2​กจุ้แฆว้ 7:7 - Northern Pwo Karen Thai Bible

⁷ เมาะ ทไค้ะ ล้าง เยาะยะ นอ, อ ซื๊งเว๊ เฌ้เทิงทาง ไจคุ้ซูง, ดี๊ อางกีโท่ไฆวะ อ เด้, อ กซี, ดี๊ อ แลว้, อางกีโท่ไฆวะ อ ทล่างโอซยอง บี่นอ ล้อ, ดี๊ ไจ พ้องพลิ้ไฆวะ ดี๊ ทซี๊ง

2​กจุ้แฆว้ 7:7 교차 참조

1​กจุ้แฆว้ 10:29

เลาะ ดึ้ซึ้ เท่อ, พี่ อ โอ ลู่ง ค่าง อีไย้ะ พ้า เฌ๊ นึฆ้าง นอ, ล ช๊อง นอ อ ฆวี้ ฆู๊ง แย้ เชเค่ง กซี ล ดื้ง นอ, อ ฆวี้ ล แย้ เย่ ชี๊ง เชเค่ง ทบี่นอ, ลู่ง โพล้ง แม้แค้ เท่อ อ กย้อง นอ, อ เว๊ โซ๊งทาง เว๊ ลี้ ลู่ง โพล้ง ฮีไท อ กจุ้แฆว้ ลแพ นอ, ดี๊ ลี้ ลู่ง โพล้ง ซีเรีย ซีง ลแพ อ กจุ้แฆว้ อ โอ นอ ล้อ

1​กจุ้แฆว้ 20:20

ดี๊ ล แฌ้ๆ, นอ, แม้ซี๊ง อ กู่ง พี่ ดึ้ โละอซ้ะ ดี๊-อ้ะ นอ, โพล้ง ซีเรีย ซยู๊คุ้ซูงไฆวะ, ดี๊ โพล้ง อีซลาเอง ล้องช่อง-อ้ะ, แบเด้าะ เบงฮาดะ กจุ้แฆว้ ค่าง ซีเรีย นอ, เทา กซี ซยู๊คุ้ซูงไฆวะ ดี๊ ซึ้พู เทา กซี

โยบา 18:11

เท่อ ล้าง ซ้ะกลึ, ดึ้เกม๊า อ เว๊ ซยึ้ เท่อ โอ วะ กุ้ แพ้ ดี๊ ล้อง ตไก้ะ อ คางโนงไค๊ ล้อ

ทอางปฆ้า 33:17

กซี ดึ้ซึ้ เท่อ นอ, เก ทมื่งเมะ, ไจ้ะเว๊ ม น้า เท่อ อไฌ่อแบ้ แอฌี่งแอฌ้อง นอ, แม้ช้า เกม๊า พ้องพลิ้ ลซีแบ

ทอางปฆ้า 68:12

โล้ล้าง เท่อ บี่อี้ง, “กเย่ ซึ้พูมู๊ง ซีงลแพ อ กจุ้แฆว้-เอ้อ, อซื๊งเว๊ซีง ไจคุ้ซูงไฆวะ, อซื๊งเว๊ซีง ไจคุ้ซูง” กมืง พี่ โอ เด้า นอ, อางน้าง โละซ้ะ เท่อ, พี่ อ ลู่นี่ก้ะ เว๊ นอ ล้อ

ทอางด้อง 21:1

กจุ้แฆว้ อ ซ้ะ นอ, บี่ซุ้ดี๊ ที๊งกล้อง ลู่ง กแช่ยาเว อ จูง พ้า กแช่แยว้ ม ลี้ฌ้า เว๊ ลู่ง เกล้ บ้องฌี้ๆ, นอ, ท๊อง แบ กแช่แยว้ อ ซ้ะ ล้อ

ทอางด้อง 28:1

โพล้งอ้าโพล้งซ๊าง ไจคุ้ซูง, ทึเมะ โพล้ง ล โอ ล้อง-อ้ะ น่าง แฌ้ แบ แบเด้าะ โพล้งแบกแช่แยว้อซ้ะ, อ ซ้ะ น้า ด้องซุ้ คี๊ยื่ง แพ๊

ทอางด้อง 6:5

เกม๊า น เฌ๊ฆิ้ไฆวะ ทอ้าทซ๊าง, ด้องซุ้ ทพู๊ เฌ๊ฆิ้ไฆวะ โพล้ง ชิ้อางค้ะอาง เท่อ อ จูง ด้องซุ้ ทู เฌ๊ฆิ้ไฆวะ โพล้ง พองทู อ จูง

อีซยา 2:20

ล นี้ง แย๊ นอ อ ทเค่งทฌ้าง พี่ แม้ เว๊ ดี๊ จี๊, ดี๊ อ ทเค่งทฌ้าง พี่ แม้ เว๊ ดี๊ ท๊อง พี่ อ ซื๊งเว๊ แม้ เว๊ ลู่ง อ กแช่ อ ฌ่าง, บี่ซุ้ เจ่ โบงทางแบ้ทาง เว๊ นอ, โพล้ง ม ญ๊องไฆวะ เว๊ ลี้ฌูง วี้ง ดี๊ แพล

ฮีบรู 6:18

อ ท เอิ้งล้าง ดี๊ อ ท อืงล้าง คี๊ง เม้ง อี้ง นอ, เปลง ไฆวะ อ ซ้ะ ล ซี แบ, ดี๊ กแช่ แยว้ ไคล้ คีงอูง เว๊ ล ซี แบ, ท บี่ นอ, ก เว๊ แด พี่ ก เปิ่ง กแช่ แยว้ นอ, อ เว๊ แม้ มึ ทาง ชอง ทาง ก ซ้ะ ดู มะ, พี่ ก ม อางกี ล้าง ก ซ้ะ เมาน่าง ดี๊ ท มื้งแล่ พี่ อ โอ ลู่ง ก เมะแย๊

โพล้งต้ะเซ๊งเท่อ 7:21

โพล้ง ล แฌ้ๆ, นอ, ชี๊เทิง อ กแช่ อ ล่าง โอ วะ ทล่างโอซยอง, ฌ้อง โพล้ง มีเดียง กุ้ อ แฌ้ ลู่ง ทล่างโอซยอง พ้า นอ กุ้ซย้ะ พ้ะดู ทาง เท่อ ดี๊ ซยู๊ คุ้ซูงไฆวะ ไวะ

1ซามูเอง 14:15

ฌ้อง ทเทาทื้ง กึทาง ลู่ง ทล่างโอซยอง ญ้าง พ้า ทเคแกล้ นอ, ดี๊ ลู่ง ซึ้พู ซีง เลาพะ นอ อ แกล้ พ้า, ซึ้พู คุ้แคว่ เท่อ อ โป้ง พ้า ดี๊ ทึเมะ โพล้งตมละเท่อมู๊ง ล โป้ง อี้ง นอ, ซ้ะเมซ้ะไพล้ เท่อ ว้ะโทะ โย๊ เฆาะ, ดี๊ ฌางคู ว้ะ, อ นอ เมะเว๊ ทว้ะ เทาทื้ง เฌ๊นี่ ดี๊ กแช่แยว้ นอ ล้อ