12 ดี๊ ท่อง กมืง ล แฌ้ นอ แด ซามูเอง นอ, อ เว๊ กุ้ซย้ะ พ้ะดู เท่อ, กมืง นอ โล้ เอะ ซาอู ไจ้ะเว๊, “แบทเล้, แน้ น โกง ดุ้ แย้?, แน้ น เก ซาอู ล้อ”
ท่อง ทพ้างทาง โฌ้โค๊ นอ, ยาคุ้ แด เว๊ เก น่าง เลอา, อ เว๊ ไจ้ะ เอะ ลาบาง บี่อี้ง, “ม้างโจ้-เอ้อ, แม้ทเล้ น แม้ เอะ แย้ บี่อี้ง?, จ แม้ เอะ น เท่อ, บี่ซุ้ ม นี่แบ ราเชง ล เมะ แบ-อ้า?, แม้ทเล้ น อางโล๊ แย้?”
กแช่ยาเว ไคล้ ดี๊ อาฮียา ไจ้ะเว๊, “แคว่เซ้อ, เยโรโบอาง อ แม๊ นอ เฌ๊, บี่ซุ้ ม อางจ้ะ น เท่อ ลู่ง อ พู อ ฌ่าง, เมะเว๊ พืงแซ นอ ช๊องไก้, เกม๊า น โล้ เอะ-อ้ะ บี่อี้ง” ท่อง อ เฌ๊ ท้อง นอ, แม้ ดุ้ อ ซ้ะ เก กมืง อ แฌ้แพ
กมืง นอ อางจ้ะ-อ้ะ ไจ้ะเว๊, “น ม เกม๊า จ กุ้ทางนี่ เอะ แน้ โพล้ง เล้?”, ซาอู ไจ้ เว๊, “กุ้ทางนี่ เอะ แย้ ซามูเอง”
กจุ้แฆว้ โล้ เอะ กมืง นอ ไจ้ะเว๊, “ซ้ะเม เท่อ ล ฌี้, น แด แบ ทเม้งเล้?”, ดี๊ กมืง นอ โล้ เอะ ซาอู ไจ้ะเว๊, “จ แด ทกโช้งกแช่ ล แฌ้ โอ ลู่ง ฌางคู พ้า เฌ๊ทาง”
ท่อง ซามูเอง ซี๊งไฆวะ เย้า นอ, โพล้ง อีซลาเอง กุ้ แฌ้ มองแบ เว๊, ดี๊ เคิงล้างบ้า เว๊ อ จู ลู่ง อ กแช่ อ เว่ง รามา พ้า ดี๊ ซาอู นอ แม้ซี๊งไฆวะ กเย่ ตี้งน่าง, ดี๊ ซระแคว่มื่งแคว่แล้, ลู่ง ที๊งล่างค่างพ้า นอ
