7 ค๊องเนงอี้ง, เกม๊า น ซื๊ง แด้เว้ เลาะ อ ซ๊าง ล ช๊อง, ดี๊ งู้ มื้งแซย่ คี๊ง ดื้ง, พี่ อ ล ทึ้ แบ แอะ น่าง พ๊าได้ะ แบ นอ, เกม๊า งู้ มื้งแซย่ ล กู่ง อี้ง เฌ๊ ทึ้ เลาะ, ฌ้อง อ พู ลแพ นอ ไท้ โฌ๊-อ้ะ ลู่ง เด้า เกม๊า พ้อง ดี๊ อ มื้งแซย่ ล กู่ง อี้ง
อ ซื๊งเว๊ ซีง แม้นี่ เลาะ อ ซ๊าง, ต้างทาง กแช่แยว้ อ ไฮะ, โชะทาง นี่ เว๊ ลู่ง อาบีนาด้ะ อ เด้า, พี่ อ โอ ลู่ง ทลู่ง คู นอ ดี๊ อาบีนาด้ะ อ พู ซีงลแพ, เมะเว๊ อุ้ซา ดี๊ อาฮีโย นอ เทา เลาะ ซ๊าง ล ช๊อง นอ
อ ซื๊งเว๊ซีง ต้างทาง กแช่แยว้ อไฮะ, ลู่ง เลาะ ซ๊าง ล ช๊อง อ คู, โอนี่ ลู่ง อาบีนาด้ะ อ เด้า พ้า, อุ้ซา ดี๊ อาฮีโย เก โพล้ง เทา เลาะ นอ
“อ อี้ง นอ เก ทอางแม้เลา พี่ กแช่ยาเว อางแบเลา เว๊ บี่อี้ง, ม๊า โล้ เอะ โพล้ง อีซลาเอง, เกม๊า ม้องนี่ งู้ มู่ โฌ้ ลู่ง อ ฌี้ ทึ, พี่ อ ทดึ้เดว ล โอ น่าง เม้ง แบ, ดี๊ ล นี่ นึ แอะ ทึ้ เลาะ น่าง พ๊า ได้ะ แบ นอ
เกม๊า เว่ง อ โพล้งเม้งโพล้งแซย่ พี่ โอ เบ้า ดี๊ โพล้ง ซี๊ง อ จู นอ, เฌ๊ ม้อง งู้ มู่ ล ดื้ง, พี่ ล เจ่ อาง อ ไฌ่ น่าง พ๊า ได้ะ แบ, ดี๊ ล นึ กู่ง แบ แอะ น่าง พ๊า ได้ะ แบ นอ
ดี๊ เกม๊า เว่ง อ โพล้งเม้งโพล้งแซย่, ลี้ ม้อง งู้ มู่ นอ, ลู่ง ทลู่ง คางไท้ะ, พี่ โอ ดี๊ ที๊ง แยว้ล้าง, พี่ โพล้ง ล โอ เท๊ เท่อ-อ้า, วางล้าง เท่อ-อ้า, น่างแฌ้ แบ นอ, ดี๊ บุ้แค่ งู้ มู่ อ โคะ ลู่ง ทลู่ง คางไท้ะ นอ
