1ซามูเอง 20:30 - Northern Pwo Karen Thai Bible

³⁰ ฌ้อง ซาอู อ ซ้ะทาง ดี๊ โยนาทาง ไจ้ะเว๊, “แน้, ก มืง กไบล้ะ ดี๊ ล กลุ้ ลจ้ะ แบ อ พู-เอ้อ, จ ล ซีงแฌ๊ แบ โบ่, น อางลึนี่ เจซี อ พู เฌ๊ แม้แช้แม้เด น กแช่, ดี๊ แม้แช้แม้เด น มู่ พี่ อ ดึ้ กึทางนี่ แน้?

1ซามูเอง 20:30 교차 참조

โยบา 5:2

เมะ เต้ๆ, ล้อ, ทเซิงทางซ้ะไฌ๊ แม้ซี๊ง โพล้ง เซ๊กูเฌ๊ฌ้อง ดี๊ ท ไคว๊เท่อโญ้ง เท่อ นอ, แม้ซี๊ง โพล้ง พี่ อ ทซีงแฌ๊แน่ฌ๊า โอ แซย้

ทอางด้อง 14:29

โพล้ง พี่ อ ซ้ะทาง โกย้ นอ, โอ ดี๊ ทแนซีโน้งซี แอ แบเด้าะ โพล้ง พี่ ซ้ะทาง เพล นอ, อางปฆ้า ทเซ๊กูเฌ๊ฌ้อง

ทอางด้อง 15:2

โพล้ง โอ ดี๊ ทโกงซีมองแบ นอ, อ พลี้ อางปฆ้า ทซีงแฌ๊ แบเด้าะ โพล้งเซ๊กูเฌ๊ฌ้อง นอ, อ นุ้ ลู๊งล๊าง ทเซ๊กูเฌ๊ฌ้อง

ทอางด้อง 19:12

กจุ้แฆว้ อ ท ซ้ะทาง นอ, บี่ซุ้ดี๊ คี๊ยื่ง แพ๊ อ ลู่ง กุ้ซย้ะ เท่อ แบเด้าะ กจุ้แฆว้ อ ท แบเมะล้างซ้ะ นอ, บี่ซุ้ดี๊ ปช้างที๊ง ลู่ง นาง คู

ทอางด้อง 19:19

โพล้ง พี่ อ ซ้ะทาง เอ้งไน๊ นอ, ม แบ นี่แบ อเตาอแต๊ อไฌ่บี่อี้ง, น เมะ แม้ช้า-อ้ะ เย้า นอ, น แบ แม้ช้า-อ้ะ ได้ะ

ทอางด้อง 21:24

“โพล้ง เฌา แม้ไฌ๊ซ้ะ เท่อ”, เก โพล้ง ทื่งดูล้างซ้ะ อเม้งอแซ พี่ แม้ อ ซ้ะ ลู่ง อดู้งอลู่

ทอางด้อง 25:28

โพล้ง พี่ แคแนล้าง อ ซ้ะ ลซีแบ นอ บี่ซุ้ดี๊ เว่ง พี่ อ แบ ทแม้เฌ๊ฌ้อง ดี๊ กางแป ลโอแบ นอ ล้อ

ทอางด้อง 27:3

โล่ง นอ ฆ๊า, ดี๊ มิ้ นอ โอ ดี๊ อ ฆ๊า ปะ แบเด้าะ โพล้ง เซ๊กูเฌ๊ฌ้อง อ ท เชิ่งเชะ นอ, อ ฆ๊า น้ะเละ เท่อ คี๊งเม้ง นอ ได้ะ

ม้ะทู 5:22

เมะ ยี๊ แด จ โล้ เอะ น ซื๊ง ซีง, โพล้ง พี่ อ ซ้ะทาง ดี๊ อ ด๊างพื่งวี่ โพล้ง ล แฌ้ นอ, ม แบ ท แม้ เตา แม้ แต๊-อ้ะ, ดี๊ โพล้ง พี่ ล แฌ้ เล้, พี่ อ ไจ้ะ อ ด๊างพื่งวี่ อ เฌ๊ฌ้อง ซี๊ง, โพล้ง ล แฌ้ นอ, ม แบ ลี้ ลู่ง โพล้ง ต้ะเซ๊ง เท่อ ล มู๊ง นอ อ เมะแซ พ้า, ดี๊ โพล้ง พี่ ล แฌ้ เล้, พี่ อ ไจ้ะ เอะ อ ด๊างพื่งวี่ อ พลื่ง ซี๊ง, โพล้ง ล แฌ้ นอ, ม แบ ท ลี้ โซ๊ง-อ้ะ ลู่ง มี มแนโฮะ พ้า

เอเฟโซ 4:31

ญ๊อง ไฆวะ น ซื๊ง ท เซิงทาง ซ้ะไฌ๊, ท ซ้ะทาง ท๊าง เท่อ, ท เอ้งโช่ง เอ้งไน๊, ท ดึ้เดว ทื่งแช้, ญ๊อง ไฆวะ ท ล แพ อี้ง ดี๊ กเย่ ท ล ฌี้ ล แอว้ แบ ท้อง อ เลา

เอเฟโซ 6:4

มู่ แพ่ ซีง ล แพ-เอ้อ, ไคล้ ดี๊ แม้ เอะ น ซื๊ง พู อ เท่อ ล เม้ง ล เม้ง ลู่ง อซื๊งเว๊ ม ซ้ะทาง เท่อ นอ ล ฌี้, แบเด้าะ พี่ น ลื่ง-อ้ะ นอ, เกม๊า น ซอง-อ้ะ ดี๊ โล้ เอะ อ เท่อ, บี่ ซุ้ โพล้ง แบ้ แยว้ เกิ้ง ม แม้ เว๊ ล้อ

1ซามูเอง 20:29

อ เว๊ ไจ้ะเว๊ บี่อี้ง, ‘เปล้ แย้ เกม๊า จ ลี้ ไช้ะ, เมะเว๊ โพล้ง ล ชื้อ ฆ่าง ดี๊ แย้ นอ, แบ เทว๊ ทพูแฆ่ ลื่งทาง เท่อ ลู่ง เว่ง พ้า, ดี๊ จ วี่ โจ้ อางแบเลา แย้ เกม๊า จ ลี้, ทบี่นอ, จ เมะ นี่แบ ทแบเมะล้างซ้ะ ดี๊ แน้ นอ, เกม๊า จ ลี้ โอ จ วี่ โจ้ ซีงลแพ นอ ไช้ะ’, อ กย้อง บี่นอ, อ เว๊ ล นี่ เฌ๊ ลู่ง กจุ้แฆว้ อ คะ ไท้ะ แบ”

1ซามูเอง 20:31

พี่ เจซี อ พู โอม๊า ลู่ง ฌางคูโคล๊งคู อี้ง ได้ะ อ แค๊ อี้ง นอ, น กแช่ ฌี้, น มื่ง น บ้าง ฌี้, ม โอเฌิ่งโอค๊า ล ซี แบ, ทบี่นอ, เกม๊า น เจ่ทาง โพล้ง ลี้ พองนี่-อ้ะ เฌ๊ โชะ เอะ แย้, อ ไฌ่ บี่อี้ง, เมะเว๊ อ เว๊ ม แบ ซี๊ง เต้ๆ, ล้อ”