1ซามูเอง 19:17 - Northern Pwo Karen Thai Bible

¹⁷ ซาอู อางจ้ะ น่าง มีคาง ไจ้ะเว๊, “แม้ทเล้, น คีงอูง แบ แย้ บี่อี้ง, ดี๊ ทูแพล่ไฆวะ จ ดีง จ แด้, อ เว๊ ไจไฆวะ เว๊?”, น่าง มีคาง ไคล้ช๊า ซาอู ไจ้ะเว๊, “ดาเว ไคล้ ดี๊ แย้ ไจ้ะเว๊, ‘เปล้ เกม๊า จ ไจไฆวะ ไช้ะ, น ม เกม๊า จ แม้ซี๊ง แน้ แม้ ทเม้งเล้?’, ”

1ซามูเอง 19:17 교차 참조

2​ซามูเอง 17:20

ท่อง อะซาโลง อ กดูกแซย่, เฌ๊ ท้อง โพล้ง มืง ล แฌ้ อี้ง อ เด้า นอ, อางจ้ะ เว๊, “อาฮีมาอ้ะ ดี๊ โยนาทาง โอ พี่จองเล้?”, กมืง นอ ไคล้ช๊า-อ้ะ ไจ้ะเว๊, “อ ซื๊งเว๊ คี๊ง แฌ้ นอ ลี้ ค๊างฆ้าง ที๊งพูกล้อง เย้า”, ท่อง อ ซื๊งเว๊ อางฆื๊ง เว๊ ล แด แบ นอ, ไท้ ไท้ เว๊ เยรูซเลง พ้า ไวะ

2​ซามูเอง 2:22

อะเนอ โล้ เอะ อาซาเฮง ล พ๊า เด้าะ ไจ้ะเว๊, “ล้องช่อง แย้ ล้า ล ฌี้, น ม เกม๊า จ เป้ แน้ ล้างเทะเค้า ฌางคู คู แม้ ทเม้งเล้, เมะ แม้ บี่นอ, จ ม แคว่ น โจ้ โยอะ อ เมะ ม ซี ได้ะ-ว้า”

1​กจุ้แฆว้ 21:20

อาฮะ ไคล้ ดี๊ เอลียา ไจ้ะเว๊, “โอ้, จ ดีง จ แด้-เอ้อ, น แด แย้ เย้า โบ่?”, เอลียา ไคล้ช๊า-อ้ะ ไจ้ะเว๊, “จ แด แน้ เย้า, เมะเว๊ น ญ่อง อางแช๊ล้าง น ซ้ะ, นึฆ้าง แม้ ทอ้าทซ๊าง ลู่ง กแช่ยาเว อ เมะแซ พ้า

ม้ะทู 2:16

ท่อง เฮรุ้ ซีงแฌ๊ เว๊ โม ล แพ นอ อางโล๊-อ้ะ, อ เว๊ อ ซ้ะทาง พ้ะดู, ดี๊ เจ่ ทาง โพล้ง, เกม๊า เว๊ อ ลี้ แม้ ซี๊ง พืงแซ กเย่ อ แคว๊ ล แพ นอ ลู่ง เฌง เบเลเฮง, ดี๊ เฌง ฆู เฌง ฆ้อง ล แพ นอ, กุ้ อ แฌ้ เมาะ เว๊ อ โญะ ล แอ นี่ คี๊ง เนง แบ, อ นอ ล ว๊าง ฆ่าง ดี๊ โม โล้ แบ-อ้ะ แซย โพล ทาง อ แค๊ อู้ นอ ล้อ

กาลาเต 4:16

พี่ จ ไคล้ ท เมะ ท โต้ ค๊องเนง อี้ง นอ, จ เก ไท้ โพล้ง แช๊เมะ ไฌ๊ซ้ะ ดี๊ น ซื๊ง นอ-อ้า

1ซามูเอง 19:14

ท่อง ซาอู เจ่ทาง โพล้งไคล้เดิงเท่อ, ลี้ พองนี่ ดาเว นอ, น่าง มีคาง ไคล้ช๊า-อ้ะ ไจ้ะเว๊, “ดาเว ล เก แบ”

1ซามูเอง 19:16

ท่อง โพล้งไคล้เดิงเท่อ เฌ๊ฆ้าง เด้า พ้า นอ, แด เว๊ ทเค่งทฌ้าง โอ ล่างมี๊ง คู, โอฆึ ดี๊ คูเคิง แมะ ชอง, โอ อ คูไท้ะ

1ซามูเอง 22:17

ดี๊ กจุ้แฆว้ อางแบเลา อ เพล่ พี่ โอ แคว่ทะ-อ้ะ, พี่ ชี๊เทิง โอคุ้ทะ-อ้ะ นอ ไจ้ะเว๊, “วีงไท้ น ซ้ะ แม้ซี๊ง ไฆวะ กแช่ยาเว อ โพล้งลื่งเท่ออคู ลแพ อี้ง, เมะเว๊ อ ซื๊งเว๊ อ จูง โอ ล แพ้ ฆ่าง ดี๊ ดาเว, ดี๊ อ ซื๊งเว๊ ซีงแฌ๊ เว๊ เย้า อ เท่อ ไจคุ้ซูงไฆวะ, แบเด้าะ ล โล้ เอะ แย้ ม๊า จ ซีงแฌ๊ แบ”, แบเด้าะ กจุ้แฆว้ อ กดูกแซย่ ลแพ นอ, ล ญ่อง แม้ซี๊ง กแช่ยาเว อ โพล้งลื่งเท่ออคู นอ แบ

1ซามูเอง 28:12

ดี๊ ท่อง กมืง ล แฌ้ นอ แด ซามูเอง นอ, อ เว๊ กุ้ซย้ะ พ้ะดู เท่อ, กมืง นอ โล้ เอะ ซาอู ไจ้ะเว๊, “แบทเล้, แน้ น โกง ดุ้ แย้?, แน้ น เก ซาอู ล้อ”