10 เกม๊า ก แม้ทางนี่ เอะ-อ้ะ ทล่าง ปี๊ โฆะ ล เช้า ลู่ง เด้า คู, ก ม ช๊างล้าง เอะ-อ้ะ อ ล่าง มี๊ง, คะ พ้ะดู, คะ ชี๊น้าง, ดี๊ มีโด้ง, บี่ซุ้ พี่ อ เว๊ เมะ เฌ๊ฌูง เฆ้อ นอ, อ ม นี่ ลี้ นึฆ้าง โอไปว้ะ ลู่ง ทล่าง พ้า ล เช้า นอ
น ด๊างพื่งวี่ พี่ อ เท่อ ล โอ แบ นอ, น แบ อางน้าง เอะ อ เท่อ, น แบ เซิง โพล๊ ซ้ะ โพล๊ ดี๊ โพล้ง พี่ อ เฌ๊ น โอ
เกม๊า ก ช๊องมอง เก้อะเร้อะ ดุ้-อ้ะ ม แม้ ก้ะ บี่ จะ เล้, พี่ ก ม แม้ช้า โพล้ง เกม๊า อ เอ โละ กวี้ง โละ ซ้ะ ดี๊ แม้ ท อ ฌี้ แอ ทาง
ฌ้อง กจุ้แฆว้ ล แฌ้ นอ ม ไจ้ะ เอะ เว๊, ‘จ โล้ เอะ น ซื๊ง โต้ๆ, ล้อ, พี่ น แม้ เอะ โพล้ง ปี๊ ทึ ลู่ง จ ด๊างพื่งวี่ อ แกล้ อี้ง นอ ที๊ ซุ้ๆ, ดี๊ น แม้ แบ เอะ แย้ ล้อ’
ซ้ะนาง ตองช้า ฮะช้า โพล้ง กมวี้ง ล ฌี้, อ ไฌ่ บี่ อี้ง, โพล้ง พี่ อ แม้ บี่ อี้ง นอ แบ พ๊าๆ, ตองช้า ฮะช้า แบ ท มุ้คู พู แบเด้าะ ล คลึ้ ซีงแฌ๊ ล้าง อ ซ้ะ แบ
ดี๊ น่าง โยฮานา คูซา อ แม๊, คูซา ล แฌ้ อี้ง นอ เก ทอดู แคว่ กจุ้แฆว้ เฮรุ้ อ เท่อ, ดี๊ ซูซานา ดี๊ กมืง อ แฌ้แพ แอ แฌ้, กมืง ล แพ อี้ง เจ่ อ กแช่ อ จี้ ดี๊ อ ฆ้า อ โฆ่ แด เว๊ แม้ช้า กแช่ เยซู ดี๊ อ พู อ ลี้ง
จ โล้ เอะ น ซื๊ง โต้ๆ, ล้อ, โพล้ง แฌ้ ฌี้ แฌ้ ฌี้ เมะ เกม๊า โอ้ น ที๊ง ลู่ง อ แด เว๊ น เก จ พู จ ลี้ง อ กย้อง นอ, โพล้ง ล แฌ้ นอ ม นี่ แบ ท อ บลึ้ เต้ๆ, ล้อ
แบเด้าะ โพล้ง พี่ อ คูดูโมะโท๊ นอ, แม้ ที่ เท่อ อดูอโท๊ อ เว๊ โอม๊า ดี๊ เท่อ พี่ อดูอโท๊ ล้อ
แบเด้าะ อ เว๊ ไคล้ ดี๊ กมืง นอ ไจ้ะเว๊, “แม้นี่ น พู นอ เฌ๊ โชะ เอะ แย้ แดเทา”, อ เว๊ แม้นี่ พืงแซ นอ โชะไฆวะแด เว๊ ลู่ง กมืง นอ อ ฌื๊งละ พ้า, ไท้ ทาง โชะ เว๊ ลู่ง ทล่าง ท้ะโค๊ ล เช้า พี่ อ โอ เว๊ นอ, ดี๊ อางกีล้าง เว๊ ลู่ง อ กแช่ อ ล่างมี๊ง คู
โอ ล นี้ง อ เว๊ เฌ๊ พี่ นอ, ดี๊ ลี้ นึฆ้าง โอไปว้ะ ลู่ง ทล่าง พ้า ล เช้า นอ
