44 ซาอู อ พูมืง น่าง มีคาง, พี่ เก ดาเว อ แม๊ นอ, อ เว๊ เกม๊า เว๊ เกก้ะ ปางที อ แม๊ เย้า, ปางที นอ เก ลาอิ้ โพล้ง กางลีง อ พูแคว๊
ฌ้อง ดาเว โซ๊ง โพล้งไคล้เดิงเท่อ, ลี้ ฌูง ซาอู อ พูแคว๊ อีโบเช โล้ แบ-อ้ะ ไจ้ะเว๊, “เกม๊า ไท้ เอะ แย้ จ แม๊ น่าง มีคาง นอ ไช้ะ, เมะเว๊ จ อางเล๊ นี่-อ้ะ, ดี๊ โพล้ง ฟีลีเตีย อ แฌ้ ล แย้ อ ท คู ไพ้ะ”
อีโบเช โซ๊ง โพล้ง, เกม๊า ลี้ แม้นี่ไท้ น่าง มีคาง ไจพ้ะแด อ แว้, เมะเว๊ ลาอิ้ อ พู ปางทีเอง
กางลีง อ พูมืง-เอ้อ, เกม๊า แม้ เซ๊ น ลู่ง กุ้ซย้ะ เท่อ-เซ้อ ไลชา-เอ้อ, คุ้ช๊องแน-เซ้อ อานาโทะ นอ, ล้าง ย๊างซ้ะ เต้ๆ
ซาอู อ พูมืง น่าง มีคาง นอ เอ ดาเว, พี่ โพล้ง โล้ แบ ซาอู, แบฆ้ะ ดี๊ ท ล ไฌ่ อี้ง นอ, แบ อ เว๊ อ ซ้ะ ฌี้ มะ ล้อ
ดาเว เฌ้เทิงทาง ล พ๊า ฆ่าง ดี๊ อ ซึ้พู, อ ซื๊งเว๊ แม้ซี๊ง โพล้ง ฟีลีเตีย คี๊ง แย้ แฌ้, ดี๊ ดาเว เก้า นี่ โพล้ง ลแพ นอ อ ที คู ไพ้ะ, เฌ๊ไท้ โชะ เอะ กจุ้แฆว้ กู้งทาง เมาะ, บี่ซุ้ อ เว๊ ม เก กจุ้แฆว้ อ มะ, ซาอู เกม๊า อ พูมืง น่าง มีคาง เก ดาเว อ แม๊
