17 ดาเว แม้ซี๊ง กล้าง ซี๊ง อ ซื๊งเว๊, ล โค๊ ลู่ง ทไค้ะเยาะยะล้าง, ท้อง ลู่ง มื่งแฌล้าง ลู่ง ไค๊ ล นี้ง เด้าะ, โพล้ง แคว๊ ไจ พ้องไฆวะ ดี๊ ทแม้ซี๊ง ล โอ น่าง แฌ้ แบ, โอ เว๊ ที่ โพล้ง แคว๊ ลี่ง แย้ แฌ้, พี่ อ เทา เอ้า ไจคุ้ซูงไฆวะ ลแพ นอ ล้อ
โอ ลู่ง ไค๊ ท่อง ซาอู ซี๊ง เย้า, พี่ ดาเว ลี้ ดึ้ซึ้ น้า โพล้ง อามาเละ เฌ๊ไท้ นอ, ดาเว โอไปว้ะ ลู่ง ซีล้ะ พ้า คี๊ง นี้ง
เมะเว๊ นี่แบ เว๊ ดี๊ เอโดง, โมอา, โพล้ง อางโมง, โพล้ง ฟีลีเตีย, อามาเละ, เลา ดี๊ เท่อ พี่ อ ลู่นี่ เว๊ ดี๊ เรโฮ อ พู, เมะเว๊ กจุ้แฆว้ ฮาดาเอเซอ ลู่ง เว่ง โซบา พ้า นอ
ท่องอช๊าง นอ อ ซื๊งเว๊ เฌ้เทิงทาง ลู่ง ทไค้ะ เยาะยะ ล้าง, บี่ซุ้ ม ลี้ ลู่ง โพล้ง ซีเรีย อ ทล่างโอซยอง พ้า, แบเด้าะ ท่อง อ ซื๊งเว๊ เฌ๊ ท้อง โพล้ง ซีเรีย อ ทล่างโอซยอง ฆ้องไท้ะ นอ, แคว่เซ้อ, โพล้ง ล โอ พี่ นอ น่าง แฌ้ แบ
ดี๊ อ ซื๊งเว๊ ดึ้ซึ้ โพล้ง อามาเละ, พี่ อ โอ ล้างลื๊อก้ะ พี่ อ ไจ พลิ้ไฆวะ ลแพ นอ, ฌ้อง อ ซื๊งเว๊ โอก้ะ พี่ นอ, ท้อง กุ้ นี้งๆ, อี้ง นอ ล้อ
จ ท่าง-อ้ะ ล้างบลิ้ล้างมูง, ด้องซุ้ ฌางคูมูง ลู่ง ลี้งเฌ๊ อ เมะแซ พ้า จ ไควะ ไจทางไฆวะ-อ้ะ, บี่ซุ้ดี๊ กไพะ ลู่ง เกล้มื่ง พ้า
แบเด้าะ เนทานียา อ พู อีซมาเอง ล พ๊าฆ่าง ดี๊ กแคว๊ โฆะ แฌ้ นอ, ไจคุ้ซูง พ้องไฆวะ ดี๊ โยฮานาง ลี้ฌูง ก้ะ โพล้ง อางโมง ล้อ
บาร้ะ ล้องช่อง เลาะ ดึ้ซึ้ เท่อ เลาพะ ดี๊ อ ซึ้พูมู๊ง นอ ลี้ ท้อง ลู่ง ฮาโรเชฮาโกยีง, ดี๊ ซีเซรา อ ซึ้พูมู๊ง ซี๊ง ดี๊ น้ะ อ แน่ กพลี๊ เฆาะ, ล ล้างลื๊อ น่าง แฌ้ ล้าแบ
กเย่ โพล้ง มีเดียง, ดี๊ อามาเละ, ดี๊ โพล้ง มื่ง ทาง มี๊ง ลู่ง ทลู่ง คางไท้ะ แอ ด้องซุ้ ทวี่ ปาทางก้า น๊างมู๊ง, โอ ดี๊ อ เอ้า น๊างมู๊ง ดว้ะ ล น้า แบ, แอ ด้องซุ้ มิ้ ปางเล พ้าไท้ะ
ท่อง ทพ้างทาง โฌ้โค๊ นอ, ซาอู อางน้างพ้ะ โพล้งเฌงพูฆ๊างพู ซ๊า มู๊ง, เฌ๊ นึฆ้าง ลู่ง ทล่างโอซยอง พ้า ลู่ง โฌ้ ล คึ, ดี๊ แม้ซี๊ง กล้าง ซี๊ง โพล้ง อางโมง, ท้อง ลู่ง ทคู่ล้าง แช๊ อ แค๊, โพล้ง พี่ อ พ้องไฆวะ ดี๊ ทแม้ซี๊ง ลแพ นอ, ที่พ้ะที่ล้าง ไท้ โอซยอง โละอซ้ะ ล ซี น่างกู่ง ล้าแบ
ค๊องเนงอี้ง, เกม๊า น ลี้ ดึ้ซึ้ โพล้ง อามาเละ, ดี๊ แม้เฌ๊ฌ้อง ทกุ้ อ เม้ง ฆวี๊ อ ซื๊งเว๊ อ เท่อ โอ นอ, ย๊างซ้ะ แบ-อ้ะ ล ฌี้, แม้ซี๊ง-อ้ะ เลา ดี๊ อ มืง อ แคว๊, เลา ดี๊ พืงแซ ปี๊ ดี๊ พืงแซ พี่ อ อาง นู่ง ได้ะ, เลา ดี๊ งู้, แกะ, เอ้า, ดี๊ แลว’, ”
