แบเด้าะ กจุ้แฆว้ เยโฮราง อ พูมืง เยโฮเชบา, เมะเว๊ อาฮ้ะยา อ พื่ง นอ, แม้นี่ คุ้ซูง อาฮ้ะยา อ พูแคว๊ โยอ้ะ, ไจแดไฆวะ กเย่ กจุ้แฆว้ อ พูแคว๊ ลแพ นอ อ แกล้, พี่ ม แบ ทแม้ซี๊ง-อ้ะ, ดี๊ อ เว๊ อางกีล้าง พูแคว๊ นอ ดี๊ โพล้ง พี่ อ โอ แคว่-อ้ะ นอ, ลู่ง ล่าง มี๊ง พ้า, บี่ซุ้ดี๊ นอ, อ เว๊ อางกีซูงไฆวะ พูแคว๊ ล เกม๊า อาทาลียา แด เว๊ แบ, อ กย้อง บี่นอ, พูแคว๊ นอ ล แบ ทแม้ซี๊ง-อ้ะ แบ
2กจุ้แฆว้ 11:3
7 교차 참조
แบเด้าะ ลู่ง เนว๊ เนง ล เนง พ้า นอ, เยโฮยาดา เจ่ทาง โพล้ง, ลี้ ช่องนี่ โพล้ง คารี ลแพ นอ อ ซึ้คู ยู่แคว่ ซึ้พู อ แฌ้ ล แย้, ดี๊ ซึ้พู ยู่แคว่ กจุ้แฆว้ ลแพ นอ อ ซึ้คู ยู่แคว่ ซึ้พู อ แฌ้ ล แย้, เกม๊า เว๊ อ เท่อ เฌ๊ฌูง-อ้ะ ลู่ง กแช่ยาเวอล่างโอ พ้า, ดี๊ อ เว๊ แม้ ทเอิ้งล้าง โละซ้ะ ดี๊ อ ซื๊งเว๊ซีงลแพ นอ, ดี๊ เกม๊า อ ซื๊งเว๊ อืงล้าง อ ซ้ะ ลู่ง กแช่ยาเวอล่างโอ พ้า, ดี๊ ไจทางฌ้า กจุ้แฆว้ อ พูแคว๊ นอ, เกม๊า อ ซื๊ง แด เว๊
광고