ง-อ้ะ แดเทา’, เกิ้ง น ม แม้-อ้ะ ฌี้ เด้าะ”

2​กจุ้แฆว้ 5:5

กจุ้แฆว้ ค่าง ซีเรีย ไจ้ะเว๊, “ลี้ แดเทา, จ ม โซ๊ง ไละ เอะ กจุ้แฆว้ ค่าง อีซลาเอง เกม๊า อ ซีงแฌ๊” ฌ้อง นาอามาง ลี้ เว๊, ลี้ โชะ จี้ อ ตะลาง ล ชี๊ง ท๊อง ฆู๊ง ม๊า เชเค่ง ดี๊ ไช๊แค่ ล้างช๊าง นอ อ โจ้ง ล ชี๊ง ปะ

2​กจุ้แฆว้ 6:21

ดี๊ ท่อง กจุ้แฆว้ ค่าง อีซลาเอง แด อ ซื๊งเว๊ นอ, อ เว๊ ไคล้ ดี๊ เอลีชา ไจ้ะเว๊, “จ แพ่-เอ้อ, น ม เกม๊า จ แม้ซี๊ง-อ้ะ โบ่?, น ม เกม๊า จ แม้ซี๊ง-อ้ะ โบ่?”

ทโกงซีมองแบ 3:6

โอ ดี๊ อช๊าอโท่ อางฆื๊งแคว่, ดี๊ อช๊าอโท่ แม้ ล้างแม่ โอ ดี๊ อช๊าอโท่ อางกี แฌแซกต้าง ทะ, ดี๊ อช๊าอโท่ ญ๊องไฆวะ

ฟีเลโมง 1:14

แบเด้าะ จ ล แบ ซ้ะ แคแน น แม้ช้า แย้ แบ, น เมะ แม้ ดี๊ เซิง ดี๊ ซ้ะ นอ ฌี้ ล โค๊, ท บี่ นอ, จ ม แม้ ที่ น อืงล้าง ม แม้-อ้ะ นอ ล้อ

1ซามูเอง 25:8

อางจ้ะ น โพล้ง น่างบางซ้ะบาง แคว๊ ซีงลแพ นอ แดเทา, อ ซื๊งเว๊ ม โล้ เอะ แน้ ล้อ, ทบี่นอ, เกม๊า จ โพล้ง น่างบางซ้ะบาง แคว๊ ซีงลแพ อี้ง, นี่แบ ทย๊างซ้ะ ดี๊ แน้ ไช้ะ, เมะเว๊ ก เฌ๊ พี่ ล นี้ง แย๊ โอ ดี๊ ทลื่งอาง โละซ้ะ อ แค๊, เกม๊า น เกล๊าง เท่อ, พี่ ม อางฆื๊งนี่-อ้ะ โอ นอ, เอะ น เพล่ ซีงลแพ, ดี๊ น พู ดาเว อี้ง ไช้ะ’ ”

1ซามูเอง 9:7

ฌ้อง ซาอู ไคล้ ดี๊ อ เพล่ ไจ้ะเว๊, “แบเด้าะ แคว่เซ้อ, ก เมะ ลี้ นอ ก ม ลี้ โชะ ทเม้งเล้ เอะ กแคว๊ ล แฌ้ นอ, เมะเว๊ กู ก โทง พ้า เลา เย้า, ก ม ลี้ โชะ ทเกล๊างมึซ้ะ เอะ โพล้ง กแช่แยว้ เว๊ นอ, ล โอ น่าง เม้ง แบ, ก เท่อ โอ ล เม้งๆ, ชี่-อ้า?”