28 ซาอู ล ล้องช่อง ดาเว ล้าแบ, อ เว๊ เฌ๊ไท้ ลี้ ดึ้ซึ้ ดี๊ โพล้ง ฟีลีเตีย, โพล้ง กุ้ก้ะ ทล่าง ล จอง นอ อ เม้ง, ไล๊ พ้องไฆวะ ดี๊ ทอ้าทซ๊าง
แบเด้าะ โพล้งไคล้เดิงเท่อ ล แฌ้, เฌ๊ โล้ เอะ ซาอู ไจ้ะเว๊, “เกม๊า ปชื่ง ไท้ๆ, เมะเว๊ โพล้ง ฟีลีเตีย เฌ๊ ตมละนี่ ที๊งล่างค่างพ้า”
ดาเว ไจทางไฆวะ พี่ นอ, ลี้ทาง โอ เว๊ ลู่ง ทล่าง ทุ้กดื้ง ซ้ะ ลู่ง อเฌิ่งอค๊า, ลู่ง เองเกดี พ้า นอ ล้อ
โอ ลู่ง ไค๊ พี่ ซาอู ลี้ ล้อง โพล้ง ฟีลีเตีย เฌ๊ไท้ นอ, โพล้ง เฌ๊ โล้ เอะ-อ้ะ ไจ้ะเว๊, “แคว่เซ้อ, ดาเว โอ ลู่ง แพะคูทเคแกล้ เองเกดี”
ซาอู ดี๊ อ ซกุ้ ซีง อางฆื๊ง แคว่-อ้ะ, โพล้ง โล้ เอะ ดาเว, อ เว๊ ลี้ล้าง ลู่ง ไล๊ แกล้, ดี๊ โอ ลู่ง แพะคูทเคแกล้ มาโอง, ท่อง ซาอู ซีงแฌ๊ เว๊ นอ, ลี้ อางฆื๊ง ช่อง ดาเว, ลู่ง แพะคูทเคแกล้ มาโอง พ้า
ฌ้อง ซาอู ลี้ฌ้า อ ซึ้พู, พี่ อางลึนี่ เว๊ ลู่ง โพล้ง อีซลาเอง อ แกล้ เย้า นอ, ซ๊า ม๊า แฌ้, ลี้ อางฆื๊ง ดาเว, ดี๊ อ ซกุ้ ลู่ง ไล๊ ทพ้ะ แกล้
ก ไจคุ้ซูง พ้องไฆวะ ซี, ด้องซุ้ ทู พ้องไฆวะ ดี๊ โพล้ง อ ทดุ้ทเช ทดุ้ทเช นอ แค่เทา, ดี๊ ก ไจคุ้ซูงไฆวะ ซี
