14 จ เมะ โอม๊า ได้ะ นอ, เกม๊า น เนโพลทาง กแช่ยาเว อ ทเอทกวี้ง, ลู่ง อเฌิ่งอค๊า เอะ แย้, แบเด้าะ จ เมะ ซี๊ง นอ
ท่อง น โอ ดี๊ ทมึทพ้า เย้า นอ, อวีงซ้ะชู้ นางแบทางไท้ แย้, ดี๊ ย๊างซ้ะ แบ แย้, โล้ แบ ฟาโร นอ, เกม๊า จ นี่ ไจทางไฆวะ ลู่ง พ้อง พ้า อี้ง ไช้ะ
ดาเว โล้ เว๊, “โพล้ง ลู่ง ซาอู อเด้าคูล่างพ้า นอ, โอม๊า ล แฌ้ ๆ, ได้ะ-อ้า?, บี่ซุ้ จ ม เนโพลทาง ทเอ ลู่ง อเฌิ่งอค๊า เอะ โพล้ง ล แฌ้ นอ, ลู่ง จ แด โยนาทาง เก จ ซกุ้ นอ อ กย้อง”
กจุ้แฆว้ ไจ้ะเว๊, “โพล้ง ลู่ง ซาอู อชื้ออชะ พ้า โอ ล แฌ้ๆ, ได้ะ-อ้า?, แย้ จ ม เนโพลทาง กแช่แยว้ อ ทเอทกวี้ง ลู่ง อเฌิ่งอค๊า นอ เอะ-อ้ะ”, ซีบา ไคล้ช๊า กจุ้แฆว้ ไจ้ะเว๊, “โยนาทาง อ พูแคว๊ โอ ล แฌ้ ได้ะ, แบเด้าะ อ เว๊ นอ อ คาง เฌ๊ฌ้อง ไจ ล ซี แบ”
แบเด้าะ จ แพ่ เมะ แบ อ ซ้ะ แม้อ้าแม้ซ๊าง แน้, ดี๊ จ เมะ ล โล้ ซีงแฌ๊ เอะ แน้ แบ, ดี๊ ล โซ๊ง แน้ ลี้ ดี๊ ทมึทพ้า แบ นอ, เกม๊า กแช่ยาเว แม้ เอะ โยนาทาง ดี๊ แอทาง ได้ะ, เกม๊า กแช่ยาเว โอ ดี๊ แน้, ด้องซุ้ พี่ โอ ดี๊ จ แพ่ อู้ง นอ ไช้ะ
เกม๊า น แม้เทะไฆวะ น ทเอทกวี้ง ลู่ง อเฌิ่งอค๊า นอ, ดี๊ จ ชื้อ จ ชะ ล ฌี้ ล้างชู้ ดี๊ โอโท๊ ล ฌี้, ทึเมะ พี่ กแช่ยาเว แม้ไฆวะ ดาเว อดีงอแด้ เลาพะ, ลู่ง ฌางคูโคล๊งคู เย้า โฆะ ฌี้ นอ”
ท อ ไฌ่ พี่ แน้ ดี๊ แย้ ก โล้ โละซ้ะ นอ, แคว่เซ้อ, กแช่ยาเว เก พีงญาง เอะ แน้ ดี๊ แย้, ล้างชู้ ล้างแกย นอ ล้อ”
ทบี่นอ, ค๊องเนงอี้ง, เกม๊า น อืงล้าง ซ้ะ ดี๊ แย้, ลู่ง กแช่ยาเว อ เม้ง บี่อี้ง, พี่ จ ซี๊งไฆวะ เย้า โฆะ นอ, น ล แม้ เทะไฆวะ จ คลี๊ง จ แซ แบ, ดี๊ ล แม้เฌ๊ฌ้องไฆวะ จ เม้ง, ลู่ง จ แพ่ อชื้ออชะ พ้า แบ”
