20 ฌ้อง นอ ซาอู ล้างเทะเค้า, จองตเละ พ้ะโท๊ อ คาง ฌางคู คู ล ทีง ฆ่าง, อ เว๊ ซ้ะเม เท่อ ลู่ง ซามูเอง อ ทไคล้ อ กย้อง นอ เต้ๆ, ดี๊ อ ไฌ่ อ แบ้ ล โอ น่าง ปี๊ ล้าแบ, เป๊งนี่ ล อาง ล โอ้ เท่อ น่างปี๊ แบ ล นี้ง ดี๊ ล แน้ เย้า
“เอ๊, แน้ น นี่ แม้ช้า โพล้ง พี่ อไฌ่อแบ้ ล โอ แบ นอ เย้า ซโบ่ น นี่ แม้ช้า จูงดูง, พี่ อไฌ่อแบ้ ล โอ ล้าแบ นอ เย้า เม่อ
ท่อง ซาอู แคว่ โพล้ง ฟีลีเตีย อ ซึ้พูมู๊ง นอ ซ้ะเม เว๊, ดี๊ อ ซ้ะ ว้ะโทะ น้ะ มะ
ท่อง ทพ้างทาง โฌ้โค๊, พี่ นาบาง ม้า ไซ้ะ ซวางทาง เย้า นอ, อ แม๊ อางโล๊ไท้ เอะ-อ้ะ, แบฆ้ะ ดี๊ เท่อ พี่ อ กึทาง ลแพ อี้ง, ดี๊ อ เว๊ อ เซิง อ ซ้ะ ซี๊ง ลู่ง แย๊โค๊, อ เว๊ เกทางก้ะ แบด้องซุ้ โล่ง
ล ก้ะ ได้ะ แบ นอ, กแช่ยาเว ม อางกีล้าง โพล้ง อีซลาเอง เลา ดี๊ แน้ นอ, ลู่ง โพล้ง ฟีลีเตีย อ จูง พ้า, ลู่ง โฌ้ โฆะ แน้ ดี๊ น พูแคว๊ กุ้ แฌ้ นอ ม โอ ดี๊ แย้, ดี๊ กแช่ยาเว ม อางกีล้าง ซึ้พู อีซลาเอง น๊างมู๊ง, ลู่ง โพล้ง ฟีลีเตีย อ จูง พ้า ปะ”
กมืง นอ เฌ๊ฆ้าง ฌูง ซาอู, ท่อง อ แด เว๊ ซาอู อ เซิง ล้างแช่ อ ซ้ะ ล้างแช่ น้ะ นอ อ ไจ้ะเว๊, “แคว่เซ้อ, น เพล่ มืง คุ้ช๊องแน แน้, ญ่อง ซี๊งล้าง ซ้ะ, ดี๊ ญ่อง คุ้ช๊องแน น ทไคล้, พี่ น โล้ เอะ แย้ นอ กุ้ อ เม้ง
