15 น บืง ดี๊ น ซไบ้ะ แซ อ โป้ง ล ชี๊ง นอ, ม ทึ้นี่ น เท่อ ล โป้ง, ม เกม๊า เอะ อ เพล่ดู, พี่ แม้ เท่อ ลู่ง กจุ้แฆว้ อ บลาง, ดี๊ เกม๊า เอะ กดูกแซย่
ล ว๊าง แย๊ นอ, โพล้ง มีเดียง อางแช๊ โยซิ้ ลู่ง ค่าง อีไย้ะ พ้า, อางแช๊ เอะ โปทีฟา พี่ เก ฟาโร อ เพล่ดูแม้เท่อบลางพ้า นอ, อ เว๊ เก ซึ้คูยู่แคว่ทะ ฟาโร ล้อ
‘ดี๊ พู ซีง ลแพ, พี่ ม เฌ๊ กึทาง นี่ ดี๊ แน้, พี่ ม เฌ๊ กึทาง เอะ แน้ นอ, ม แบ ท พองนี่ ไท้ โชะ ล้อ, ดี๊ อ ซื๊งเว๊ ม เก กแคว๊ได้ะดีง ลู่ง บาบีโลง อ กจุ้แฆว้ อ บลาง พ้า>,>>
ท่อง อ ท้อง ทอางกีล้าง อช๊าอโท่ พี่ กจุ้แฆว้ อางแบเลา, เกม๊า อ ซื๊งเว๊ เฌ๊ฆ้างฌูง-อ้ะ นอ, เพล่ได้ะดีง อคูอแน่ เฌ๊ฌ้า อ ซื๊งเว๊ ซีง ลแพ, เฌ๊ฌูง เนบูคาเนซา
ฌ้อง กจุ้แฆว้ นอ อางแบเลา อาเปนา, อ เว๊ อ กแคว๊ได้ะดีง อคูอแน่, ลี้ฌ้า โพล้ง อีซลาเอง แบ ล แฌ้ๆ, เลา ดี๊ อชื้ออชะ ดี๊ เพล่ดูแม้เท่อบลางพ้า อชื้ออชะ
อ เว๊ ม แม้นี่ น ซื๊ง ไชะ, ซไบ้ะ โซ๊ง, น ไพ โซ๊ง ลู่ง อ ฌี้ ทึ นอ, ม เกม๊า เอะ อ กดูกแซย่ ซีงลแพ นอ
อ เว๊ ม แม้นี่ น เพล่ มืง เพล่ แคว๊, ดี๊ น โพล้ง น่างบางซ้ะบางลู่ง อ ฌี้ ทึ นอ, ดี๊ ม แม้นี่ น แลว้ ลี้ แม้ เอะ อ เท่อ
